Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 TIMOTEO 3:3 - Chatino Tataltepec

3 masi ngu' nu ná ntsu'u tyiquee ña'a̱ ngu' ji'i̱ tya'a ngu', masi ngu' nu ná cui'ya cha' clyu ti' ji'i̱ tya'a ngu', masi ngu' nu lye tsa chcui' cuentyu ji'i̱ tya'a ngu' lo'o xa' ñati̱, masi ngu' nu ná tyaja'a̱ cua'a ji'i̱ ycui' ca ngu' cha' nti' ngu' cua'ni ngu' lcaa cha' cuxi nu ndiya ti' ngu' cua'ni ngu', masi ngu' nu tyaala tsa cua'ni, masi ngu' nu ná ndiya ti' tsiya' ti ni sca cha' tso'o,

အခန်းကိုကြည့်ပါ။ ကော်ပီ




2 TIMOTEO 3:3
31 ပူးပေါင်းရင်းမြစ်များ  

’Tii ti ti' ma̱ tyi'i̱ ma̱ lacua, cha' lo'o tya'a ngula ma̱ tsaa lo'o ji'i̱ ma̱ cha' cuiñi ti sta qui'ya ji'i̱ ma̱ slo ngu' tyaala bi'; lo'o jua'a̱ cujuii cuañi' sti ma̱ ji'i̱ ma̱. Hasta sñi' ma̱, cujuii cuañi' ngu' ji'i̱ cu'ma̱ nu laca ma̱ sti ngu' xtya'a̱ ngu' slo ngu' tyaala bi'; hasta cujuii ngu' ji'i̱ ma̱ nti' nu sube bi'.


Lo'o li' ndyaa lo'o Xtyi'i ycui' Ndyosi ji'i̱ Jesús ca ne' quixi̱' su btyi tsa yuu, su ná ndi'i̱ ñati̱, cha' tyacua tya'a yu lo'o nu xu'na cuiñaja cajua. Ngua ti' nu bi' tyiji̱loo ji'i̱ Jesús.


―Ñati̱ nu cua'a̱ jyaca̱ ji'i̱ cha' nu ta cu'ma̱ lo'o, ñi'ya̱ si ndaca'a̱ jyaca̱ ngu' bi' ji'i̱ cha' nu ta na' lo'o ngu' laca; lo'o ñati̱ nu xlyú cha' hichu̱' cu'ma̱, ñi'ya̱ si nxlyú ngu' bi' cha' hichu̱' na' laca. Lo'o jua'a̱ ñati̱ nu xlyú cha' hichu̱' na' ni, na nxlyú ngu' cha' bi' hichu̱' ycui' Ndyosi nu nda jna' lijya̱a̱; jua'a̱ laca cha' ―nacui̱ Jesús ji'i̱ ngu'. Ndu'u ngu' ndyaa ngu' li'.


Pana ntsu'u tsa tyiquee ngu' fariseo cha' ji'i̱ cñi, bi' cha' lo'o ndyuna ngu' cha' nu nchcui' Jesús, ngustí lo'o ti ngu' ji'i̱ yu.


Li' nacui̱ Jesús: ―Jua'a̱ na', cua ngusubi na' ji'i̱ ca ta'a tii tyucuaa tya'a ma̱, masi cuiñaja caca tsaca ma̱.


Ná tso'o tsiya' ti cña nu ndu'ni ngu' lo'o tya'a ñati̱ ngu': xcui' cha' suba' ti ndu'ni ngu', cuxi tsa ndu'ni ngu'; ndacui tsa ti' ngu' ji'i̱ scaa cha' tso'o nu ntsu'u ji'i̱ tya'a ñati̱ ngu', ti'í tsa ti' ngu' ña'a̱ ngu' ji'i̱ tya'a ngu'; nti' ngu' cha' tso'o la caca ji'i̱ ycui' ngu' que ji'i̱ xa' la tya'a ngu', pana nxu̱u̱ tya'a ngu' bi' hasta ndujuii ngu' ji'i̱ tya'a ngu'; ndu'ni ngu' ngana ji'i̱ tya'a ngu'; chiya'a̱ tsa cha' ntsu'u tyiquee ngu' ña'a̱ ngu' ji'i̱ tya'a ñati̱ ngu', hasta nclo que ngu' cuentyu ji'i̱ tya'a ngu',


Ni sca cha' ná ndube ti' ngu' bi' tsiya' ti; ná ndu'ni ngu' ni sca cña nu cua nacui̱ ngu' cha' cua'ni ngu'. Ná ntsu'u tyiquee ngu' ña'a̱ ngu' ji'i̱ tya'a ngu', ñi'ya̱ ndu'ni ñati̱ tso'o; la cui' ti ná ndu'ni tya'na ti' ngu' ji'i̱ tya'a ngu'.


