2 TIMOTEO 1:3 - Chatino Tataltepec

³ Ñi'ya̱ nu tyucui tyiquee jyo'o cusu' ji'na ngua'ni ngu' cña ji'i̱ ycui' Ndyosi nu ngua sa'ni la, jua'a̱ tyucui tyiquee na' ndyu'ni na' cña ji'i̱ ycui' Ndyosi juani. Ndya na' xlya'be ji'i̱ ycui' Ni lo'o nchcui' na' lo'o Ni cuentya jinu'u̱, cha' tsa̱ lo'o talya nchcui' na' lo'o Ni.

2 TIMOTEO 1:3 ပူးပေါင်းရင်းမြစ်များ

SAN LUCAS 2:37

Ndyanu ti'i ma' tyucui tyempo lo'o ndi'i̱ ma' chalyuu, lo'o nu juani ntsu'u jacuayala ntucua jacua yija̱ ma'. Tyucui tyempo ndi'i̱ ma' ca ne' laa tlyu bi', nde tsa̱ lo'o jua'a̱ nde talya ndyu'ni tlyu ma' ji'i̱ ycui' Ndyosi; ná ndacu ma' tyaja hora lo'o nchcui' ma' lo'o ycui' Ndyosi.

LOS HECHOS 22:3

―Tya'a cu'ma̱ ngu' judío laca na' ―nacui̱ Pablo ji'i̱ ngu'―. Quichi̱ Tarso ngula na' ca loyuu su cuentya Cilicia; tiya' la ndyalaa na' quichi̱ Jerusalén re, cha' ngua tsa'a̱ na' slo mstru Gamaliel li'. Tso'o ngua tsa'a̱ na' lcaa cha' nu nda ycui' Ndyosi lo'o jyo'o cusu' ji'na nu nscua lo quityi. Tyucui tyiquee na' ngua ti' na' taquiya' na' lcaa cha' ji'i̱ ycui' Ndyosi, la cui' ñi'ya̱ nu ndyu'ni ma̱ tsa̱ juani.

LOS HECHOS 23:1

Cua ndyu'u ti'i̱ lcaa ngu' cusu' bi'. Li' ña'a̱ tsa Pablo ji'i̱ ngu' cusu' nu cua'ni cuayá' ji'i̱ yu. ―Cu'ma̱ ngu' cusu' tya'a na' ―nacui̱ Pablo ji'i̱ ngu' li'―, lcaa tsa̱ tso'o ndi'i̱ na'. Lubii cresiya jna' cuentya ji'i̱ ycui' Ndyosi.

LOS HECHOS 24:14

Chañi laca cha' ndu'ni tlyu na' ji'i̱ ycui' Ni, la cui' ycui' Ndyosi bi' laca nu ngua'ni tlyu jyo'o cusu' ji'i̱ ya ji'i̱ Ni. Lo'o jua'a̱ cua ngusñi na' cha' cucui nu cua nda ycui' Ndyosi lo'o na nu ngua tsubi' ti, masi nchcui' ngu' re cha' cha' cuiñi laca bi'. Pana ña'a̱ ti tya ndaquiya' na' ji'i̱ lcaa cha' nu nguscua jyo'o Moises lo quityi sa'ni, lo'o jua'a̱ ndaquiya' na' ji'i̱ lcaa quityi nu nguscua jyo'o cusu' nu ngua tu'ba ji'i̱ ycui' Ndyosi nu ngua sa'ni.

LOS HECHOS 24:16

bi' cha' nti' na' cua'ni na' xcui' cha' tso'o laja lo'o ndi'i̱ na' chalyuu, cha' ná caja ñi'ya̱ nu cutsi̱i̱ na' ca slo ycui' Ndyosi, lo'o jua'a̱ ná cutsi̱i̱ na' slo ñati̱ ti li'.

LOS HECHOS 26:4

’Jlo ti' lcaa ngu' judío tya'a na ñi'ya̱ nu ngua'ni na' lcaa yija̱ lo'o nguti'i̱ na' ca quichi̱ tyi na', masi lo'o nguti'i̱ na' ca quichi̱ Jerusalén;

LOS HECHOS 27:23

Jlo ti' ma̱ cha' ycui' Ndyosi laca nu Xu'na na', cha' cña ji'i̱ ycui' Ni ndyu'ni na'. Talya ti ngulu'u loo sca xca̱ ji'i̱ ycui' Ndyosi 'na;

ROMANOS 9:1

Ñati̱ nu ntsu'u cha' ji'i̱ lo'o Cristo laca na', bi' cha' xcui' cha' liñi ta na' lo'o cu'ma̱; si'i cha' cuiñi nchcui' na'. Xtyi'i ycui' Ndyosi ngua'ni cha' ngua'ya cha' hique na', bi' cha' liñi tsa cha' nu ta na' lo'o ma̱ juani.

