APOCALIPSIS 11:4 - Chatino Tataltepec

⁴ Lo'o ndu̱ tyucuaa ñati̱ bi' chalyuu, ndu̱ ngu' cuentya ji'i̱ ycui' Ndyosi nu laca loo tyucui ña'a̱ chalyuu; nxtyucua tsa ycui' Ndyosi ji'i̱ ngu' bi', cha' chcui' ngu' lcaa cha' nu nti' ycui' Ni ta Ni lo'o ñati̱. Caca ngu' ñi'ya̱ laca tucua tya'a yaca si'yu olivo, lo'o jua'a̱ caca ngu' ñi'ya̱ laca tucua tya'a candyeru. (Tso'o tsa setye ndyu'u ji'i̱ si'yu olivo bi', cha' tyaqui̱ ne' candyeru.)

APOCALIPSIS 11:4 ပူးပေါင်းရင်းမြစ်များ

SAN LUCAS 11:33

’Ná tucui xtyu'u ji'i̱ sca quii' cha' li' su'ba cuatsi' ti ngu' ji'i̱. Ná su'ba cuatsi' ngu' ji'i̱ ne' sca caju̱; masi ca cua̱ ti sta ngu' xee bi' to' candyeru, cha' ta xee lcaa su ndya'a̱ ngu' ni'i̱.

SAN LUCAS 21:36

Tii ti ti' ma̱ tyi'i̱ ma̱ chalyuu lacua. Lcaa tyempo chcui' ma̱ lo'o ycui' Ndyosi cha' xtyucua Ni ji'i̱ ma̱, cha' talo ma̱ lo'o caca cha' cuxi bi' chalyuu. Lo'o li' caja ñi'ya̱ nu tyalaa ma̱ su tyucua ycui' na' nu cua nda Ni 'na lijya̱a̱ cha' caca na' ñati̱, cha' cua'ni cuayá' na' ji'i̱ ma̱ ―nacui̱ Jesús ji'i̱ ngu'.

ROMANOS 11:17

Laca ngu' judío ñi'ya̱ si laca ngu' sca yaca cuiñii, sca yaca olivo ni. Na cua ngusi'yu ycui' Ndyosi ji'i̱ tyu̱u̱ tya'a sta̱' yaca bi', ngulotsu' Ni ji'i̱ sta̱' yaca bi' li'; pana juani la cui' ca su ngutucua sta̱' yaca bi' nquicha', ndacua ngusca̱' Ni tyu̱u̱ tya'a sta̱' yaca quixi̱', cha' xñi ca'a̱ sta̱ yaca quixi̱' bi' ji'i̱ yaca cuiñii bi'. Ñi'ya̱ laca sta̱' yaca quixi̱', jua'a̱ laca cu'ma̱ ngu' xa' tsu', cha' cua ngujui la cui' cha' tso'o ji'i̱ ma̱, ña'a̱ cha' tso'o nu ntsu'u ji'i̱ ngu' judío. Laca ma̱ ñi'ya̱ laca si sca ti su̱u̱ yaca laca ma̱ lo'o ngu' judío, si sca ti si'ye laca ma̱ lo'o ngu' bi'.

APOCALIPSIS 1:20

Ndi'ya̱ ndyu'u cha' nu na'a̱ nu'u̱ tsa̱, cha' ji'i̱ nu cati tya'a cuii nu ntsu'u nde cua̱ nu na'a̱ nu'u̱ cha' ndacui ya' na' la'a tsu' cui̱, jua'a̱ nu cati tya'a candyeru oro bi', cha' ná ngua cuayá' ti' nu'u̱ nquicha': nu cati tya'a cuii bi', bi' laca nu cati tya'a ñati̱ nu ndu̱ cuentya ji'i̱ ycui' Ndyosi cha' chcui' ngu' lo'o nu cati tya'a taju ñati̱ ji'i̱ Jesucristo, sca taju ñati̱ bi' scaa quichi̱; lo'o jua'a̱ nu cati tya'a candyeru oro, bi' laca nu cati tya'a taju ñati̱ bi'.