Li' xa' nguxacui̱ Jesús cha' ji'i̱ ngu' nu ndyaca tsa'a̱ ji'i̱: ―Sca mstru cha' jo'ó ni, si ngusñi yu cha' jna', si ngua tsa'a̱ yu ñi'ya̱ caca lo'o laca ycui' Ndyosi loo ne' cresiya ji'i̱ ñati̱ ―nacui̱ Jesús―, li' laca yu bi' ñi'ya̱ laca sca nu culiya' nu ntsu'u tsa cha' tso'o nu ndyu'u co'o toni'i̱ ji'i̱; tso'o tsa ntsu'u tyiquee yu, bi' cha' ntsu'u tsa cha' tso'o nu caca culu'u yu ji'i̱ xa' ñati̱, masi cha' cusu', masi cha' cucui.
2 TIMOTEO 2:2 - Chatino Tataltepec2 Cua ndyuna nu'u̱ lcaa cha' nu ngulu'u na' ji'i̱ tyu̱u̱ tya'a ñati̱; nu juani la cui' ñi'ya̱ nu ngulu'u na', jua'a̱ culu'u nu'u̱ ji'i̱ ñati̱ nu tyucui tyiquee nti' ngu' culu'u ngu' cha' bi' ji'i̱ xi xa' la ñati̱, cha' ca tsa'a̱ tso'o nu xa' la ngu' bi' cha' ji'i̱ ycui' Ndyosi. အခန်းကိုကြည့်ပါ။ |
2 TIMOTEO 2:2
33 ပူးပေါင်းရင်းမြစ်များ
Li' nguxacui̱ Jesús cha' ji'i̱ yu: ―¿Ha ntsu'u cu'ma̱ nu tyucui tyiquee ma̱ ntaja'a̱ ma̱ cua'ni ma̱ cña 'na? Ndi'ya̱ cua'ni ma̱ lacua: sca msu nu tso'o ni, ta xu'na yu cña ji'i̱ yu cha' caca yu loo ne' ni'i̱ ji'i̱ xu'na yu; culo xu'na yu cña ji'i̱ yu cha' xacu yu ji'i̱ lcaa ngu' nu ndi'i̱ ni'i̱ bi'.
Ndya tsa na' xlya'be ji'i̱ ycui' Ndyosi cha' stu'ba cha' ji'na lo'o Cristo. Laca cha' ñi'ya̱ si ndya'a̱ lo'o ycui' Ndyosi ji'na ndya'a̱ qui'i ti na calle, cha' ndyu'ni chi̱ Ni loo Jesucristo cha' cua ntiji̱loo yu ji'i̱ nu cuxi. Jua'a̱ ji'na ta Ni su tya'a̱ na laja ñati̱ bi', cha' lo'o na nsañi na cha' ji'i̱ ycui' Cristo ca slo lcaa ñati̱; ndacha' na cha' ji'i̱ ycui' Ndyosi ca slo ñati̱, masi nchcui' na lo'o ñati̱ nu nti' clyaá ji'i̱ nu cuxi, masi nchcui' na lo'o xa' ñati̱ nu ná nti' cuna cha' tso'o bi'. Pana ñi'ya̱ laca sca na tyixi xtyi'i nu nda xtyi'i ntyucua lcaa se'i̱, jua'a̱ laca cña nu ndu'ni na cuentya ji'i̱ ycui' Ndyosi. Ndiya tsa ti' ycui' Ndyosi ji'i̱, la cui' jua'a̱ ndiya ti' Ni cña nu ndyu'ni Cristo nde chalyuu xqui'ya na.
