Bi' laca nu nti' cua'a ji'i̱ lcaa lo jo'ó cha' ná cua'ni tlyu ngu' ji'i̱; ni ná cua'ni tlyu ngu' ji'i̱ ycui' Ndyosi, nti' yu, cha' nti' nu yu xña'a̱ bi' cha' cua'ni tlyu ngu' ji'i̱ ycui' ca yu. Tyatí̱ yu ne' laa tonu, tsaa tucua yu ca bi'; li' chcui' yu lo'o lcaa ñati̱ cha' cua'ni tlyu ngu' ji'i̱ ycui' ca yu, cha' ycui' Ndyosi laca ycui' yu, ñacui̱ yu.
APOCALIPSIS 13:14 - Chatino Tataltepec14 Lo'o jua'a̱ nguñilo'o ni' ji'i̱ lcaa ñati̱ tyucui ña'a̱ chalyuu xqui'ya cha' tlyu nu ndyu'ni ni' lo'o ndi'i̱ ni' slo nu na'ni nu ya̱a̱ tya clyo bi'. Li' nchcui' ni' lo'o lcaa ñati̱ chalyuu cha' cuiñá ngu' sca lcui̱ tyu̱, cha' cua'ni tlyu ngu' ji'i̱ lcui̱ bi'; ngüiñá ngu' lcui̱ ji'i̱ nu na'ni nu ya̱a̱ tya clyo bi' li', na'ni nu ngua tso'o masi ti'í tsa ngula'a hique ni'. အခန်းကိုကြည့်ပါ။ |
APOCALIPSIS 13:14
29 ပူးပေါင်းရင်းမြစ်များ
Ndyaa na' ndyatu̱ na' to' tyujo'o li'. Na'a̱ na' nde to' hitya tyujo'o lijya̱ ndu'u tucua sca na'ni nu chiya'a̱ tsa ña'a̱; ntucua tii tya'a sata ni', cuati ntsu'u cati tya'a hique ni'. Ca ta'a sata ni' bi' cua ntucua sne' nu ndubi tsa ña'a̱, cha' laca ni' loo nde chalyuu. Ca ta'a scua' que ni' cua nscua xtañi cuiñaja, xtañi bi' nchcui' cha' ti'í ji'i̱ ycui' Ndyosi.
lcaa ñati̱ tyucui ña'a̱ chalyuu cua'ni tlyu ngu' ji'i̱ na'ni bi' li', si ná nscua xtañi ngu' lo quityi ji'i̱ ycui' Ndyosi. Nu ngua tya clyo la lo'o tya lyiji cuiñá Ni chalyuu, tya li' nguscua Ni xtañi ñati̱ nu ná nga'a̱ cha' tye chalyuu ji'i̱. Cua ndyanu quityi bi' cuentya ji'i̱ nu ñi'ya̱ ña'a̱ xlya' nu cua ndyujuii ñati̱ ji'i̱ tsaca quiya'.
Nchca sna quiya' juani ya̱a̱ chaca xca̱. Cui̱i̱ nchcui' lo'o ñati̱ li': ―Xcube' ycui' Ndyosi ji'i̱ cua ña'a̱ ca ñati̱ nu ndyu'ni tlyu ji'i̱ nu na'ni chiya'a̱ ña'a̱ bi', masi ji'i̱ ycui' ni', masi ji'i̱ lcui̱ ji'i̱ ni'. Lo'o jua'a̱ xcube' Ni ji'i̱ lcaa ñati̱ nu nga'a̱ cuayá' ji'i̱ ni' nde tyaca̱a̱ ngu', jua'a̱ si nga'a̱ cuayá' ji'i̱ ni' chu̱' ya' ngu';
Li' na'a̱ na' sca tayu' nu ñi'ya̱ ndubi caatya̱, jua'a̱ ndubi ña'a̱ lo tayu' bi'; ñi'ya̱ ndyatu̱ sca quii' ndyaqui̱, jua'a̱ ña'a̱ tayu' bi', ngua ti' na'. To' tayu' caatya̱ bi' na'a̱ na' ndu̱ lcaa ñati̱ nu cua ntiji̱loo ji'i̱ nu na'ni chiya'a̱ ña'a̱ bi'; masi cua ngujuii ngu' bi' xqui'ya cha' bi', ná ntaja'a̱ ngu' cua'ni tlyu ngu' ji'i̱ lcui̱ ji'i̱ na'ni bi', ni ná ntaja'a̱ ngu' chca'a̱ cuayá' ji'i̱ ni' hichu̱' ya' ngu' lo'o número nu cuentya ji'i̱ xtañi ni'. Ndu̱ ngu' bi' ndyula ngu' lo'o sañi nu cua nda ycui' Ndyosi ji'i̱ ngu'.
