2 TESALONICENSES 3:3 - Chatino Tataltepec

³ Chañi cha' ndu'ni nu Xu'na na lcaa cha' nu ñacui̱ Ni ji'na, cua'ni Ni cha' caca tlyu tyiquee ma̱, cua'a Ni ji'i̱ ma̱ cha' ná cala' nu xña'a̱ ji'i̱ ma̱.

2 TESALONICENSES 3:3 ပူးပေါင်းရင်းမြစ်များ

SAN MATEO 5:37

Tsa bi' ti cha' ñacui̱ ma̱: “Chañi”, si cha' liñi laca; lo'o jua'a̱ ñacui̱ ma̱: “Si'i”, si cha' cuiñi. Cua ña'a̱ ca cha' nu chcui' ma̱ nu lo'o ndu'ni ma̱ jura, cha' ji'i̱ nu xña'a̱ laca bi'.

SAN MATEO 6:13

Ná ta nu'u̱ chacuayá' cha' cojolaqui cha' cuxi ji'i̱ ya, pana cua'ni lyaá nu'u̱ ji'i̱ ya ya' nu xña'a̱. Nu'u̱ laca loo tsiya' ti; lcaa chacuayá' nu ntsu'u nde chalyuu, lo'o jua'a̱ chacuayá' nu ntsu'u nde cua̱, jinu'u̱ ntsu'u lcaa chacuayá' bi'. Ná nga'a̱ cha' tye cha' tlyu tsa laca nu'u̱. Jua'a̱ caca cha' tu'ni. Jua'a̱ ñacui̱ ma̱ ji'i̱ ycui' Ndyosi.

SAN LUCAS 11:4

Cui'ya nu'u̱ cha' clyu ti' ji'i̱ ya ji'i̱ lcaa cha' cuxi nu ngua'ni ya, cha' jua'a̱ cua ngüi'ya ya cha' clyu ti' ji'i̱ ñati̱ nu ngua'ni cha' cuxi lo'o ya. Ná ta nu'u̱ chacuayá' cha' cojolaqui cha' cuxi ji'i̱ ya, pana cua'ni lyaá nu'u̱ ji'i̱ ya ya' nu xña'a̱. Jua'a̱ ngulu'u Jesús ji'i̱ nu ngu' nu ndyaca tsa'a̱ ji'i̱ bi'.

SAN JUAN 17:15

Bi' cha' chcui' na' lo'o nu'u̱ juani, Sti na' ―nacui̱ Jesús―, cha' nti' na' cha' ña'a̱si̱i̱ nu'u̱ ji'i̱ ngu' bi', cha' ná cua'ni lya' ti' nu xña'a̱ ji'i̱ ngu', masi si'i cha' ca̱a̱ ca̱qui'ya nu'u̱ ji'i̱ ngu' bi' chcui' na' lo'o nu'u̱.

1 CORINTIOS 1:9

Ycui' Ndyosi ndu'ni cña, lcaa cña nu cua nacui̱ Ni cha' cua'ni Ni; bi' laca nu ngusubi ji'i̱ ma̱ cha' caca stu'ba cha' ji'i̱ ma̱ lo'o Jesucristo nu Xu'na na, nu sca ti Sñi' ycui' Ndyosi.

1 CORINTIOS 10:13

Lcaa quiya' lo'o tyacua sca cha' cuxi ji'i̱ ma̱, ná cube ti' ma̱ li', la cui' jua'a̱ ndyaca ji'i̱ cua ña'a̱ ca ñati̱ chalyuu. Pana ná cube ti' ma̱, ña'a̱ ycui' Ndyosi ji'na; lcaa cña nu nacui̱ Ni cha' cua'ni Ni cuentya ji'na, ndu'ni Ni cña bi'. Ná ta Ni chacuayá' cha' tyiji̱loo sca cha' cuxi ji'i̱ ma̱ ña'a̱ cuayá' nu nga'aa caca xtyanu ma̱ ji'i̱; pana la cui' hora lo'o cua cñilo'o ti cha' cuxi bi' ji'i̱ ma̱, li' xtyucua Ni ji'i̱ ma̱ cha' ná cua'ni ma̱ ji'i̱, lo'o li' taca clyaá ma̱ ji'i̱ cha' cuxi bi'.

