―¿Ha nti' ma̱ tya'a̱ ma̱ lo'o na'? Ná caca ji'i̱ ma̱ xñi ma̱ cha' jna' si lye la ntsu'u tyiquee ma̱ ji'i̱ sti ma̱, masi ji'i̱ xtya'a̱ ma̱, masi ji'i̱ clyo'o ma̱, masi ji'i̱ sñi' ma̱, masi ji'i̱ tya'a ngula ma̱ masi qui'yu masi cuna'a̱; masi lye la ntsu'u tyiquee ma̱ ji'i̱ ycui' ca ti ma̱ cha' ña'a̱si̱i̱ ma̱ ji'i̱ ycui' ca ma̱, ná taca caca ma̱ ñati̱ jna' jua'a̱.
APOCALIPSIS 12:11 - Chatino Tataltepec11 Nu ngu' tya'a ngusñi na cha' ji'i̱ Jesús ni, cua ntiji̱loo ngu' ji'i̱ nu xña'a̱ bi', xqui'ya cha' ngujuii Jesús nu ñi'ya̱ ña'a̱ xlya' bi'. Ná ntsi̱i̱ ngu' bi' ta ngu' cha' tso'o ji'i̱ Jesús lo'o xa' ñati̱; ntaja'a̱ ngu' bi' chcui' ngu' cha' bi', masi cujuii ñati̱ ji'i̱ ngu' bi' xqui'ya cha' ñasi̱' tsa ñati̱ ji'i̱ Jesús. အခန်းကိုကြည့်ပါ။ |
APOCALIPSIS 12:11
33 ပူးပေါင်းရင်းမြစ်များ
Cu'ma̱ sñi' na', cua ntsu'u cha' ji'i̱ ma̱ lo'o ycui' Ndyosi, jua'a̱ cua ngua nguula la ti' tyiquee ma̱ xqui'ya Xtyi'i ycui' Ndyosi nu ndyanu ne' cresiya ji'i̱ ma̱ li'; bi' cha' nchca ji'i̱ ma̱ tyiji̱loo ma̱ ji'i̱ ngu' cuiñi nu cua ntsu'u cha' ji'i̱ lo'o ycui' nu xña'a̱. La cui' nu xña'a̱ laca nu nclyo cña ji'i̱ ñati̱ cuxi nde chalyuu.
Juan laca na', tya'a ntsu'u cha' ji'na lo'o Jesús laca na'. Ñi'ya̱ nu ndyaca ji'i̱ cu'ma̱, la cui' jua'a̱ ndyaca jna', cha' stu'ba ti ndyiji cha' ti'í ji'na cuentya ji'i̱ Jesús; pana jlya ti' na cha' Cristo laca loo ji'na juani, bi' cha' ndalo na ji'i̱ cha' ti'í nu tyacua ji'na. Nde cha' nu ngua 'na lo'o ndi'i̱ na' loyuu su naa Patmos, sca yuu piti ti nu nscua cla'be hitya. Ca bi' ntsu'u na' ne' chcua̱, xqui'ya cha' ná ntsi̱i̱ na' nchcui' na' cha' ji'i̱ ycui' Ndyosi lo'o ñati̱; nchcui' na' lcaa cha' tso'o nu cua nda Jesús lo'o na.
Ngunasi̱' tsa nu cuaña bi' ji'i̱ nu cuna'a̱ bi' li', ndyaa ndyaana ni' cha' cusu̱u̱ lo'o lcaa ñati̱ nu tyu'u ji'i̱ nu cuna'a̱ ca tiya' la; nxu̱u̱ tya'a ni' lo'o lcaa ñati̱ nu taquiya' ji'i̱ cña nu ngulo ycui' Ndyosi ji'na, nu ña'a̱ ti ná ntsi̱i̱ ngu' cha' cacha' liñi ngu' cha' ji'i̱ Jesús ji'i̱ xa' ñati̱.
Li' ngutu̱ sti̱' na' ngustii na' nde loo su ndu̱ xca̱ bi', cha' cua'ni tlyu na' ji'i̱ ngua ti' na', pana nga'aa nda bi' chacuayá' 'na: ―Nga'aa cua'ni nu'u̱ jua'a̱ lo'o na' ―nacui̱ nu xca̱ bi' 'na―. La cui' tya'a ndyu'ni na cña ji'i̱ ycui' Ni laca na. La cui' tya'a na' laca lcaa cu'ma̱ nu ngusñi tso'o ma̱ cha' tso'o nu cua nda Jesús lo'o ma̱. Ji'i̱ ycui' Ndyosi cua'ni tlyu nu'u̱ tso'o la ―nacui̱ xca̱ jna'. Nu cha' tso'o nu nda Jesús lo'o ñati̱, la cui' cha' laca nu nda ycui' Ndyosi lo'o ñati̱ nu laca tu'ba ji'i̱ Ni.
Cua jlo ti' na' lcaa ña'a̱ nu ndu'ni ma̱, nacui̱ Ni. Jlo ti' na' cha' laca Satanás loo ca su ndi'i̱ cu'ma̱; pana masi jua'a̱ laca cha', tya tso'o tsa nxñi ma̱ cha' 'na, nacui̱ Ni. Bilya tya'a̱chu̱' ma̱ ji'i̱ cha' jna'; ña'a̱ ti jlya ti' ma̱ 'na, masi tyempo cuxi nu ngua li', nu lo'o ndyujuii ngu' ji'i̱ jyo'o Antipas. Ná ndyutsi̱i̱ yu bi', nchcui' yu cha' 'na ca quichi̱ tyi ma̱ su ntucua Satanás loo.
