APOCALIPSIS 13:18 - Chatino Tataltepec

¹⁸ Cui'ya na cuentya ni cha' ndyaca re. Si culacua tso'o ti' na, quije cha' ji'na ñi'ya̱ ndyu'u cha' ji'i̱ número ji'i̱ na'ni bi'; número ji'i̱ ni' ni, ñi'ya̱ laca xtañi ñati̱, jua'a̱ laca bi'. Nde laca número bi': scuá siyento ntucua snayala ntucua scuá.

APOCALIPSIS 13:18 ပူးပေါင်းရင်းမြစ်များ

SAN MARCOS 13:14

’Cua nscua lo quityi ji'i̱ jyo'o cusu' Daniel nu ngua tu'ba ji'i̱ ycui' Ndyosi nu ngua sa'ni, cha' ca tiya' la ña'a̱ ma̱ cha' tyu̱ sca na nu suba' tsa, nu cua'ni ñu'u̱ ji'i̱ lcaa na lubii―. (Caca cuayá' ti' ma̱ cha' bi' nu lo'o chcui' ma̱ lo quityi re.) ―Nu lo'o ña'a̱ ma̱ cha' ndu̱ na suba' bi' ca ne' laa tonu su ná ntsu'u chacuayá' tyu̱ ―nacui̱ Jesús―, li' tso'o la si xna lcaa ma̱ nu ndi'i̱ ma̱ nde loyuu su cuentya Judea, xna ma̱ cha' tyu'u cuatsi' ma̱ laja ca'ya.

ROMANOS 3:5

Cha' nu na ni, ntsu'u tsa cha' cuxi nu ndyu'ni na; lo'o nu cha' cuxi bi' ni, ndu'ni cha' taca ca cuayá' la ti' na cha' liñi tsa laca ycui' Ndyosi. ¿Ñi'ya̱ ta ñacui̱ na li'? ¿Ha ná liñi ndu'ni Ni lo'o na? ¿Ha ná tso'o si xcube' Ni ji'na lo'o ndyu'ni na cha' cuxi? Ntsu'u ñati̱ nu nchcui' jua'a̱.

APOCALIPSIS 1:3

Tso'o tsa caca tyiquee ma̱, ñati̱ nu chcui' lo quityi re, jua'a̱ cu'ma̱ lo'o cuna ma̱ cha' nu nchcui' quityi re, lcaa ña'a̱ cha' nu cua lijya̱ ti cha' caca nde chalyuu; nu lo'o taquiya' na ji'i̱ lcaa cha' nu nscua re, tso'o tsa caca tyiquee na li'. Lo'o jua'a̱ cua ngulala ti caca cha' nu nscua re.

APOCALIPSIS 15:2

Li' na'a̱ na' sca tayu' nu ñi'ya̱ ndubi caatya̱, jua'a̱ ndubi ña'a̱ lo tayu' bi'; ñi'ya̱ ndyatu̱ sca quii' ndyaqui̱, jua'a̱ ña'a̱ tayu' bi', ngua ti' na'. To' tayu' caatya̱ bi' na'a̱ na' ndu̱ lcaa ñati̱ nu cua ntiji̱loo ji'i̱ nu na'ni chiya'a̱ ña'a̱ bi'; masi cua ngujuii ngu' bi' xqui'ya cha' bi', ná ntaja'a̱ ngu' cua'ni tlyu ngu' ji'i̱ lcui̱ ji'i̱ na'ni bi', ni ná ntaja'a̱ ngu' chca'a̱ cuayá' ji'i̱ ni' hichu̱' ya' ngu' lo'o número nu cuentya ji'i̱ xtañi ni'. Ndu̱ ngu' bi' ndyula ngu' lo'o sañi nu cua nda ycui' Ndyosi ji'i̱ ngu'.

APOCALIPSIS 17:9

’Ndi'ya̱ ndyu'u cha' bi' si ca cuayá' ti' ma̱ ji'i̱ ―nacui̱ xca̱ 'na―. Nu cati tya'a hique na'ni bi' ni, bi' laca cati tya'a lo cuati̱i̱ su nscua quichi̱ tlyu nu lye tsa ndyu'ni ñu'u̱ ji'i̱ chalyuu. Lo'o jua'a̱ ndi'i̱ cati tya'a rey nu laca loo chalyuu.

APOCALIPSIS 21:17

Li' ngusñi xca̱ bi' cuayá' ji'i̱ lo'o ji'i̱ quichi̱, cha' snayala ntucua jacua metro cuayá' cua̱ bi'. Ñi'ya̱ laca cuayá' chcua̱ nu cua'nijo'o ji'na nde chalyuu, la cui' jua'a̱ ña'a̱ cuayá' chcua̱ nu ngua'nijo'o ji'i̱ xca̱ bi', nu lo'o ngusñi yu cuayá' ji'i̱ quichi̱.