1 TESALONICENSES 5:24

cua ngusubi ycui' Ndyosi ji'i̱ ma̱ cha' caca ma̱ ñati̱ ji'i̱ Ni tsiya' ti. Si'i sca cha' cuiñi nu nda Ni lo'o nchcui' Ni lo'o ma̱ jua'a̱, chañi cha' cua'ni Ni cha' caca ma̱ ñati̱ nu lubii cresiya ji'i̱ cuentya ji'i̱ ycui' Ndyosi.

2 TIMOTEO 4:18

Lo'o jua'a̱ tya cua'a Ni jna' ji'i̱ lcaa lo cha' cuxi nu tyacua na' ji'i̱; jlo ti' na' cha' ña'a̱ ti tya ña'a̱si̱i̱ Ni jna', cha' tso'o ti tyalaa na' su nclyo ycui' Ndyosi cña. Nga'aa tye tsa̱ cha' cua'ni tlyu na ji'i̱ ycui' Ndyosi ca bi'. Jua'a̱ caca cha' tu'ni.

1 PEDRO 5:10

Pana xti ti tsa̱ tyacua cha' ti'í ji'i̱ ma̱. Lo'o tye tsa̱ nu nchcube' ma̱, li' cua'ni ycui' Ndyosi cha' caca tso'o ma̱, cua'ni Ni cha' caca nguula ti' tyiquee ma̱ chaca quiya'; ta Ni juersa ji'i̱ ma̱, cha' xcui' tso'o tsa ndu'ni ycui' Ni lo'o na. Xqui'ya Cristo cua ngusubi Ni ji'na cha' taca tyi'i̱ na ca su tlyu su ntucua ycui' Ni.

2 PEDRO 2:9

Jua'a̱ caca cuayá' ti' na cha' nchca ji'i̱ ycui' nu Xu'na na cua'ni lyaá Ni ji'i̱ ñati̱ nu tso'o cresiya ji'i̱, cha' ná tyiji̱loo nu cuxi ji'i̱ ngu' bi'. Nu lo'o cua'ni cuayá' Ni ji'i̱ lcaa ñati̱ ni, jlo ti' Ni ti ji'i̱ xcube' Ni. Cua jlo ti' Ni tilaca laca nu ntsu'u cha' cuxi tyiquee.

JUDAS 1:24

Sca ti ycui' Ndyosi ntsu'u chalyuu. Taca cua'ni lyaá Ni ji'na xqui'ya Jesucristo nu Xu'na na; sca ti ycui' Ni nchca ji'i̱ Ni ña'a̱si̱i̱ Ni ji'na, laja lo'o ndya'a̱ na tyucui̱i̱ tso'o nu ngulu'u Ni ji'na. Xtyucua Ni ji'na cha' ná tyeje sna quiya' na, cha' ná tyu'utsu' na ji'i̱ tyucui̱i̱ bi', ña'a̱ cuayá' nu tyalaa na tso'o ti ca su ndubi tsa ña'a̱ xee, ca su ntucua ycui' Ndyosi. Lubii tsiya' ti caca cresiya ji'na lo'o cua ndyalaa na ca slo Ni, lo'o jua'a̱ caca chaa tsa ti' na li'. Bi' cha' juani cua'ni tlyu na ji'i̱ ycui' Ndyosi nu ntucua ca su tlyu nde cua̱, cha' sca ti ycui' Ndyosi ntsu'u nu tlyu tsa laca Ni; sca ti ycui' Ni laca Ni loo ji'i̱ lcaa lo na nu ntsu'u chalyuu, jua'a̱ sca ti ycui' Ni nchca ji'i̱ Ni cua'ni Ni lcaa lo cña tonu tsiya' ti. Lu'ú ycui' Ndyosi tya lo'o bilya tya' chalyuu, lo'o jua'a̱ lu'ú Ni juani; ná nga'a̱ cha' tye tyempo cha' lu'ú Ni ca nde loo la. Jua'a̱ laca cha' lacua.