2 PEDRO 2:10 - Chatino Tataltepec

¹⁰ Lo'o ñati̱ nu xcui' cha' suba' ndu'ni ni, lye la xcube' Ni ji'i̱ ngu' bi', cha' ná ndaquiya' ngu' bi' tsiya' ti ji'i̱ ngu' nu laca loo ji'i̱ ngu'; ná ndube ti' ngu' bi' tsiya' ti, cha' tyixi tsa tyiquee ngu'. Ná ntsi̱i̱ ngu' bi', masi chcui' ca'a̱ ngu' ji'i̱ ngu' xca̱ ji'i̱ ycui' Ndyosi.

2 PEDRO 2:10 ပူးပေါင်းရင်းမြစ်များ

SAN LUCAS 11:25

Lo'o tyalaa cui'i̱ bi' slo ñati̱ bi' chaca quiya', li' ña'a̱ cha' laja ti ndi'i̱ cresiya ji'i̱ ñati̱ bi', si'i na ngua tso'o la yu bi'.

SAN LUCAS 19:14

Pana nu ñati̱ tya'a quichi̱ tyi yu, ná tso'o nti' ngu' ña'a̱ ngu' ji'i̱ yu. Li' ngua'a̱ lo ngu' bi' cña ji'i̱ sca taju ñati̱ cha' tsaa lca'a̱ ngu' ji'i̱ yu, cha' ñacui̱ ngu' ji'i̱ nu laca loo tyijyu' ndi'ya̱: “Ná nti' ya cha' caca nu qui'yu jua rey ji'i̱ ya, cha' caca yu loo quichi̱ tyi ya”, nacui̱ ngu'. Pana ná ndube ti' nu laca loo tsiya' ti bi', cha' nchcui' ngu' jua'a̱.

LOS HECHOS 23:5

―Cu'ma̱ ngu' cusu' tya'a na' ―nacui̱ Pablo―, ná jlo ti' na' si xu'na sti jo'ó laca jua. Ná tso'o cha' nu nchcui' na' si jua'a̱, cha' cua nscua sca cha' lo quityi ji'i̱ ycui' Ndyosi ndi'ya̱: “Ná chcui' cuxi ma̱ ji'i̱ xu'na ma̱”.

ROMANOS 8:1

Pana juani ni, ndi'ya̱ ngua'ni ycui' Ndyosi: Nga'aa ndyanu yabe' hichu̱' na, si stu'ba ntsu'u cha' ji'na lo'o Jesucristo; nga'aa taca ji'i̱ nu cuxi nu ntsu'u chalyuu cojolaqui ji'na juani, cha' Xtyi'i ycui' Ndyosi laca loo ji'na lo'o ndi'i̱ na nde chalyuu.

1 CORINTIOS 6:9

Jlo ti' na cha' ná lo'o ñati̱ cuxi taca tsaa ca su tlyu ca su laca ycui' Ndyosi loo. Tso'o si liñi tsa caca cuayá' ti' ma̱ cha' ná tsaa ngu' cuxi ca su tso'o bi': ñati̱ nu suba' tsa ndu'ni lo'o tya'a, lo'o jua'a̱ ñati̱ nu ndu'ni tlyu ji'i̱ lcui̱ jo'ó ti, lo'o jua'a̱ ñati̱ nu ntsu'u cha' ji'i̱ lo'o clyo'o xa' ñati̱, jua'a̱ nu ngu' qui'yu nu ndu'ni suba' lo'o tya'a qui'yu ti ngu',

2 CORINTIOS 10:3

Chañi tsa cha' laca na ñati̱ chalyuu, pana ná ndyu'ni na ngana ji'i̱ ngu' ñi'ya̱ nu ndu'ni xa' ñati̱;

EFESIOS 4:19

Nga'aa nchca ca tyuju'u ti' ngu' bi', bi' cha' quiña'a̱ la cha' cuxi ndyu'ni ngu', ña'a̱ cuayá' nda ngu' chacuayá' ji'i̱ cua ña'a̱ ca cha' cuxi cha' caca bi' loo ji'i̱ ngu'. Ná tucui caca cua'a ji'i̱ ngu' bi' lo'o ndu'ni ngu' cua ña'a̱ ca cha' suba' lo'o tya'a ngu'.

