APOCALIPSIS 14:11 - Chatino Tataltepec

¹¹ Tyucui tyempo ná tye cha' tyatu̱ sñii quii' su nchcube' ñati̱ bi'; ná caja ñi'ya̱ clyaá ngu' bi' ji'i̱ ycui' Ndyosi, lcaa ñati̱ nu cua ngua'ni tlyu ji'i̱ na'ni bi', masi ji'i̱ lcui̱ ti ngua'ni tlyu ngu'; masi nga'a̱ cuayá' ti ji'i̱ ni' nde tyaca̱a̱ ngu' lo'o chu̱' ya' ngu', nga'aa clyaá ngu' bi'.

APOCALIPSIS 14:11 ပူးပေါင်းရင်းမြစ်များ

SAN MATEO 11:28

Lcaa cu'ma̱ nu nga'aa talo ma̱ cha' ti'i̱ tsa cña nu ntsu'u ji'i̱ ma̱ nde chalyuu, nti' ma̱, ca̱a̱ ma̱ tyu'u cha' ji'i̱ ma̱ lo'o na' juani; ta na' chacuayá' cha' ti̱ ti tyi'i̱ tyiquee ma̱ li'.

SAN MATEO 25:41

’Lo'o li' chcui' na' lo'o taju ñati̱ nu ndi'i̱ la'a tsu' coca 'na: “Tyu'u ma̱ liya', cu'ma̱ nu ná ntsu'u su tyi'i̱ ma̱ slo ycui' Ndyosi. Yaa clya ma̱ ca su ná tye tsiya' ti cha' ndyaqui̱ quii', cha' stu'ba ti tyi'i̱ ma̱ lo'o nu laca xu'na cuiñaja lo'o lcaa xca̱ ji'i̱, lcaa cui'i̱ cuxi; cuentya ji'i̱ nu cuiñaja bi' nguxtyu'u ycui' Ni quii' bi'.

SAN MATEO 25:46

Lo'o li' tyaa ngu' bi' ca bilyaa su ná tye cha' chcube' ngu'; pana ngu' nu lubii tyiquee ni, caja chalyuu nu ná nga'a̱ cha' tye tsiya' ti ji'i̱ ngu' bi'.

HEBREOS 1:8

Xa' ña'a̱ nchcui' ycui' Ndyosi cuentya ji'i̱ Jesús nu laca Sñi' ycui' ca: Ná nga'a̱ cha' tye cha' caca nu'u̱ loo, cha' ycui' Ndyosi laca nu'u̱, nacui̱ Ni, liñi ti ndu'ni nu'u̱ lo'o ñati̱ ca su laca nu'u̱ loo.

APOCALIPSIS 11:15

Li' cua ndya'a cati quiya' nguañi ngula'á xca̱ lo'o cui'chcua̱ ji'i̱. Nguañi nda xtyi'i tyu̱u̱ tya'a ñati̱ nde cua̱ li', nu ndi'ya̱ nchcui': Ca juani ndyanu tachaa cha' ji'i̱ ycui' nu Xu'na na, jua'a̱ ji'i̱ Cristo, cha' caca Ni loo ji'i̱ tyucui ña'a̱ chalyuu, nacui̱ ngu'. Lo'o juani ná nga'a̱ cha' tye cha' culo Ni cña chalyuu.

APOCALIPSIS 13:12

Ñi'ya̱ nchca ji'i̱ na'ni chiya'a̱ ña'a̱ nu ya̱a̱ tya clyo la nclyo ni' cña, la cui' jua'a̱ nchca ji'i̱ nu chaca na'ni bi' culo ni' cña ji'i̱ ñati̱; cha' juersa ndatsaa ni' ji'i̱ lcaa ñati̱ chalyuu cha' cua'ni tlyu ngu' ji'i̱ na'ni nu ya̱a̱ clyo, nu ngua tso'o su ti'í tsa ngula'a hique ni'.

APOCALIPSIS 13:15

Lo'o li' ngujui chacuayá' ji'i̱ nu chaca na'ni bi', cha' culatu'u cui'i̱ cha' tya̱a̱ xtyi'i lo lcui̱ ji'i̱ na'ni nu ya̱a̱ clyo bi'; ngua ji'i̱ lcui̱ chcui' lo'o ñati̱ li', ngua ji'i̱ cujuii ji'i̱ lcaa ñati̱ nu ná ntaja'a̱ cua'ni tlyu ji'i̱.