nga'aa tyaca̱' tsiya' ti tyu'u xee toni'i̱ ji'i̱ ngu' quichi̱, nga'aa cañi chcui' ngu' cuañi' lo'o tya'a ngujui clyo'o ca ti ngu'. Tya sa'ni la ná ntsu'u ngu' culiya' tyucui ña'a̱ chalyuu ñi'ya̱ nu culiya' cu'ma̱ quichi̱ bi'; pana cua nñilo'o ma̱ ji'i̱ quiña'a̱ tya'a ñati̱ chalyuu, xqui'ya cha' tlyu tsa cha' cucha'a̱ nchca ji'i̱ ma̱.
Nxu̱u̱ tya'a ngu', lo'o li' ngua nu na'ni chiya'a̱ ña'a̱ bi' preso; lo'o jua'a̱ nu cuiñi nu ndu'ni cha' tu'ba ji'i̱ ycui' Ndyosi laca, lo'o bi' ngua preso. La cui' nu cuiñi bi' ngua'ni cha' tlyu ca slo na'ni bi' tya tsubi' la, cha' xcutsi̱i̱ ji'i̱ ñati̱; cua ngüiñilo'o bi' ji'i̱ lcaa ñati̱, bi' cha' nda ngu' chacuayá' chca'a̱ cuayá' ji'i̱ na'ni chiya'a̱ ña'a̱ bi' nde tyaca̱a̱ ngu', jua'a̱ ngua'ni tlyu ngu' ji'i̱ lcui̱ ji'i̱ ni' li'. Lo'o li' nchcua̱a̱ ycui' Ndyosi ji'i̱ nu na'ni chiya'a̱ ña'a̱ bi' lo'o nu cuiñi bi', ndyaa ngu' ña'a̱ lu'ú ti ngu' nde lo tayu' su ntsu'u quii' tlyu nu ti'í tsa ndyumi̱' ngu' cha' lo'o yuu sufri ndyaqui̱.
Ná cutsi̱i̱ ma̱ ji'i̱ cha' ti'í nu caca ji'i̱ ma̱ nde loo la, masi cua'ni nu xña'a̱ cha' tyu̱u̱ tya'a ma̱ tsaa ma̱ xi ne' chcua̱. Cua nti' yu cua'ni cuayá' yu ji'i̱ ma̱ si ña'a̱ ti tya nxñi ma̱ cha' jna'. Pana tii ti tsa̱ xcube' yu ji'i̱ ma̱, nacui̱ Ni. Ña'a̱ ti tyucui tyiquee ma̱ xñi ma̱ cha' ji'i̱ ycui' Ndyosi Sti na', masi cajaa ma̱, cha' ná nga'a̱ cha' tye chalyuu nu ta na' ji'i̱ ma̱ nde loo la li'.
Lo'o li' tyucua ya' Ni ji'i̱ nu xña'a̱ nu ngüiñilo'o ji'i̱ ngu' tya clyo, tyalo'o Ni ji'i̱ lo tayu' su ntsu'u quii' ndyaqui̱ lo'o yuu sufri; la cui' se'i̱ laca su cua nchcua̱a̱ Ni ji'i̱ nu na'ni chiya'a̱ ña'a̱ bi', su cua nchcua̱a̱ Ni ji'i̱ nu cuiñi nu nacui̱ cha' tu'ba ji'i̱ ycui' Ndyosi laca. Tsa̱ lo'o talya ná tye cha' ti'í tsa chcube' ngu' ca bi'.
ကြော်ငြာတွေ