EFESIOS 5:5

Sca cha' chañi tsa laca re: Ñati̱ nu jua'a̱ xcui' cha' cuxi ndu'ni ni, ná caja chacuayá' tyaa ngu' bi' ca su ntucua ycui' Ndyosi lo'o Cristo ca tiya' la, nu lo'o caca Ni loo; ñati̱ nu xcui' cha' ji'i̱ nu cuna'a̱ ntsu'u tyiquee ngu', ñati̱ nu ndu'ni suba', ñati̱ nu ndacui ti', ná caja chacuayá' tyaa ngu' bi' ca su ntucua Ni. Nu ndacui ti' na ji'i̱ sca cha' ni, laca cha' ntsu'u tsa tyiquee na ji'i̱ cha' bi', ñi'ya̱ lo'o ntsu'u tyiquee na ña'a̱ na ji'i̱ sca jo'ó.

COLOSENSES 3:5

Cua'ni tye ma̱ lcaa cha' cuxi nu ndiya tsa ti' ma̱ ji'i̱ lacua: nga'aa cua'ni cuxi ma̱ lo'o clyo'o xa' ñati̱, nga'aa cua'ni ma̱ cha' suba' lo'o tya'a ñati̱ ma̱, nga'aa tyacui' ti' ma̱ ña'a̱ ma̱ ji'i̱ tya'a ñati̱ ma̱, cua'ni tye ma̱ ji'i̱ lcaa lo cha' cuxi nu ndijña tsa ti' tyiquee ma̱ cha' cua'ni ma̱ ji'i̱, nga'aa tyacui ti' ma̱ ji'i̱ scaa cha' tso'o nu ntsu'u chalyuu. Sca na nu ndacui ti' na ji'i̱ ni, stu'ba ti cuxi laca cha' bi' ñi'ya̱ nti' si cua'ni tlyu na ji'i̱ sca lcui̱ jo'ó ti;

1 TESALONICENSES 4:7

cha' cua ngusubi ycui' Ndyosi ji'na cha' caca na ñati̱ nu lubii cresiya ji'i̱, si'i cha' caca na ñati̱ nu ndyu'ni suba'.

2 TIMOTEO 3:2

Tyempo nde loo la, li' tyi'i̱ tsa ngu' cuxi: masi ngu' nu sca ti cña ji'i̱ ycui' ca ngu' cube ti', masi ngu' nu tyaca'a tsa cñi ji'i̱, masi ngu' nu tyixi tsa cua'ni lo'o tya'a ngu', masi ngu' nu nti' cha' tlyu tsa ycui' ca ngu', masi ngu' nu suba' tsa chcui' ji'i̱ ycui' Ndyosi, masi ngu' nu ná taquiya' ji'i̱ sti ngu', ni ji'i̱ xtya'a̱ ngu', masi ngu' nu ná tya xlya'be ji'i̱ ycui' Ndyosi, ni ji'i̱ tya'a ñati̱ ngu', masi ngu' nu ná tyaja'a̱ cua'ni chi̱ ngu' loo ycui' Ndyosi tsiya' ti,

TITO 1:7

Lo'o jua'a̱ ngu' nu caca loo ji'i̱ taju ñati̱ tya'a na ni, ná tso'o si ntsu'u cha' sta ñati̱ qui'ya ji'i̱ ngu' bi', cha' cña ji'i̱ ycui' Ndyosi ndyu'ni ngu' bi'. Bi' cha' clyana nu'u̱ ji'i̱ ngu' nu ná ndu'ni tyucuaa ti' ji'i̱ tya'a ngu', ngu' nu ná ñasi̱', ngu' nu ná cu'bi, ngu' nu ná ntsu'u cha' cusu̱u̱ lo'o tya'a ñati̱, ngu' nu ná ndacui tsa ti' ji'i̱ cñi;

HEBREOS 13:4

Lcaa ma̱ lo'o tya'a ma̱ nga'a̱ cha' cua'ni tyaca'a ma̱ ji'i̱ clyo'o ma̱; ná cua'ni cuxi ma̱ lo'o clyo'o ma̱, ñi'ya̱ nti' si tyu'u cha' ji'i̱ ma̱ lo'o xa' ñati̱ laja ti. Xcube' ycui' Ndyosi ji'i̱ cua ña'a̱ ca ñati̱ nu cua'ni cha' suba' jua'a̱, jua'a̱ xcube' Ni ji'i̱ ñati̱ nu tyatí̱ yu'u lo'o clyo'o xa' ñati̱.

