2 TIMOTEO 4:2 - Chatino Tataltepec

² Culo na' cña jinu'u̱ cha' culu'u nu'u̱ cha' ji'i̱ ycui' Ndyosi ji'i̱ ñati̱; ña'a̱ ti tya culu'u nu'u̱ cha' bi' ji'i̱ lcaa ñati̱, masi nti' ngu' cuna ngu' cha' bi', masi ná nti' ngu' cuna ngu' cha' bi'. Tyucui tyiquee nu'u̱ culu'u nu'u̱ ji'i̱ ngu', cha' ta ngu' cuentya ji'i̱ lcaa cha' cuxi nu ntsu'u ne' cresiya ji'i̱ ngu'; jua'a̱ xtyucua nu'u̱ ji'i̱ ngu' cha' culochu̱' ngu' cha' cuxi bi'. Talo tyiquee nu'u̱ ji'i̱ ngu' cha' tso'o ti culu'u nu'u̱ cha' tso'o bi' ji'i̱ ngu',

2 TIMOTEO 4:2 ပူးပေါင်းရင်းမြစ်များ

SAN LUCAS 7:23

Taca caca tso'o tyiquee ma̱ si ná caca tyuju'u ti' ma̱ ña'a̱ ma̱ jna' ―nacui̱ Jesús ji'i̱ ngu'.

SAN LUCAS 7:4

Ndu'u ngu' ndyaa ngu' li'. Lo'o ndyalaa ngu' bi' ca slo Jesús, li' nguxana ngu' nchcui' ngu' lo'o yu cuentya ji'i̱ nu capitán bi'. ―Tso'o tsa nu capitán bi' ―nacui̱ ngu' ji'i̱ Jesús―. Ndulo tsa yu jinu'u̱ cha' cua'ni nu'u̱ jo'o ji'i̱ msu quicha bi' ji'i̱ yu ―nacui̱ ngu'―.

SAN LUCAS 9:60

Li' nacui̱ Jesús ji'i̱ yu: ―Tya ntsu'u xi xa' la tya'a ñati̱ ma̱ nu taca xatsi' ji'i̱ nu cua ngujuii; pana nu'u̱ ni, ntsu'u cha' tsaa nu'u̱ lo'o na' cha' chcui' nu'u̱ cha' tso'o ji'i̱ ycui' Ndyosi lo'o ñati̱.

LOS HECHOS 13:5

Li' ndyaa ngu' ne' yaca ni'i̱ ca quichi̱ Salamina. Lo'o ndyalaa ngu' chaca tsu' bi', li' ndyatí̱ ngu' ndyaa ngu' ne' laa ji'i̱ ngu' judío quichi̱ bi', cha' culu'u ngu' cha' ji'i̱ ycui' Ndyosi ji'i̱ ñati̱ nu ndi'i̱ ne' laa bi'. Tyempo bi' tya ndya'a̱ Juan lo'o ngu' cha' xtyucua ji'i̱ ngu'.

LOS HECHOS 16:13

Lo'o nu ngua tsa̱ nu ndi'i̱ cña' ngu' judío, li' ndu'u ya quichi̱ ndyaa ya ca to' sta'a̱ su ndyu'u ti'i̱ ngu' judío cha' chcui' ngu' lo'o ycui' Ndyosi tsa̱ bi'; ngulu'u ya xi ji'i̱ ngu' cuna'a̱ nu ndyu'u ti'i̱ ndacua ti.

LOS HECHOS 20:7

Lo'o ngua tsa̱ domingo, li' ndyu'u ti'i̱ ngu' nu ntsu'u cha' ji'i̱ lo'o Jesús cha' stu'ba ti cacu ngu' si̱i̱. Nclyu'u Pablo cha' ji'i̱ ycui' Ndyosi ji'i̱ ngu' li'; hasta ca cla'be talya nclyu'u yu ji'i̱ ngu', xqui'ya cha' chaca tsa̱ cua tyaa ti ya li'.

LOS HECHOS 28:16

Ndyalaa ya ca quichi̱ tlyu nu naa Roma li', ndyalaa lo'o capitán ji'i̱ lcaa preso bi' slo xu'na chaca latya sendaru nu ndi'i̱ cua̱ cajua. Lo'o li' nda ngu' chacuayá' ji'i̱ Pablo cha' tyi'i̱ yu xa' ni'i̱, masi ña'a̱ ti ndi'i̱ sca sendaru cua̱ ji'i̱ yu lcaa hora.

