2 TESALONICENSES 2:2 - Chatino Tataltepec

² cha' ná tya'a̱chu̱' ma̱ ji'i̱ cha' tso'o bi'. Ná cutsi̱i̱ ma̱ si nti' ngu' xcutsi̱i̱ ngu' ji'i̱ ma̱: masi chcui' ngu' cuentya ji'i̱ Xtyi'i ycui' Ndyosi, nacui̱ ngu'; masi culu'u ngu' cha' liñi ji'i̱ ma̱, nacui̱ ngu'; masi chcui' ngu' lo quityi nu nda ya lijya̱ slo ma̱, nacui̱ ngu'. Cha' cuiñi laca si ñacui̱ ngu' cha' nde tsa̱ laca nu ca̱a̱ ycui' nu Xu'na na, cha' ná jlo ti' ngu' tsiya' ti.

2 TESALONICENSES 2:2 ပူးပေါင်းရင်းမြစ်များ

SAN MATEO 24:24

cha' Cristo cuiñi caca nu bi'. Lo'o jua'a̱ tyu'u tucua xi ngu' cuiñi nu chcui' cha' tu'ba ji'i̱ ycui' Ndyosi laca ycui' ca ngu', nu cuiñi ti cua'ni cha' tlyu cha' cube tsa ti' xa' ñati̱; cua'ni ngu' cuiñi bi' jua'a̱, cha' nti' ngu' cua'ni ngu' ngana ji'i̱ ma̱, lo'o jua'a̱ ji'i̱ lcaa ñati̱ nu cua ngusubi ycui' Ndyosi ji'i̱.

SAN MARCOS 13:7

’Tyempo bi' cañi cha' nxu̱u̱ tya'a ngu' nasiyu̱ re lo'o ngu' xa' nasiyu̱, lo'o jua'a̱ caja cha' ji'i̱ ma̱ cha' nxu̱u̱ tya'a ngu' nasiyu̱ tyijyu'. Ná cutsi̱i̱ ma̱ li'.

SAN LUCAS 21:19

Nu lo'o cua ndalo ma̱ ji'i̱ lcaa cha' cuxi bi', li' tya caja chalyuu ji'i̱ ma̱ lo'o cua ndye cha'.

SAN LUCAS 21:9

Nu lo'o caja cha' ji'i̱ ma̱ cha' cua lijya̱ tyempo cusu̱u̱, masi nde quichi̱ tyi ma̱, masi tyijyu', ná cutsi̱i̱ ma̱ li'. Nga'a̱ cha' caca lcaa cha' bi' clyo la, pana tya lyiji tyalaa hora tye chalyuu.

SAN JUAN 14:1

’Ná quiña'a̱ tsa cha' culacua ti' ma̱ cuentya 'na ―nacui̱ Jesús ji'i̱ ngu' li'―. Cua ngusñi ma̱ cha' ji'i̱ ycui' Ndyosi, jua'a̱ xñi tso'o ma̱ cha' jna' li'.

SAN JUAN 14:27

’Ndi'ya̱ cua'ni na' lo'o ma̱ cha' cua tya'a ti na': cua'ni na' cha' ti̱ ti tyi'i̱ tyiquee ma̱. Ná nchca ji'i̱ ñati̱ chalyuu tyi'i̱ ti̱ ti ngu', pana ycui' na' cua'ni na' cha' ti̱ ti tyi'i̱ ma̱ ―nacui̱ Jesús―. Nga'aa culacua tsa ti' ma̱, nga'aa cutsi̱i̱ ma̱ ―nacui̱―.

1 CORINTIOS 1:8

Ycui' Jesús laca nu cua'ni cha' tyanu tachaa cha' ne' cresiya ji'i̱ ma̱ ña'a̱ cuayá' nu tye chalyuu ji'i̱ ma̱. Lo'o li' ná ntsu'u qui'ya nu sta ycui' Ndyosi hichu̱' ma̱ lo'o ca̱a̱ Jesucristo nu Xu'na na cha' cua'ni cuayá' Ni ji'i̱ ñati̱ chalyuu.