APOCALIPSIS 13:17

Ni sca ñati̱ nga'aa ntsu'u chacuayá' ji'i̱ cha' cui'ya yu'ba, ni cha' cujui' yu'ba, si ná ngua'a̱ cuayá' ji'i̱ ni' loo ngu'. Lo'o nu cuayá' bi' ni, xtañi na'ni nu chiya'a̱ ña'a̱ bi' laca, cha' número nu ca ji'i̱ xtañi ni' laca cuayá' bi'.

APOCALIPSIS 14:9

Nchca sna quiya' juani ya̱a̱ chaca xca̱. Cui̱i̱ nchcui' lo'o ñati̱ li': ―Xcube' ycui' Ndyosi ji'i̱ cua ña'a̱ ca ñati̱ nu ndyu'ni tlyu ji'i̱ nu na'ni chiya'a̱ ña'a̱ bi', masi ji'i̱ ycui' ni', masi ji'i̱ lcui̱ ji'i̱ ni'. Lo'o jua'a̱ xcube' Ni ji'i̱ lcaa ñati̱ nu nga'a̱ cuayá' ji'i̱ ni' nde tyaca̱a̱ ngu', jua'a̱ si nga'a̱ cuayá' ji'i̱ ni' chu̱' ya' ngu';

APOCALIPSIS 18:18

xi'ya tsa ngu' lo'o ña'a̱ ngu' tyatu̱ sñii cha' ndyaqui̱ quichi̱ tlyu bi': ―Bilya ña'a̱ na chaca quichi̱ nu culiya' la, ñi'ya̱ ngua culiya' tsa quichi̱ re ―ñacui̱ ngu' ji'i̱ tya'a ngu'.

APOCALIPSIS 18:9

Cunaa tsa lcaa ngu' nu laca loo chalyuu; xi'ya tsa ngu' lo'o ña'a̱ ngu' tyatu̱ sñii cha' ndyaqui̱ quichi̱ tlyu bi', cha' stu'ba ntsu'u cha' ji'i̱ ngu' lo'o ngu' quichi̱ bi'. Ndu'ni lya' ti' ngu' ji'i̱ tya'a ñati̱ ngu', lo'o jua'a̱ suba' tsa ndu'ni ngu' lo'o ngu'.

APOCALIPSIS 19:3

Tya chaca quiya' cui̱i̱ nchcui' ngu' li': ―Cua'ni tlyu na ji'i̱ ycui' Ndyosi. Nga'aa tye cha' tyatu̱ sñii ca su ndyaqui̱ quichi̱ tlyu bi'.

APOCALIPSIS 20:10

Lo'o li' tyucua ya' Ni ji'i̱ nu xña'a̱ nu ngüiñilo'o ji'i̱ ngu' tya clyo, tyalo'o Ni ji'i̱ lo tayu' su ntsu'u quii' ndyaqui̱ lo'o yuu sufri; la cui' se'i̱ laca su cua nchcua̱a̱ Ni ji'i̱ nu na'ni chiya'a̱ ña'a̱ bi', su cua nchcua̱a̱ Ni ji'i̱ nu cuiñi nu nacui̱ cha' tu'ba ji'i̱ ycui' Ndyosi laca. Tsa̱ lo'o talya ná tye cha' ti'í tsa chcube' ngu' ca bi'.

APOCALIPSIS 22:5

Nga'aa caca talya su ndi'i̱ ngu' ca bi'; bi' cha' nga'aa cua'nijo'o xee cuichaa ji'i̱ ngu', nga'aa nti' cha' cua'a̱ ngu' xee nde ni'i̱. Ycui' Ndyosi nu Xu'na na, bi' laca nu ta xee ji'i̱ ngu', ni ná tye tyempo cha' stu'ba ti caca ngu' loo lo'o ycui' Ni.

APOCALIPSIS 7:12

Li' nacui̱ nu ngu' xca̱ bi': Jua'a̱ caca cha' lacua; cua'ni tlyu na ji'i̱ Ni, cua'ni chi̱ na loo Ni, tya na xlya'be ji'i̱ ycui' Ni. Chcui' na cha' lcaa cha' jlo ti' Ni, na ji'i̱ Ni laca lcaa lo na nu ntsu'u chalyuu; lcaa lo cña tsiya' ti nchca ji'i̱ Ni cua'ni Ni, sca ti ycui' Ni ntsu'u chacuayá' ji'i̱ Ni cua'ni Ni lcaa cña. Lcaa yija̱ ná nga'a̱ cha' tye cha' jua'a̱ caca ji'i̱ ycui' Ndyosi Sti na. Chañi cha' jua'a̱ caca. Jua'a̱ nacui̱ ngu' xca̱ ji'i̱ tya'a ngu'.