2 PEDRO 3:3

Tya clyo ntsu'u cha' ca cuayá' ti' ma̱ cha' lo'o cua tyalaa ti tsa̱ nu tye chalyuu, li' tyu'u tucua ngu' nu xtyílo'o tsa ji'i̱ cha' ji'i̱ ycui' Ndyosi. Cua'ni ngu' bi' cua ña'a̱ ca cha' cuxi nu ndiya ti' ycui' ca ngu' cha' cua'ni ngu'.

JUDAS 1:10

Pana juani nchcui' nu ngu' cuiñi bi' cha' cuxi ji'i̱ cua ña'a̱ ca cha' ji'i̱ Jesús, masi ná nchca cuayá' ti' ngu' ji'i̱ cha' bi' tsiya' ti; ndyu'ni ñu'u̱ ngu' bi' ji'i̱ ycui' ca ngu', xqui'ya cha' ndu'ni ngu' ñi'ya̱ ndu'ni na'ni nu ná nchca culacua ti'.

JUDAS 1:16

Nu ngu' cuiñi bi' ni, xcui' na chi̱i̱ nti' ngu' bi' ndi'i̱ ngu' chalyuu; ná sca na ná ndiya ti' ngu' bi' tsiya' ti, cha' chiya'a̱ ti nchcui' ngu' ji'i̱ lcua ti cha'. Xcui' ndiya la ti' ngu' bi' lcaa lo cha' cuxi nu ntsu'u tyiquee ngu' ji'i̱. Lye tsa nchcui' tyucuaa ti' ngu' bi' lo'o tya'a ngu', pana xcui' tso'o tsa nchcui' ngu' bi' ji'i̱ ñati̱ si xtyucua ngu' ji'i̱ ngu' bi' lo'o sca cña cuxi.

JUDAS 1:18

“Tyu'u tucua xi ñati̱ cuiñi lo'o cua tye ti chalyuu”, nacui̱ ngu' bi' ji'na. “Xtyí lo'o ngu' cuiñi bi' ji'i̱ lcaa cha' tso'o nu ntsu'u ji'i̱ ycui' Ndyosi, jua'a̱ cua'ni ngu' cua ña'a̱ ca cha' cuxi nu ndiya ti' ngu' ji'i̱”, nacui̱ ngu' bi' ji'na.

JUDAS 1:4

Ndu'ni cha' ca cuayá' ti' ma̱ cha' cua ndyatí̱ xi ñati̱ cuiñi bi' laja cu'ma̱, masi ná stu'ba cha' nu jlya ti' ma̱ lo'o ngu'. Cua sa'ni tsa nscua cha' lo quityi ji'i̱ ycui' Ndyosi cha' xcube' Ni ji'i̱ nu ngu' cuxi bi'; pana ná ndaquiya' ngu' bi' ji'i̱ cha' nu nchcui' ycui' Ndyosi tsiya' ti, ni ná ndube ti' ngu' bi' si ntsu'u tsa tyiquee Ni ña'a̱ Ni ji'i̱ ñati̱ chalyuu. Nacui̱ ngu' bi', cha' ná ndu'ni cha' masi cua'ni ngu' cha' suba', masi cua'ni ngu' lcaa lo cha' cuxi, cha' si ntsu'u tsa tyiquee Ni ña'a̱ Ni ji'na, ná xcube' Ni ji'na li', nti' ngu'. Cuiñi tsa ngu' bi', si'i ycui' Jesucristo laca xu'na ngu' bi'. Pana nu na ni, sca ti ycui' Jesucristo laca nu Xu'na na, sca ti ycui' Ni laca nu chañi cha' laca Ni loo ji'na.