ROMANOS 10:15

Pana ná tucui caca ji'i̱ tsaa cha' ta cha' bi' lo'o xa' la ngu' si ná culo Ni cña ji'i̱ cha' tsaa. Ndi'ya̱ nchcui' quityi cusu': “Tso'o tsa nti' na lo'o tyalaa ngu' slo na cha' ta ngu' cha' tso'o ji'i̱ ycui' Ndyosi lo'o na, cha' culu'u ngu' ñi'ya̱ caca cha' ti̱ ti tyi'i̱ tyiquee na”. Jua'a̱ nchcui' quityi.

ROMANOS 12:12

Ndu'ni cha' tso'o tsa caca tyiquee ma̱ lo'o jatya ma̱ ji'i̱ ycui' Ndyosi cha' ca̱a̱ Ni cua'ni lyaá Ni ji'i̱ ma̱. Ná xtyanu ma̱ ji'i̱ cha' bi', masi ti'í tsa xcube' ngu' ji'i̱ ma̱ su ndi'i̱ ma̱ chalyuu. Lcaa tsa̱ chcui' ma̱ lo'o ycui' Ndyosi Sti na.

GÁLATAS 6:6

Lcaa tya'a na nu ndyaca tsa'a̱ na cha' tso'o nu cua nda Cristo bi', ntsu'u cha' ta na xi cha' tso'o nu ntsu'u ji'na cha' caja cua ña'a̱ ca na nu tyiji̱ yu'u ji'i̱ mstru nu ngulu'u cha' tso'o bi' ji'na.

COLOSENSES 1:25

Ycui' Ndyosi laca nu cua nda cña bi' 'na, cha' caca na' cña ji'i̱ ca ta'a ñati̱ nu ngusñi cha' ji'i̱ Ni lcaa quichi̱, cha' nguula la caca tyiquee ma̱. Nga'a̱ cha' ña'a̱ ti tya ta la na' cha' ji'i̱ Cristo lo'o xa' ñati̱ ña'a̱ cuayá' nu tye cuna ngu' cha' bi'.

COLOSENSES 4:3

La cui' tyempo bi' jña ma̱ cha' clyu ti' ji'i̱ ycui' Ndyosi cuentya ji'i̱ ya cha' caja la juersa ji'i̱ ya, cha' chcui' ya cha' tso'o ji'i̱ Cristo lo'o xa' la ñati̱, cha' cuna ngu' cha' bi' masi bilya caja ñi'ya̱ nu cuna ngu' cha' bi' yala la; xqui'ya cha' cua nchcui' tsa na' lo'o ngu' jua'a̱, bi' cha' ntsu'u na' ne' chcua̱ juani.

1 TESALONICENSES 1:6

Bi' cha' juani ndyu'ni ma̱ cña nu ndyu'ni ya, la cui' tya'a cña nu ndyu'ni ycui' nu Xu'na na. Cua ngusñi ma̱ cha' ji'i̱ ycui' Ni, masi ti'í tsa ti' ngu' ña'a̱ ngu' ji'i̱ ma̱; pana tso'o tsa ntsu'u tyiquee ma̱ xqui'ya Xtyi'i ycui' Ndyosi.

1 TESALONICENSES 5:14

Cu'ma̱ tya'a ngusñi na cha' ji'i̱ Jesús, ndi'ya̱ chcui' ya lo'o ma̱: Culo ma̱ cña ji'i̱ ngu' tya'a ma̱ nu ná nti' cua'ni cña, nu xcui' na taja ti nti' ngu'; cua'ni ma̱ cha' caca tlyu la tyiquee ngu' tya'a ma̱ nu xñi'i̱ ti ti', cha' xñi tso'o la ngu' cha' ji'i̱ Jesús; xtyucua ma̱ ji'i̱ ngu' tya'a ma̱ nu ná ndyiji juersa ji'i̱ cha' xu̱u̱ tya'a ngu' lo'o nu cuxi, jua'a̱ talo tyiquee ma̱ ji'i̱ cua ña'a̱ ca ngu' tya'a ma̱.

1 TESALONICENSES 5:20

Ná xtyí lo'o ma̱ ji'i̱ tya'a ma̱ lo'o chcui' ngu' sca cha' ji'i̱ ycui' Ndyosi lo'o ma̱;

1 TIMOTEO 4:13

Laja lo'o tya lyiji ti tyalaa na' slo nu'u̱, ña'a̱ ti tya chcui' nu'u̱ lcaa cha' nu nscua lo quityi ji'i̱ ycui' Ndyosi lo'o ngu'; tya chcui' la nu'u̱ ñi'ya̱ laca cha' liñi bi', tya culu'u la nu'u̱ cha' tso'o bi' ji'i̱ ngu' tsa tlyu ti lo'o tyu'u ti'i̱ ngu'.