2 CORINTIOS 1:12

Tso'o tsa nti' ya cha' xcui' ngua'ni tyucui tyiquee ya lo'o ma̱, xcui' nda ya cha' liñi lo'o ma̱, ñi'ya̱ nu ngua'ni ya lo'o xa' ñati̱; jua'a̱ nti' ya. Ngua ji'i̱ ya cua'ni ya jua'a̱ lo'o ma̱ xqui'ya cha' lye tsa ngua'ni tya'na ti' ycui' Ndyosi ji'na laja ti; si'i cha' nda'ya cha' hique ti ya, bi' cha' ndu'ni ya jua'a̱.

GÁLATAS 1:14

Lye la ngua'ni na' lcaa cña tacati nu ndu'ni ngu' judío tya'a ya nu lo'o ndu'ni tlyu ya ji'i̱ ycui' Ndyosi. Xa' ngu' quichi̱ tyi na' nu tya'a stu'ba ti na' lo'o, ná stu'ba ngua'ni ngu' ñi'ya̱ nu ngua'ni na'; lye la ndaquiya' na' ji'i̱ lcaa lo cha' nu ntsu'u ji'i̱ ya, nu cua nda jyo'o cusu' lo'o ngu' judío tya'a ya tya sa'ni la.

EFESIOS 1:16

Bi' cha' juani, tsa cu' ti ndya na' xlya'be ji'i̱ ycui' Ndyosi xqui'ya cu'ma̱; ndyi'u ti' na' ji'i̱ ma̱ laja lo'o nga'a̱ na' ndyu'ni tlyu na' ji'i̱ ycui' Ndyosi.

1 TESALONICENSES 3:10

Nchcui' ya lo'o ycui' Ndyosi nde tsa̱ lo'o nde talya. Tya'na tsa nchcui' ya lo'o Ni cha' ta Ni chacuayá' ji'i̱ ya cha' tyacua tya'a na chaca quiya', cha' bilya tye culu'u ya ji'i̱ ma̱ lcaa cha' tso'o nu nga'a̱ cha' caca cuayá' ti' ma̱, cha' jua'a̱ xñi tso'o ma̱ cha' ji'i̱ Jesús.

1 TIMOTEO 1:19

taca xu̱u̱ tya'a nu'u̱ lo'o nu cuxi bi' si xñi tso'o nu'u̱ cha' ji'i̱ Jesucristo, si xcui' cha' tso'o cua'ni nu'u̱ lo'o ñati̱. Ntsu'u ngu' nu ngua jlo ti' ñi'ya̱ laca sca cha' liñi, pana nga'aa ndyu'ni ngu' cha' liñi bi' juani; cua ndya'a̱chu̱' ngu' bi' ji'i̱ ycui' Ndyosi, cha' nguxtyanu ngu' cha' tso'o bi'.

1 TIMOTEO 1:5

Culo nu'u̱ cña ji'i̱ ngu' cha' tso'o tsa tyu'u tyiquee ngu' ña'a̱ ngu' ji'i̱ tya'a ngu', cha' bi' laca cña nu ndu'ni ñati̱ nu ngua lubii cresiya ji'i̱ cuentya ji'i̱ ycui' Ndyosi; jlo ti' ñati̱ bi' ñi'ya̱ laca cña tso'o, lo'o jua'a̱ ndyu'ni ngu' bi' cña tso'o bi' li'. Chañi cha' ngusñi ngu' bi' cha' ji'i̱ ycui' Ndyosi si ntsu'u tyiquee ngu' ña'a̱ ngu' ji'i̱ tya'a ngu'.

1 TIMOTEO 5:5

Sca ti ji'i̱ ycui' Ndyosi ndu̱ ti' ngu' cuna'a̱ ti'i nu chañi cha' ndyanu ycui' ti ngu'; sca ti ycui' Ni xtyucua Ni ji'i̱ ngu' nti' ngu', bi' cha' nchcui' ngu' lo'o ycui' Ndyosi tsa̱ lo'o talya, ndijña ngu' ji'i̱ Ni na ca nu lyiji ji'i̱ ngu'.

2 TIMOTEO 1:5

Ntsu'u ti' na' cha' chañi cha' ngusñi nu'u̱ cha' ji'i̱ Jesús. Xtya'a̱ cusu' nu'u̱, nu ma' Loida ni, bi' laca nu cua ngusñi cha' bi' tya clyo; lo'o li' ma' Eunice xtya'a̱ nu'u̱ cua ngusñi cha' bi'; la cui' jua'a̱ nu'u̱, tso'o tsa ngusñi nu'u̱ cha' ji'i̱ Jesús.

2 TIMOTEO 3:15

Tya cuañi' tsa nu'u̱ lo'o nguxana nu'u̱ ndyaca tsa'a̱ nu'u̱ lo quityi ji'i̱ ycui' Ndyosi; quityi bi' laca nu culu'u liñi ji'na ñi'ya̱ taca clyaá na ji'i̱ nu cuxi, si xñi tso'o na cha' ji'i̱ Jesucristo.

HEBREOS 13:8

Ná ncha'a̱ Jesucristo: ñi'ya̱ ngua Ni tyempo sa'ni, la cui' jua'a̱ laca Ni juani, lo'o la cui' jua'a̱ caca Ni tyempo nde loo la.