Ná tso'o si tyeje tacui tyu̱u̱ tsa̱ nu ná ndi'i̱ ma̱ lo'o clyo'o ma̱; sca ti si tyu'utsu' ma̱ xi ji'i̱ tya'a ma̱ cha' caja xi tyempo chcui' ma̱ lo'o ycui' Ndyosi Sti ma̱. Lo'o nteje tacui cha' bi', xa' tyi'i̱ ma̱ lo'o clyo'o ma̱ li', ñi'ya̱ nu ndi'i̱ ti ma̱. Si ná cua'ni ma̱ jua'a̱, ná tyiquee' quiñu'u̱ cha' ji'i̱ ma̱ lo'o clyo'o ma̱ cha' ná nchca talo ma̱ tyu̱u̱ tsa̱. Lo'o li' cua'ni nu xña'a̱ ngana ji'i̱ ma̱.


Sca ti si ná talo ma̱ tyi'i̱ ma̱ jua'a̱ ti, tso'o la si caja clyo'o ma̱ li', cha' ná tso'o si quiñu'u̱ ti' na cha' xcui' ndijña tyiquee na ji'i̱ ñati̱ nu caca clyo'o na.


Si'i sca cha' nu nchcui' ñati̱ chalyuu ti laca cha' nu nchcui' na' lo'o ma̱ juani, cha' liñi nu cua nda ycui' Ndyosi lo'o na laca cha' bi'; bi' cha' si ná taquiya' ma̱ ji'i̱ cha' bi', na cua nguxtyanu ma̱ ji'i̱ ycui' Ndyosi nu nda Xtyi'i ycui' Ni cha' tyanu Ni ne' cresiya ji'na.


Lo'o nu ngu' cuna'a̱ ni, ntsu'u cha' cua'ni ngu' xcui' cha' tso'o nu lo'o caca ngu' cña cha' xtyucua ngu' ji'i̱ ña'a̱ taju ngu' nu ngusñi cha' ji'i̱ Jesús; ná tso'o cha' chcui' nu cuna'a̱ bi' cuentyu ji'i̱ tya'a ngu' lo'o xa' ñati̱. Nga'a̱ cha' culacua tso'o ti' nu cuna'a̱ bi', cha' talo ji'i̱ cña nu nda ngu' ji'i̱.


clyana nu'u̱ ji'i̱ ngu' nu nda su tyi'i̱ ñati̱ nu lijya̱ tyijyu', ngu' nu ndiya ti' cua'ni xcui' cha' tso'o, ngu' nu tso'o ti nchcui' lo'o ñati̱, ngu' nu sca ti cha' ji'i̱ Jesús ntsu'u tyiquee ngu', nu ndu'ni cua ña'a̱ ca cha' nu nti' ycui' Ndyosi cha' cua'ni na, ngu' nu nchca ji'i̱ cua'a ji'i̱ ycui' ca ngu'.


Lo'o jua'a̱ culu'u nu'u̱ ji'i̱ ma' cusu' ñi'ya̱ nu nga'a̱ cha' tyi'i̱ ma' cha' cua'ni chi̱ ma' loo ycui' Ndyosi, cha' ná chcui' ma' cuentyu ji'i̱ ñati̱, cha' ná ca cu'bi ma', cha' culu'u ma' xcui' cha' tso'o ji'i̱ tya'a ñati̱ ma'.


Ná tso'o ndyu'ni cu'ma̱, cha' ti'í ti' ma̱ ña'a̱ ma̱ ji'i̱ ngu' ti'i. Xcuane na' sca cha' ji'i̱ ma̱ lacua: ¿Ha si'i nu culiya' laca nu ti'í ti' ji'i̱ ma? ¿Ha si'i nu culiya' laca nu ndya'a̱lo'o ji'i̱ ma̱ ca slo ngu' tisiya?


Xcui' cha' suba' nda'ya hique ngu' cuxi bi' lo'o ña'a̱ ngu' ji'i̱ sca nu cuna'a̱, cha' ná tye cha' nti' ngu' bi' cua'ni suba' ngu' lo'o. Lo'o jua'a̱ hora ti culu'u ngu' bi' cha' cuxi ji'i̱ xa' ñati̱ nu bilya ca cuayá' tso'o ti' cha' ji'i̱ Jesucristo. Lye tsa ngua tsa'a̱ ngu' cuiñi bi' ji'i̱ lcaa lo cha' cuxi, bi' cha' lye tsa ndacui ti' ngu' bi'; ná nga'a̱ cha' tyaala' ji'i̱ ngu' bi' tsiya' ti. Pana cua nda ycui' Ndyosi yabe' ji'i̱ ngu' cuiñi bi';


Nchcui' nu ngu' cuiñi bi' lo'o xa' la ngu' cha' ná ntsu'u cha' taquiya' ngu' ji'i̱ lcua ti cña nu culo ycui' Ndyosi ji'i̱ ngu', cha' cua ngulaá ngu' ji'i̱ cha' bi', nacui̱ ngu' cuiñi bi'; pana bilya ca cuayá' ti' nu ngu' cuiñi bi', cha' ycui' ca ngu' laca ngu' msu ji'i̱ lcaa cha' cuxi nu ndu'ni ngu'. Cua ña'a̱ ca ñati̱ nu ta chacuayá' ji'i̱ nu cuxi cha' tyiji̱loo ji'i̱, la cui' hora bi' laca nu cuxi xu'na ñati̱ bi' li'.


