APOCALIPSIS 11:18 - Chatino Tataltepec

¹⁸ masi ti'í tsa nchca ñasi̱' xa' la ñati̱ nu ná ndaquiya' jinu'u̱. Cua ngulala ti tyempo cha' ta nu'u̱ cha' ti'í ji'i̱ ngu' bi', cha' cua'ni cuayá' nu'u̱ ji'i̱ lcaa jyo'o. La cui' tyempo tya nu'u̱ xlya'be ji'i̱ ñati̱ nu ngua'ni cña jinu'u̱, cha' cua ngua'a̱loo nu'u̱ cña ji'i̱ ngu' cha' chcui' ngu' cha' jinu'u̱ nde chalyuu; jua'a̱ tya nu'u̱ xlya'be ji'i̱ ñati̱ nu ndaquiya' jinu'u̱, masi ñati̱ cuañi', masi ñati̱ cusu'. Cua ndyalaa tyempo cha' cua'ni ñu'u̱ nu'u̱ ji'i̱ ñati̱ nu ngua'ni ñu'u̱ ji'i̱ ñati̱ chalyuu.

APOCALIPSIS 11:18 ပူးပေါင်းရင်းမြစ်များ

SAN MATEO 5:12

Li' caca tso'o tyiquee ma̱, ca chaa ti' ma̱ cha' cua laca nguxco'o ycui' Ndyosi sca cha' tso'o nu tyacua ji'i̱ sa scaa ma̱ ca su ntucua ycui' Ni. La cui' jua'a̱ ngua lya' tsa ti' jyo'o cusu' sa'ni, nu lo'o na'a̱ ngu' ji'i̱ jyo'o cusu' nu ngua tu'ba ji'i̱ ycui' Ndyosi tyempo bi'.

SAN LUCAS 1:50

Ná culaya' ycui' Ndyosi ji'i̱ ñati̱ nu taquiya' ji'i̱ cha' nu nchcui' Ni; ña'a̱ cuayá' lcaa tyempo lijya̱ ñati̱ tyi'i̱ chalyuu, chañi cha' cua'ni tya'na ti' Ni ji'i̱ ngu' bi'.

HEBREOS 9:27

Cua ña'a̱ ca na ndyijii na sca ti quiya', lo'o li' ndu'ni cuayá' ycui' Ndyosi ji'na;

APOCALIPSIS 10:7

lo'o xana cula'á xca̱ nu nchca cati lo'o cui'chcua̱ ji'i̱, li' xana cua'ni Ni cña nu cua ndacha' Ni ji'i̱ jyo'o cusu' nu nda cha' ji'i̱ Ni lo'o ñati̱ tya sa'ni la. Ntsu'u yacu̱' ti cha' bi' cua sa'ni, pana juani cua ndañi liñi cha' bi'.

APOCALIPSIS 11:2

Nga'aa su'ba cuayá' nu'u̱ nde liya' toni'i̱ tlyu bi', cha' cuentya ji'i̱ xa' ñati̱ nu ná ndaquiya' jna' nu laca̱ ycui' Ndyosi tsiya' ti laca bi'. Chiya'a̱ tsa cua'ni ngu' bi' lo'o tyi'i̱ ngu' quichi̱ bi', la cui' quichi̱ tlyu nu laca quichi̱ nu cuentya jna' laca bi'. Tu'ba ntucua tucua co' tyi'i̱ ngu' bi',

APOCALIPSIS 13:10

Si lo'o nscua cha' tsalo'o ngu' ji'i̱ tsaca ma̱ ne' chcua̱, jua'a̱ caca lacua. Ná cutsi̱i̱ ma̱ li'. Si lo'o nscua cha' cujuii ñati̱ ji'i̱ tsaca ma̱, masi lo'o maxtyi, jua'a̱ caca lacua. Ná cutsi̱i̱ ma̱ li'. Ndu'ni cha' talo tsaa tyiquee na ji'i̱ cha' cuxi; ndu'ni cha' lcaa tsa̱ taquiya' na ji'i̱ ycui' Ndyosi si ntsu'u cha' ji'na lo'o Ni nde chalyuu.

APOCALIPSIS 13:16

Ngulo ni' cña ji'i̱ lcaa ñati̱ cha' chca'a̱ cuayá' ya' ngu' la'a tsu' cui̱, masi chca'a̱ cuayá' nde tyaca̱a̱ ngu'; masi ñati̱ tlyu, masi ñati̱ jua'a̱ ti, masi culiya' ngu', masi ti'i ngu', masi msu nu cua ngüi'ya ñati̱ ji'i̱, masi msu nu ndi'i̱ tso'o ti, chca'a̱ cuayá' ji'i̱ lcaa ñati̱ cuentya ji'i̱ nu xña'a̱.

APOCALIPSIS 14:10

xcube' Ni ji'i̱ ngu' bi', cha' lye tsa ngunasi̱' Ni. Tyaqui̱ ngu' bi' lo'o sca quii' tlyu nu nguxa' lo'o yuu sufri su ña'a̱ nu ñi'ya̱ ña'a̱ xlya' bi' ji'i̱ ngu'; jua'a̱ lcaa xca̱ nu cuentya ji'i̱ Ni ña'a̱ ji'i̱ ngu' bi' li'.

APOCALIPSIS 15:1

Ngutu'u tucua chaca cuayá' tlyu nde cua̱ li'. Ndube tsa ti' na' lo'o na'a̱ na' ji'i̱, cha' ndu̱ cati tya'a xca̱ ji'i̱ ycui' Ndyosi nu ndu̱ lo'o cati tya'a quicha nu caca su cua tye ti chalyuu. Lo'o cua ndye ngua quicha bi' chalyuu, li' cati̱ cha' ñasi̱' ycui' Ni.

