2 TESALONICENSES 1:3 - Chatino Tataltepec

³ Cu'ma̱ tya'a ngusñi na cha' ji'i̱ Jesús, ntsu'u cha' tya ya xlya'be ji'i̱ ycui' Ndyosi lcaa quiya' lo'o chcui' ya lo'o Ni cuentya ji'i̱ cu'ma̱; ndu'ni tsa cha' cua'ni ya jua'a̱, xqui'ya cha' lcaa tsa̱ tachaa la ndyanu cha' ji'i̱ Jesús ne' cresiya ji'i̱ ma̱, lcaa tsa̱ ntsu'u la tyiquee ma̱ ña'a̱ ma̱ ji'i̱ tya'a ñati̱ ma̱.

2 TESALONICENSES 1:3 ပူးပေါင်းရင်းမြစ်များ

SAN LUCAS 15:32

Pana juani, tso'o la cha' cua'ni na sca ta'a cha' ndyalaa tya'a nu'u̱ chaca quiya'. Ngua ti' na cha' cua ngujuii yu, pana xa' ndyu'u tucua yu chaca quiya'; cua nguna' yu ngua ti' na, pana ndyalaa yu chaca quiya'. Bi' cha' ndyu'ni na sca ji̱i̱ juani, cha' chaa tsa ti' na.”

SAN LUCAS 17:5

Li' nacui̱ nu ngu' nu ndyaca tsa'a̱ ji'i̱ Jesús: ―Xtyucua nu'u̱ ji'i̱ ya cha' taca jlya la ti' ya cha' jinu'u̱ ―nacui̱ ngu' ji'i̱.

SAN JUAN 15:2

Tso'o tsa ña'a̱si̱i̱ Sti na' ji'i̱ lcaa sta̱' yaca bi', lo'o na' laca̱ yaca bi'. Ca quiya' sta̱' yaca nsi'yu Ni ji'i̱, nu lo'o ná nda si'yu lo tsiya' ti. Nsubii Ni xi lo yaca nu nda si'yu tso'o, cha' tya quiña'a̱ la si'yu tyu'u lo bi';

ROMANOS 1:8

Su nguxana ti quityi re, ndyu'ni tlyu na' ji'i̱ ycui' Ndyosi xqui'ya Jesucristo. Tso'o tsa nti' na' cha' cua ngusñi lcaa tya'a ma̱ cha' ji'i̱ Jesús, ca lcaa quichi̱ ndañi cha' jlya ti' ma̱ cha' bi'.

1 CORINTIOS 1:4

Lcaa tsa̱ nda na' xlya'be ji'i̱ ycui' Ndyosi xqui'ya cu'ma̱, cha' cua nda Ni cha' tso'o lo'o ma̱ xqui'ya Jesucristo.

2 CORINTIOS 10:15

Ná ntsu'u cha' chcui' ya ji'i̱ cña nu ndyu'ni xa' ñati̱ cuentya ji'i̱ ycui' Ndyosi, chcui' ya ji'i̱ tsa bi' ti cña nu nda Ni chacuayá' cha' cua'ni ycui' ca ya ca slo ma̱. Na cua nti' ya cha' xñi tso'o la ma̱ cha' ji'i̱ ycui' Ndyosi nde loo la, cha' li' quiña'a̱ la cña taca cua'ni ya laja ngu' tya'a ma̱, ñi'ya̱ nu cua nda Ni chacuayá' cha' cua'ni ya.

EFESIOS 5:20

Lo'o jua'a̱ cua ña'a̱ ca hora tso'o tya ma̱ xlya'be ji'i̱ ycui' Ndyosi Sti na chacuayá' ji'i̱ Jesucristo nu Xu'na na; tya ma̱ xlya'be ji'i̱ Ni cuentya ji'i̱ lcaa cha' nu ndyaca ji'i̱ ma̱, masi tso'o cha' bi', masi ná tso'o cha' bi'.

FILIPENSES 1:7

Tso'o si culacua xi ti' na' jua'a̱ cuentya ji'i̱ cu'ma̱, xqui'ya cha' lcaa tsa̱ ntsu'u tsa tyiquee na' ña'a̱ na' ji'i̱ cu'ma̱; stu'ba ti ndyaca cha' ji'i̱ cu'ma̱ lo'o na', tso'o tsa ndyu'ni Ni lo'o na cha' ndyu'ni na cña ji'i̱ Jesucristo. Nguxtyucua ma̱ jna' tsubi' lo'o nguta'a̱ na' slo ngu' nu laca loo cha' nxacui̱ na' cha' ji'i̱ ngu' bi'; nacui̱ na' ji'i̱ ngu' cha' tso'o tsa laca cha' nu cua nda ycui' Ndyosi lo'o na, lo'o jua'a̱ ndacha' liñi na' ji'i̱ ngu' ñi'ya̱ laca cha' liñi bi'. Lo'o juani tya nxtyucua ma̱ 'na, masi ntsu'u na' ne' chcua̱ xqui'ya cha' nchcui' na' cha' ji'i̱ Jesús lo'o ñati̱.