Cua'a̱ jyaca̱ ma̱ xi ji'i̱ ña'a̱ cha' nu nda Xtyi'i ycui' Ndyosi lo'o taju ñati̱ nu ngusñi cha' ji'i̱ Ni scaa quichi̱, si tyaja'a̱ ca ma̱ cuna ma̱: Tso'o ti cua'ni na' lo'o cua ña'a̱ ca ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu ji'i̱ ngu'; caca tyaala' ti' tyiquee ngu' bi', cacu ngu' cha' tso'o nu cua nguxco'o na' cha' caja ji'i̱ ngu'. Lo'o jua'a̱ ta na' sca quee sube ti nu ngati̱ ña'a̱, nu nscua xtañi scaa ngu' chu̱', cha' ca cuayá' ti' ngu' bi', cha' tso'o ti nti' na' ña'a̱ na' ji'i̱ ngu'; chaca xtañi nu tso'o la laca nu nscua chu̱' quee bi'. Ná caja chacuayá' ji'i̱ xa' ñati̱ tyuloo xtañi bi'; cua laca ti ñati̱ nu caja xtañi bi' ji'i̱, bi' laca nu caja chacuayá' cha' tyuloo ji'i̱, nacui̱ Ni.”
Cua'a̱ jyaca̱ ma̱ xi ji'i̱ ña'a̱ cha' nu nda Xtyi'i ycui' Ndyosi lo'o taju ñati̱ nu ngusñi cha' ji'i̱ Ni scaa quichi̱, si tyaja'a̱ ca ma̱ cuna ma̱: Tso'o ti cua'ni na' lo'o cua ña'a̱ ca ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu ji'i̱ ngu'; caja chalyuu nu ná nga'a̱ cha' tye ji'i̱ ngu' bi', lo'o jua'a̱ ta na' chacuayá' cacu ngu' si'yu yaca tso'o nu ndu̱ ca cla'be yuu tso'o su ndi'i̱ ycui' Ni, nacui̱ Jesús.”
Lo'o li' na'a̱ na' su ntucua tyu̱u̱ tya'a yaca xlya tlyu. Ndyuloo na' ji'i̱ ngu' nu ntucua lo yaca xlya bi', cha' laca ngu' nu ntsu'u chacuayá' ji'i̱ cua'ni cuayá' ji'i̱ ñati̱ chalyuu. Laja ngu' nu ntucua bi' na'a̱ na' ji'i̱ ñati̱ chalyuu nu cua ndyujuii tya'a ñati̱ ji'i̱, xqui'ya cha' ná ntsi̱i̱ ngu' cacha' liñi ngu' cha' tso'o ji'i̱ tya'a ñati̱, cha' nu cua nda Jesús lo'o na cuentya ji'i̱ ycui' Ndyosi Sti yu. Ná ngua'ni tlyu jyo'o bi' ji'i̱ na'ni chiya'a̱ ña'a̱ bi', la cui' ti ná ngua'ni tlyu ngu' ji'i̱ lcui̱ ji'i̱ na'ni bi', jua'a̱ ná ngua'a̱ cuayá' na'ni bi' nde tyaca̱a̱ ngu', nde chu̱' ya' ngu'; cua ndyu'ú ngu' bi' chaca quiya', lo'o juani laca ngu' cña lo'o Cristo ca su ntucua ycui' Ndyosi ña'a̱ cuayá' tyu'u scua sca mil yija̱.
Cua ña'a̱ ca ñati̱ nu tyiji̱loo ji'i̱ nu xña'a̱ ni, tlyu tsa caca ñati̱ bi' laja ñati̱ 'na lo'o cua ndyee chalyuu; tso'o tsa tyi'i̱ ngu' bi' ca su ndi'i̱ na'. Scua na' xtañi ycui' Ndyosi Sti na' loo ngu' bi', lo'o jua'a̱ scua na' ni naa quichi̱ tlyu nu ca ji'i̱ ycui' Ni; Jerusalén cucui naa quichi̱ bi'. Tyu'u bi' nde su ntucua ycui' Ndyosi, ca̱a̱ ca'ya bi' lo yuu. Jua'a̱ scua na' xtañi ycui' na' loo ngu' bi', cha' laca ngu' ñati̱ 'na.
cha' xcui' ngati̱ tsa late' cacu' ñati̱ nu cua ntiji̱loo ji'i̱ nu xña'a̱, nacui̱ Ni. Nga'aa cuityi̱ na' xtañi ngu' bi' ji'i̱ quityi ca su nscua xtañi ñati̱ nu ngujui chalyuu cucui ji'i̱ jua'a̱. Lo'o tyalaa na' ca su ntucua ycui' Sti na' lo'o ngu' xca̱ ji'i̱ Ni, li' ñacui̱ na' ji'i̱ Ni cha' ñati̱ 'na laca ngu' bi', nacui̱ Ni.
Lo'o li' nu nchca ca'yu quiya' ngusuu nu ñi'ya̱ ña'a̱ xlya' bi' nguiña' nu nga'a̱ tu'ba quityi bi'. Li' na'a̱ na' sca mesa tlyu nde loo su ntucua ycui' Ndyosi, mesa bi' laca nu tyucua msta̱ lo. Nde ne' mesa bi' ntsiya tyu̱u̱ tya'a ngu' nu ngujuii; cua ndyujuii ñati̱ ji'i̱ ngu' bi' xqui'ya cha' nu nda ycui' Ndyosi lo'o ngu' bi', cha' ná ntsi̱i̱ ngu' bi' nchcui' ngu' cha' bi' lo'o tya'a ñati̱ ngu' li'.
ကြော်ငြာတွေ