1 CORINTIOS 14:32

Cu'ma̱ nu nchcui' lo'o ngu' sca cha' nu cua nda ycui' Ndyosi lo'o ma̱, ycui' ca ma̱ nga'a̱ cha' cua'a ma̱ ji'i̱ ycui' ma̱, cha' ná tyeje tacui ma̱ chacuayá' ji'i̱ scaa ma̱.

1 CORINTIOS 7:26

Lye tsa laca chalyuu juani, ndyacua tsa cha' ti'í ji'na; bi' cha' tso'o la si tyanu na ñi'ya̱ nu ndi'i̱ ti na, nti' na'.

EFESIOS 5:6

Ná ta ma̱ chacuayá' cha' ñilo'o ngu' ji'i̱ ma̱ lo'o sca cha' tonto ti. Xqui'ya cha' cuxi bi' ñasi̱' tsa ycui' Ndyosi ji'i̱ ñati̱ chalyuu nu ná ndaquiya' ji'i̱ cha' nu nchcui' Ni; xcube' tsa Ni ji'i̱ ngu' bi' lo'o tye chalyuu.

1 TESALONICENSES 3:3

Ná nti' ya cha' ca taja ti' ni tsaca ngu' tya'a ma̱, masi lye tsa ndyu'ni lya' ti' ngu' ji'i̱ ma̱; jlo ti' ma̱ cha' jua'a̱ ndyu'ni ngu' lo'o ñati̱ ji'i̱ Jesucristo lcua ti lo quichi̱.

1 TESALONICENSES 4:15

Cua nchcui' ycui' nu Xu'na na ñi'ya̱ caca ji'i̱ lcaa na tsa̱ bi', nu lo'o ca̱a̱ ycui' nu Xu'na na chaca quiya': Lcaa na nu tya lu'ú na ni, ná tyiji̱loo na ji'i̱ ngu' tya'a na nu cua ngujuii.

1 TESALONICENSES 5:2

cua laca ngua cuayá' ti' ma̱ cha' ni sca ñati̱ chalyuu, ná jlo ti' ngu' ni tsa̱ ca̱a̱ ycui' nu Xu'na na. Ñi'ya̱ ndyalaa sca nu cuaana to' ni'i̱ ji'i̱ ngu' talya, jua'a̱ cuaana ti ca̱a̱ Jesús.

2 TESALONICENSES 2:15

Cu'ma̱ ngu' tya'a na, juani tyi'u tso'o ti' ma̱ lcaa cha' nu ngulu'u ya ji'i̱ ma̱; cua'ni ma̱ cha' caca cuayá' tso'o ti' ma̱ lcaa cha' nu cua nchcui' ya lo'o ma̱, lcaa cha' nu cua nguscua ya lo quityi cha' ca̱a̱ ca slo ma̱.

2 TESALONICENSES 3:17

Xlyo ni'i̱ ji'i̱ ma̱. Pablo laca na' lo'o ycui' na' nscua na' letra juani, cha' caca cuayá' ti' ma̱ cha' chañi cha' quityi nu nguscua na' lijya̱ slo ma̱ laca quityi re.

APOCALIPSIS 19:20

Nxu̱u̱ tya'a ngu', lo'o li' ngua nu na'ni chiya'a̱ ña'a̱ bi' preso; lo'o jua'a̱ nu cuiñi nu ndu'ni cha' tu'ba ji'i̱ ycui' Ndyosi laca, lo'o bi' ngua preso. La cui' nu cuiñi bi' ngua'ni cha' tlyu ca slo na'ni bi' tya tsubi' la, cha' xcutsi̱i̱ ji'i̱ ñati̱; cua ngüiñilo'o bi' ji'i̱ lcaa ñati̱, bi' cha' nda ngu' chacuayá' chca'a̱ cuayá' ji'i̱ na'ni chiya'a̱ ña'a̱ bi' nde tyaca̱a̱ ngu', jua'a̱ ngua'ni tlyu ngu' ji'i̱ lcui̱ ji'i̱ ni' li'. Lo'o li' nchcua̱a̱ ycui' Ndyosi ji'i̱ nu na'ni chiya'a̱ ña'a̱ bi' lo'o nu cuiñi bi', ndyaa ngu' ña'a̱ lu'ú ti ngu' nde lo tayu' su ntsu'u quii' tlyu nu ti'í tsa ndyumi̱' ngu' cha' lo'o yuu sufri ndyaqui̱.