FILIPENSES 1:9

Ndi'ya̱ laca cha' nu nchcui' na' lo'o ycui' Ndyosi cuentya ji'i̱ ma̱: ndijña na' chacuayá' ji'i̱ Ni cha' ña'a̱ ti tso'o la tyu'u tyiquee ma̱ ña'a̱ ma̱ ji'i̱ tya'a ñati̱ ma̱, cha' jua'a̱ taca ca cuayá' la ti' ma̱ lcaa cha', cha' jua'a̱ taca culacua tso'o la ti' ma̱;

1 TESALONICENSES 3:12

Lo'o jua'a̱ ndijña ya ji'i̱ nu Xu'na na cha' cua'ni Ni cha' tso'o la tyu'u tyiquee ma̱ ña'a̱ ma̱ ji'i̱ tya'a ma̱, lo'o jua'a̱ ji'i̱ lcaa ñati̱, cha' ntsu'u tsa tyiquee ya ña'a̱ ya ji'i̱ cu'ma̱ xqui'ya ycui' Ndyosi;

1 TESALONICENSES 3:6

Lo'o juani tso'o tsa ntsu'u tyiquee ya xqui'ya cu'ma̱. Cua ndyalaa Timoteo ca nde chaca quiya'; cua ndacha' yu ji'i̱ ya ñi'ya̱ ndyu'ni ma̱, cha' tya ngusñi ma̱ cha' tso'o ji'i̱ ycui' Ni, cha' ntsu'u tsa tyiquee ma̱ ña'a̱ ma̱ ji'i̱ tya'a ma̱ xqui'ya ycui' nu Xu'na na. Nacui̱ yu cha' ndube tsa ti' ma̱ ji'i̱ ya, ndu̱ tsa ti' ma̱ ni jacua' tyacua tya'a na chaca quiya'. Stu'ba ti ntsu'u tyiquee na, ¿ni jacua' tyacua tya'a na lacua?

1 TESALONICENSES 3:9

Ná nchca tye cha' tya ya xlya'be ji'i̱ ycui' Ndyosi Sti na xqui'ya cu'ma̱, cha' tso'o tsa ntsu'u tyiquee ya xqui'ya cu'ma̱.

1 TESALONICENSES 4:1

Cu'ma̱ ngu' tya'a na, juani ndijña ya ji'i̱ ma̱ chacuayá' ji'i̱ Jesús nu Xu'na na, cha' ña'a̱ ti cua'ni ma̱ lcaa ña'a̱ cha' tso'o nu nti' ycui' Ndyosi cha' cua'ni ma̱ laja lo'o tyi'i̱ ma̱ chalyuu. Li' tso'o la caca cua'ni ma̱ cña ji'i̱ ycui' Ndyosi. Chañi cha' tso'o tsa ndyu'ni ma̱, pana cua nti' ya cha' ña'a̱ ti tya cua'ni la ma̱ la cui' cña nu cua ngulu'u ya ji'i̱ ma̱ tya tsubi' la cuentya ji'i̱ ycui' Ndyosi.

2 TESALONICENSES 2:1

Cu'ma̱ tya'a ngusñi na cha' ji'i̱ Jesús, jlo ti' na cha' tya ca̱a̱ Jesucristo nu Xu'na na chaca quiya', cha' tsalo'o Ni ji'na cha' tyacua tya'a na lo'o Ni ca bi'; bi' cha' liñi nchcui' ya lo'o ma̱ juani,

2 TESALONICENSES 2:13

Cu'ma̱ tya'a ngusñi na cha' ji'i̱ Jesús, ntsu'u tsa tyiquee ycui' nu Xu'na na ña'a̱ Ni ji'i̱ ma̱. Lo'o jua'a̱ ntsu'u cha' tya ya xlya'be ji'i̱ ycui' Ndyosi xqui'ya cu'ma̱, cha' ngusubi Ni ji'i̱ ma̱ tya lo'o nguxana ti chalyuu cha' cua'ni lyaá Ni ji'i̱ ma̱; bi' cha' ngua'ni Xtyi'i ycui' Ni cha' ngua lubii cresiya ji'i̱ ma̱ lo'o ngusñi ma̱ cha' tso'o ji'i̱ ycui' Ndyosi.

1 PEDRO 1:22

Xqui'ya cha' nxtyucua Xtyi'i ycui' Ndyosi ji'i̱ ma̱, na cua ndaquiya' ma̱ ji'i̱ cha' liñi nu nda ycui' Ndyosi lo'o na, bi' cha' ngua lubii cresiya ji'i̱ ma̱; juani taca caca tso'o tyiquee ma̱ ña'a̱ ma̱ ji'i̱ tya'a ñati̱ ma̱. Pana tyucui tyiquee ma̱ ntsu'u cha' caca tso'o tyiquee ma̱ ña'a̱ ma̱ ji'i̱ tya'a ñati̱ ma̱, si'i ñi'ya̱ ndu'ni ngu' nu ntsu'u tucua cha' tyiquee ngu' cua'ni cu'ma̱.

2 PEDRO 1:13

pana laja lo'o tya lu'ú na', cua'ni na' cha' ná cjlyaa ti' ma̱ ji'i̱ cha' liñi bi'. Tso'o la si cua'ni na' jua'a̱, nti' na',

2 PEDRO 3:18

Pana tso'o la ca tsa'a̱ la ma̱ cha' tso'o ji'i̱ Jesucristo nu Xu'na na, nu cua ngua'ni lyaá ji'na; li' taca tyi'i̱ tso'o la tyiquee ma̱ cuentya ji'i̱ ycui' nu Xu'na na. Cua'ni tlyu na ji'i̱ ycui' Ni nde chalyuu, lo'o jua'a̱ ná nga'a̱ cha' tye tsa̱ nu cua'ni tlyu na ji'i̱ Ni ca slo ycui' Ni. Jua'a̱ caca cha' lacua.