2 PEDRO 3:4 - Chatino Tataltepec

⁴ Li' ndi'ya̱ ñacui̱ ngu' bi' ji'i̱ ma̱: “¿Ni hora ca̱a̱ Cristo lacua? ¿Ni cha' laca tya ndu̱ ti' ma̱ ji'i̱ yu cha' ca̱a̱ yu? Cua nteje tacui tsa tyempo bi', cha' cua ngujuii lcaa ngu' cusu' ji'na, lo'o jua'a̱ cua ngusu' na juani. Ña'a̱ ti ndyaca chalyuu re, ñi'ya̱ nu ndyaca tya lo'o nguxana chalyuu clyo.”

2 PEDRO 3:4 ပူးပေါင်းရင်းမြစ်များ

SAN MATEO 16:27

Chañi cha' chaca quiya' ca̱a̱ na' nu cua nda Ni 'na lijya̱ na' cha' caca na' ñati̱, stu'ba ti ca̱a̱ na' lo'o lcaa xca̱ ji'i̱ ycui' Ndyosi; ndubi tsa ña'a̱ loo na' lo'o xee ji'i̱ ycui' Ndyosi Sti na' li'. Lo'o li' ta na' xcaya' ngu', ni cña nu cua ngua'ni scaa ngu' lo'o ya̱a̱ ngu' chalyuu.

SAN MATEO 16:28

Cha' liñi nchcui' na' lo'o ma̱ juani, cha' ntsu'u ngu' nu tya ndu̱ lo'o na chalyuu re juani, nu lo'o tya lyiji cajaa ngu' ca cuayá' ti' ngu' cha' cua nguxana cha' laca na' loo ne' cresiya ji'i̱ ñati̱, na' nu cua nda Ni 'na lijya̱a̱ cha' caca na' ñati̱.

SAN MATEO 24:28

Nu lo'o ntsiya sca na tyucu̱, hora ti tyalaa culexu slo.

SAN MATEO 24:48

Pana sca msu nu xña'a̱ ni, masi ntsu'u cña nu ngulo xu'na yu ji'i̱ yu, ná ndube ti' yu; “Tiya' tsa ca̱a̱ xu'na na'”, culacua ti' yu, bi' cha' hora ti ca'ya sca cha' cuxi hique yu.

SAN MARCOS 10:6

Pana nu lo'o nguxana ntucua quiya' chalyuu, nu lo'o ngüiñá ycui' Ndyosi lcaa lo na, ná ngua'ni ycui' Ndyosi jua'a̱. “Ngüiñá Ni ji'i̱ ñati̱; ngüiñá Ni ji'i̱ sca nu qui'yu, lo'o jua'a̱ ji'i̱ sca nu cuna'a̱ ngüiñá Ni”, nacui̱ quityi ji'i̱ ycui' Ndyosi.

SAN MARCOS 13:19

cha' lye tsa chcube' ngu' tsa̱ bi'. Ni sca quiya' bilya chcube' ñati̱ chalyuu jua'a̱, tya lo'o ngüiñá ycui' Ndyosi chalyuu. Lo'o jua'a̱ tyempo nu caca nde loo la, nga'aa chcube' ngu' chaca quiya' jua'a̱.

SAN LUCAS 12:45

Pana sca msu nu ná ndube ti' ji'i̱ cña nu ngulo xu'na yu ji'i̱ yu, hora ti ca'ya sca cha' cuxi hique yu: “Tiya' tsa ca̱a̱ xu'na na'”, culacua ti' yu. Li' xana yu bi' cua'ni xña'a̱ yu; cua'ni tyaala yu ji'i̱ tya'a msu yu, masi cuna'a̱, masi qui'yu ngu'. Tso'o tsa cacu yu scuaa, tsa cu' ti co'o yu lcui, tsa cu' ti tya'a̱ yu cu'bi yu.

LOS HECHOS 7:60

Li' ngucha sti̱' yu lo'o lye tsa nchcui' yu chaca quiya': ―Xu'na na' ―nacui̱ yu―, ná sta nu'u̱ qui'ya ji'i̱ ñati̱ re cha' ngu̱ ngu' quee jna' ―nacui̱ Esteban ji'i̱ Jesús. Lo'o jua'a̱ tsa tsiya' ca ngujuii yu li'.

1 TESALONICENSES 2:19

Tso'o tsa ntsu'u tyiquee ya xqui'ya cu'ma̱, cha' lo'o cu'ma̱ nscua cha' tyatu̱ ma̱ lo'o ya slo Jesucristo nu Xu'na na lo'o tya̱a̱ Jesús nde chalyuu chaca quiya'. Li' tso'o tsa caca tyiquee Ni ña'a̱ Ni ji'i̱ ya, xqui'ya cha' tso'o tsa ngusñi ma̱ cha' ji'i̱ Ni nu cua nchcui' ya lo'o ma̱.

2 PEDRO 3:12

Jua'a̱ nga'a̱ cha' caca ma̱ laja lo'o tya lyiji caca tsa̱ bi' nu lo'o ca̱a̱ ycui' Ndyosi, cha' jua'a̱ taca xtyucua ma̱ ji'i̱ ycui' Ni lo'o cña ji'i̱ Ni nde chalyuu. Tsa̱ bi' tyaqui̱ tyucui ña'a̱ nde cua̱, ña'a̱ cuayá' nu tye tyalá lcaa na nu ntsu'u nde cua̱; tye tsiya' ti lcaa cha' bi' li'. Cuii lo'o cualya, lo'o cuichaa, lo'o co', lo'o lcaa na ni, tye bi' tyalá.

APOCALIPSIS 3:14

’Lo'o jua'a̱ scua nu'u̱ cha' re cha' tsaa slo nu ñati̱ nu ndu̱ cuentya jna' nde quichi̱ Laodicea, cha' culu'u cha' ji'i̱ ycui' Ndyosi ji'i̱ ngu' bi': “Ndi'ya̱ nchcui' na' lo'o ma̱: Chañi cha' ndyu'u tucua cha', lcaa cha' nu nda na' lo'o ñati̱; liñi tsa nchcui' na' cha' ji'i̱ ycui' Ndyosi Sti na' lo'o ñati̱, cha' tyucui tyiquee na' ndu'ni na' cña ji'i̱ ycui' Ni. Nu lo'o nguxana ndya' lcaa na nu ntsu'u chalyuu, stu'ba ti ndu̱ na' lo'o ycui' Ni nu ngua li', nacui̱ Jesús.