Tya clyo ntsu'u cha' ca cuayá' ti' ma̱ cha' lo'o cua tyalaa ti tsa̱ nu tye chalyuu, li' tyu'u tucua ngu' nu xtyílo'o tsa ji'i̱ cha' ji'i̱ ycui' Ndyosi. Cua'ni ngu' bi' cua ña'a̱ ca cha' cuxi nu ndiya ti' ycui' ca ngu' cha' cua'ni ngu'.


Nu ngu' cuiñi bi' ni, xcui' na chi̱i̱ nti' ngu' bi' ndi'i̱ ngu' chalyuu; ná sca na ná ndiya ti' ngu' bi' tsiya' ti, cha' chiya'a̱ ti nchcui' ngu' ji'i̱ lcua ti cha'. Xcui' ndiya la ti' ngu' bi' lcaa lo cha' cuxi nu ntsu'u tyiquee ngu' ji'i̱. Lye tsa nchcui' tyucuaa ti' ngu' bi' lo'o tya'a ngu', pana xcui' tso'o tsa nchcui' ngu' bi' ji'i̱ ñati̱ si xtyucua ngu' ji'i̱ ngu' bi' lo'o sca cña cuxi.


“Tyu'u tucua xi ñati̱ cuiñi lo'o cua tye ti chalyuu”, nacui̱ ngu' bi' ji'na. “Xtyí lo'o ngu' cuiñi bi' ji'i̱ lcaa cha' tso'o nu ntsu'u ji'i̱ ycui' Ndyosi, jua'a̱ cua'ni ngu' cua ña'a̱ ca cha' cuxi nu ndiya ti' ngu' ji'i̱”, nacui̱ ngu' bi' ji'na.


Lo'o li' ngujui chacuayá' ji'i̱ nu chaca na'ni bi', cha' culatu'u cui'i̱ cha' tya̱a̱ xtyi'i lo lcui̱ ji'i̱ na'ni nu ya̱a̱ clyo bi'; ngua ji'i̱ lcui̱ chcui' lo'o ñati̱ li', ngua ji'i̱ cujuii ji'i̱ lcaa ñati̱ nu ná ntaja'a̱ cua'ni tlyu ji'i̱.


Ni sca ñati̱ nga'aa ntsu'u chacuayá' ji'i̱ cha' cui'ya yu'ba, ni cha' cujui' yu'ba, si ná ngua'a̱ cuayá' ji'i̱ ni' loo ngu'. Lo'o nu cuayá' bi' ni, xtañi na'ni nu chiya'a̱ ña'a̱ bi' laca, cha' número nu ca ji'i̱ xtañi ni' laca cuayá' bi'.


Tya ndyi'u ti' nu'u̱ ñi'ya̱ ngua lo yuu tya sa'ni la, nu lo'o cua ndyujuii ngu' ji'i̱ ñati̱ jinu'u̱; cua ndyujuii ngu' bi' ji'i̱ tyu̱u̱ tya'a ñati̱ nu ngua tu'ba jinu'u̱ cha' nchcui' nu'u̱ lo'o ñati̱. Lo'o juani la cui' ñi'ya̱ nu ngua'ni ngu' tya li', la cui' jua'a̱ nda nu'u̱ cha' ti'í ji'i̱ ngu', cha' tyi'u ti' ngu' ji'i̱ jyo'o nu cua ndyujuii ngu' ji'i̱ tya sa'ni la.


Li' na'a̱ na' cha' lye tsa ndyu'ni nu cuna'a̱ bi'; ñi'ya̱ ndu'ni sca nu cu'bi, jua'a̱ ndyu'ni nu cuna'a̱ bi', xqui'ya cha' cua ndyujuii bi' ji'i̱ ñati̱ ji'i̱ ycui' Ndyosi, ndyujuii ji'i̱ ñati̱ nu ná ntsi̱i̱ nchcui' liñi cha' ji'i̱ Jesús nde chalyuu. Lo'o cua na'a̱ na' ji'i̱ nu cuna'a̱ bi', quiña'a̱ tsa cha' ngulacua ti' na' li'.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