1 TIMOTEO 5:20

Si chañi cha' ndyu'ni ngu' cusu' bi' cha' cuxi, li' chcui' nu'u̱ lo'o nu cusu' bi' slo tyucui taju ñati̱ ji'i̱ Jesucristo bi', cha' cube ti' lcaa ngu', cha' ná cua'ni cuxi ngu' jua'a̱.

2 TIMOTEO 2:21

Ñi'ya̱ nti' ya' xña nu ntsu'u ne' cosiña, jua'a̱ laca ñati̱ ji'i̱ Jesucristo; nti' na cha' cua'ni ycui' nu Xu'na na cha' tso'o lo'o na, cha' cube ti' Ni ji'na ñi'ya̱ lo'o ndube ti' xu'na ni'i̱ ji'i̱ ca'ña ji'i̱, nu quiña'a̱ tsa nga'a̱. Ná caca cua'ni na cha' tso'o bi' si ná lubii cresiya ji'na; bi' cha' ndu'ni cha' xtyanu na lcaa cha' cuxi cha' caca lubii cresiya ji'na, cha' sca ti cña nu nda ycui' Ndyosi ji'na cua'ni na li'.

2 TIMOTEO 2:25

jua'a̱ ji'i̱ ñati̱ nu ñasi̱' ji'i̱ ngu'. Tso'o ti chcui' ngu' bi' lo'o ñati̱ nu ñasi̱', cha' jua'a̱ taca cua'ni ycui' nu Xu'na na cña ne' cresiya ji'i̱ ñati̱ nu ñasi̱' bi', cha' taca culu'u Ni ji'i̱ ngu' ñi'ya̱ laca lo'o cha' liñi bi'. Tso'o tsa si culochu̱' ñati̱ nu ñasi̱' bi' lcaa cha' cuxi nu ndyu'ni ngu',

2 TIMOTEO 3:10

Lo'o nu'u̱ ni, Timoteo, jlo ti' na' cha' ná ndu'ni nu'u̱ ñi'ya̱ nu ndu'ni nu ngu' cuxi bi'. Stu'ba ti nti' nu'u̱ lo'o na', bi' cha' ndu'ni nu'u̱ ñi'ya̱ nu ngulu'u na' jinu'u̱; ndyu'ni nu'u̱ cña ñi'ya̱ nu ndyu'ni na' cña, cha' jlya ti' nu'u̱ cha' ji'i̱ Jesús ñi'ya̱ jlya ti' na' ji'i̱. Cua na'a̱ nu'u̱ cha' ndalo tyiquee na' ji'i̱ ñati̱, cha' ntsu'u tyiquee na' ña'a̱ na' ji'i̱ ñati̱, cha' ndalo na',

TITO 1:13

Chañi cha' nu nchcui' jyo'o bi'; bi' cha' lye chcui' nu'u̱ lo'o ngu' bi', cha' tso'o ti xñi ngu' lcaa cha' ji'i̱ Jesús nu nchcui' na lo'o ngu',

TITO 2:15

Jua'a̱ laca cha' nu nga'a̱ cha' ta nu'u̱ lo'o ngu', pana lye chcui' nu'u̱ lcaa cha' bi' lo'o ngu'. Culo nu'u̱ cña ji'i̱ ngu', lcaa lo cha' tso'o nu cua'ni ngu', lcaa lo cha' nu ná tso'o cha' cua'ni ngu', cha' nu'u̱ laca loo; ná ta nu'u̱ chacuayá' ji'i̱ ngu' cha' chcui' ngu' cha' cuxi jinu'u̱.

HEBREOS 13:22

Cu'ma̱ tya'a ngusñi na cha' ji'i̱ Cristo, cua'ni clyu ti' ma̱ 'na, talo tyiquee ma̱ xi 'na cha' cuna ma̱ cha' nu nchcui' na' re. Ná quiña'a̱ tsa cha' nscua na' lo quityi re, pana cua nti' na' cha' tyanu tachaa la cha' bi' ne' cresiya ji'i̱ ma̱.

APOCALIPSIS 3:19

Lcaa ñati̱ nu tyaca'a tsa 'na, ndaca'a na' xi ji'i̱ ngu', nchcube' na' xi ji'i̱ ngu'. Cua'ni clya ma̱ lacua, cha' culochu̱' ma̱ cha' cuxi nu ndyu'ni ma̱.