Culo na' cña jinu'u̱ juani, Timoteo, cha' ñi'ya̱ nti' na' ña'a̱ na' ji'i̱ sca sñi' na', jua'a̱ nti' na' ña'a̱ na' jinu'u̱: Tya cua'ni la nu'u̱ cña ji'i̱ ycui' Ndyosi ñi'ya̱ nu cua nacui̱ ngu' nu laca tu'ba ji'i̱ ycui' Ni cha' cua'ni nu'u̱; tyi'u ti' nu'u̱ cha' nu cua nchcui' ngu' bi' jinu'u̱ tya tsubi' la, cha' caca nguula la ti' tyiquee nu'u̱. Li' ñi'ya̱ caca ji'i̱ sca sendaru tso'o, jua'a̱ taca jinu'u̱ xu̱u̱ tya'a lo'o nu cuxi nu ntsu'u chalyuu;
Na cua nda ycui' Ndyosi tyucui chacuayá' ji'i̱ Ni jinu'u̱ lo'o ngusta ya' ngu' cusu' hique nu'u̱, cha' cua'ni nu'u̱ cña cuentya ji'i̱ ycui' nu Xu'na na. Cua nchcui' ngu' cuentya ji'i̱ Xtyi'i ycui' Ndyosi cha' cua'ni nu'u̱ cña bi'; bi' cha' cui'ya tso'o nu'u̱ cuentya ji'i̱ cha' tso'o nu cua nda ycui' Ndyosi jinu'u̱ tsa̱ bi', cha' talo nu'u̱ ji'i̱ cña nu ntsu'u jinu'u̱.
Culu'u nu'u̱ lcaa cha' nu nscua na' lo quityi re ji'i̱ ca ta'a ñati̱ ji'i̱ Jesucristo cajua, cha' caca nu'u̱ sca ñati̱ nu tso'o tsa ndu'ni cña ji'i̱ Jesucristo, Timoteo. Tyi'u tso'o ti' nu'u̱ lcaa cha' liñi nu cua ngusñi nu'u̱, cha' ji'i̱ ycui' Ni; ña'a̱ ti xñi tso'o nu'u̱ tyucui̱i̱ ji'i̱ ycui' nu Xu'na na li', ñi'ya̱ nu ndyu'ni ti nu'u̱.
Ná yala tsa cua'ni nu'u̱ cha' sta ya' nu'u̱ hichu̱' sca ñati̱, cha' caca yu loo ji'i̱ sca taju ñati̱ ji'i Jesucristo; jatya xi cha' ña'a̱ si chañi cha' ñati̱ nu xcui' ndu'ni cha' tso'o laca yu, si chañi cha' tso'o tsa cña ndyu'ni yu, cha' ná tyanu qui'ya yu hichu̱' nu'u̱ si ntsu'u cha' cuxi ne' cresiya ji'i̱ yu bi'. Lo'o nu'u̱ ni, xcui' lubii ti cresiya jinu'u̱ cua'ni nu'u̱ cña.
Tyucui tyiquee nu'u̱ cua'ni nu'u̱ cña ji'i̱ ycui' nu Xu'na na, xqui'ya cha' ngusñi tso'o nu'u̱ cha' ji'i̱ Ni. Cua jlo ti' nu'u̱ cha' ná nga'a̱ cha' tye chalyuu jinu'u̱, cha' ngusubi ycui' Ndyosi jinu'u̱, lo'o li' cua nda nu'u̱ cha' lo'o tyu̱u̱ tya'a ñati̱ ñi'ya̱ ngua lo'o ngusñi nu'u̱ cha' ji'i̱ Jesucristo; si'i sca cha' cuaana ti ngua bi'.
Lo'o nu'u̱ ni, Timoteo, jlo ti' na' cha' ná ndu'ni nu'u̱ ñi'ya̱ nu ndu'ni nu ngu' cuxi bi'. Stu'ba ti nti' nu'u̱ lo'o na', bi' cha' ndu'ni nu'u̱ ñi'ya̱ nu ngulu'u na' jinu'u̱; ndyu'ni nu'u̱ cña ñi'ya̱ nu ndyu'ni na' cña, cha' jlya ti' nu'u̱ cha' ji'i̱ Jesús ñi'ya̱ jlya ti' na' ji'i̱. Cua na'a̱ nu'u̱ cha' ndalo tyiquee na' ji'i̱ ñati̱, cha' ntsu'u tyiquee na' ña'a̱ na' ji'i̱ ñati̱, cha' ndalo na',
Bi' cha' lacua, stu'ba ti ntsu'u cha' ji'i̱ Jesús lo'o ñati̱ ji'i̱ ycui' nde chalyuu. Ngujuii yu lo crusi cuentya ji'na, lo'o juani ntucua yu ca slo ycui' Ndyosi cha' chcui' yu lo'o Ni, cha' cuityi̱ Ni qui'ya nu ntsu'u ji'na. Juani laca Jesús ñi'ya̱ laca sca sti jo'ó nu laca loo la nu ndyi'u tsa ti' ji'na, nu jua'a̱ tso'o tsa ndu'ni tya'na ti' ji'na.
ကြော်ငြာတွေ