APOCALIPSIS 15:7

Lo'o li' ndatu̱ sca na'ni tacati bi', lo'o jua'a̱ cati tya'a ca'ña oro ntucua ya' ni'; ne' ca'ña bi' ntsu'u cha' ti'í nu ta ycui' Ndyosi ji'i̱ ñati̱ chalyuu, cha' ñasi̱' tsa Ni ji'i̱ ngu', ycui' Ndyosi nu ná nga'a̱ cha' tye yija̱ ji'i̱ Ni. Nda ni' ca'ña bi' ji'i̱ nu cati tya'a xca̱ bi' li'.

APOCALIPSIS 18:6

Xcube' Ni ji'i̱ ngu' bi' li'; la cui' ñi'ya̱ lo'o cua nguxcube' ngu' ji'i̱ ma̱, jua'a̱ xcube' Ni ji'i̱ ngu' bi', masi tucua quiya' ta Ni cha' ti'í ji'i̱ ngu' quichi̱ bi'. Lye tsa ndyu'ni lya' ti' ngu' bi' ji'i̱ xa' ñati̱, bi' cha' cua'ni yala Ni cha' tucua quiya' xcube' Ni ji'i̱ ngu'.

APOCALIPSIS 19:15

Liñi tsa cha' nu ndyu'u tu'ba Ni lo'o nda Ni cha' lo'o ñati̱ chalyuu. Lo'o jua'a̱ tatsaa Ni ji'i̱ ñati̱ tyucui ña'a̱ chalyuu cha' taquiya' ngu' cha' ji'i̱ Ni. Lye tsa culo Ni cña ji'i̱ ngu', jua'a̱ xcube' Ni ji'i̱ ñati̱ cuxi; ñi'ya̱ laca lo'o satá ngu' si'yu losu' tyixi ne' sca pilya quee nu tlyu xi cha' tyu'u hitya si'yu bi', la cui' jua'a̱ xcube' Ni ji'i̱ ñati̱ bi', xqui'ya cha' ñasi̱' tsa ycui' Ndyosi ji'i̱ ngu', ycui' Ni nu nchca ji'i̱ ndu'ni Ni lcaa lo cña.

APOCALIPSIS 19:18

Cua̱a̱ clya ma̱ cha' cacu ma̱ cuaña' lcaa jyo'o ñati̱, masi rey, masi capitán, masi sendaru, masi cuaña' cuayu, masi cuaña' ñati̱ nu cua ntyucua hichu̱' ni' bi'; lo'o jua'a̱ cuaña' lcaa lo ñati̱, masi msu nu ngüi'ya ñati̱ ti, masi msu nu nguti'i̱ tso'o ti, masi ngu' cusu', masi ngu' cuañi', cua̱a̱ clya ma̱ cha' cacu ma̱ ji'i̱.

APOCALIPSIS 19:5

Li' nguañi nchcui' sca ñati̱ ca su ntucua yaca xlya tlyu: Lcaa tya'a na nu ndu'ni na cña ji'i̱ ycui' Ni, cua'ni tlyu na ji'i̱ Ni juani; lcaa na lo'o tya'a na nu ndube tsa ti' na ji'i̱ Ni, masi cuañi' na, masi ngusu' na, cua'ni tlyu na ji'i̱ ycui' Ni.

APOCALIPSIS 20:12

Lo'o li' na'a̱ na' cha' ca bi' ndi'i̱ lcaa ñati̱ nu cua ngujuii, masi ngu' cusu', masi ngu' cuañi', ndi'i̱ ngu' nde loo yaca xlya su ntucua tlyu ycui' Ni. Cua nchcana quityi li', lo'o jua'a̱ cua nchcana nu chaca quityi bi'; lo quityi bi' cua nscua xtañi ñati̱, lcaa ñati̱ nu cua ngujui chalyuu nu ná nga'a̱ cha' tye ji'i̱, cha' cua ndyu'ú ngu' chaca quiya'. Li' cuentya ji'i̱ quityi nu nguscua ycui' Ni, ngua'ni cuayá' Ni ji'i̱ lcaa ñati̱ nu cua ngujuii bi', cha' lo quityi bi' cua laca nscua lcaa cña nu ngua'ni ngu' lo'o ya̱a̱ ngu' chalyuu.

APOCALIPSIS 20:15

Lo'o li' xcua̱a̱ Ni ji'i̱ cua ña'a̱ ca ñati̱ nu ná nscua xtañi lo quityi ji'i̱ ycui' Ni, tyaa ngu' nde lo tayu' ca su ntsu'u quii' bi', cha' ndacha' quityi bi' tilaca laca ñati̱ nu ná nga'a̱ cha' tye chalyuu ji'i̱.

APOCALIPSIS 22:12

―Cua'a̱ jyaca̱ ma̱ ji'i̱ cha' nu chcui' na' re ―nacui̱ ycui' Jesús li'―. Yala ti ca̱a̱ na' chaca quiya'. Lo'o ca̱a̱ na', li' tyi'u ti' na' cha' cua'ni na' lo'o lcaa ñati̱ ñi'ya̱ nu ngua'ni ngu' lo'o ya̱a̱ ngu' chalyuu; tso'o tsa caca ji'i̱ ngu' nu ngua'ni cha' tso'o, lo'o jua'a̱ cha' ti'í caja ji'i̱ ngu' nu ngua'ni cha' cuxi.