APOCALIPSIS 14:1 - Chatino Tataltepec

¹ Lo'o li' na'a̱ na' chaca quiya' ca ndacua su ndu̱ nu ñi'ya̱ ña'a̱ xlya' bi' lo xlya ca'ya Sión; stu'ba ti ndu̱ bi' lo'o sca siyento ntucua tu'ba ntucua jacua mil tya'a ñati̱. Nde tyaca̱a̱ ñati̱ bi', ndacua nscua xtañi nu ñi'ya̱ ña'a̱ xlya' bi', lo'o la cui' bi' nscua xtañi ycui' Ndyosi Sti Ni.

APOCALIPSIS 14:1 ပူးပေါင်းရင်းမြစ်များ

SAN LUCAS 12:8

’Ndi'ya̱ nchcui' na' lo'o ma̱ juani: lo'o ná ca tyuju'u ti' ma̱ chcui' ma̱ slo xa' ñati̱ chalyuu cha' laca ma̱ ñati̱ 'na, la cui' jua'a̱ na' nu lijya̱a̱ cha' caca na' ñati̱, ná ca tyuju'u ti' na' chcui' na' cha' laca ma̱ ñati̱ 'na; chcui' na' jua'a̱ ca su tyi'i̱ na' lo'o xca̱ ji'i̱ ycui' Ndyosi nde cua̱.

ROMANOS 9:33

Cha' ji'i̱ quee bi' nscua sca cha' lo quityi cusu', nu nchcui' ndi'ya̱: Sta na' sca quee nu xtyii tyucui̱i̱ su ndya'a̱ ngu' Israel, ngu' quichi̱ Sión bi', nacui̱ ycui' Ndyosi. Jesús laca ñi'ya̱ laca quee bi', lo'o jua'a̱ ta Jesús sca cha' tyuju'u ti' ji'i̱ ngu' bi'; tyu̱u̱ tya'a ngu' bi' ca tyuju'u ti' ngu' xqui'ya Jesús bi'. Pana ná ntsu'u cha' caca taja ti' ngu' ji'i̱ Jesús, si cua ngusñi ngu' cha' ji'i̱.

APOCALIPSIS 14:14

Li' na'a̱ na' su ndacui sca coo ngati̱, chu̱' coo bi' ntucua sca nu ñi'ya̱ ña'a̱ ñati̱ ña'a̱; ntucua sca sne' oro hique Ni, lo'o ya' Ni ndacui sca maxtyi cha tu'ba.

APOCALIPSIS 14:3

nde loo su ndu̱ yaca xlya tlyu su ntucua ycui' Ndyosi, ca su ndu̱ nu jacua tya'a na'ni tacati bi', ca su ndu̱ nu ngu' cusu' bi', ca bi' ndu̱ ñati̱ nu ndyula lo'o sañi bi'. Sca ti nu ñati̱ quiña'a̱ bi' ngua ji'i̱ cula tu'ba ji̱i̱ bi'; ná ngua ji'i̱ xa' ñati̱ chalyuu ca tsa'a̱ ngu' ji̱i̱ bi', cha' sca ji̱i̱ nu bilya cuna ñati̱ chalyuu laca bi'. Sca ti nu sca siyento ntucua tu'ba ntucua jacua mil tya'a ñati̱ nu ngua'ni lyaá Ni ji'i̱ nde chalyuu, bi' ñati̱ laca nu ngua ji'i̱ cula tu'ba ji̱i̱ bi'.

APOCALIPSIS 15:5

Tiya' la li' na'a̱ na' ne' laa tlyu ji'i̱ ycui' Ndyosi nu ntucua nde cua̱. Ca cla'be bi' ndu̱ ni'i̱ nu tacati tsa su ntsu'u co'o quee cuaja' nu nscua cha' lo; la cui' cha' nu cua nda ycui' Ndyosi lo'o ñati̱ tya clyo la laca bi'.

APOCALIPSIS 22:4

Tyuloo tso'o ngu' ji'i̱ ycui' Ndyosi li', cha' ca bi' tyalaa lcaa ngu' nu nscua xtañi Ni nde tyaca̱a̱ ngu'.

APOCALIPSIS 3:12

Cua ña'a̱ ca ñati̱ nu tyiji̱loo ji'i̱ nu xña'a̱ ni, tlyu tsa caca ñati̱ bi' laja ñati̱ 'na lo'o cua ndyee chalyuu; tso'o tsa tyi'i̱ ngu' bi' ca su ndi'i̱ na'. Scua na' xtañi ycui' Ndyosi Sti na' loo ngu' bi', lo'o jua'a̱ scua na' ni naa quichi̱ tlyu nu ca ji'i̱ ycui' Ni; Jerusalén cucui naa quichi̱ bi'. Tyu'u bi' nde su ntucua ycui' Ndyosi, ca̱a̱ ca'ya bi' lo yuu. Jua'a̱ scua na' xtañi ycui' na' loo ngu' bi', cha' laca ngu' ñati̱ 'na.

APOCALIPSIS 4:1

Li' nguxña'a̱ na' nde cua̱, na'a̱ na' cha' ntucua yaala sca toni'i̱ ca bi'. Li' xa' nguañi nchcui' nu ñati̱ nu cua nchcui' lo'o na' tsaca quiya' nu ngua tya tsa̱ la; ñi'ya̱ ndañi nclya'á cui'chcua̱, jua'a̱ nxi'ya nu bi' nchcui' lo'o na'. Ndi'ya̱ nchcui' nu bi' lo'o na' li': ―Tyacuí̱ clya nu'u̱ ca nde, culu'u na' jinu'u̱ lcaa cha' nu nga'a̱ cha' caca tyempo nde loo la.

APOCALIPSIS 6:8

Li' na'a̱ na' cha' ndu̱ sca cuayu nu ngatsi ña'a̱. La Muerte naa nu ntucua hichu̱' cuayu bi', cha' bi' laca nu ndyaa ndyujuii ji'i̱ ñati̱; nde chu̱' bi' ngutu'u lca'a̱ tsa tlyu ti cresiya ji'i̱ ngu' jyo'o. Ntsu'u chacuayá' ji'i̱ yu bi', cha' cujuii yu ji'i̱ ña'a̱ tsaca yu'be ñati̱ nu ndi'i̱ chalyuu; lcaa ni'i̱ su ndi'i̱ jacua tya'a ñati̱ ni, cujuii yu ji'i̱ tsaca tya'a ngu' li', masi lo'o caca cha' cusu̱u̱ ji'i̱ ngu', masi lo'o caca jbi'ña ji'i̱ ngu', masi lo'o quicha ngu', masi lo'o cua'ni xña'a̱ na'ni tyaala lo'o ngu'.