Si'yu nu ndyalú lo yuu su ngutu̱ lti quiche' ni, bi' laca ñi'ya̱ laca ñati̱ nu cua ndyuna cha' tso'o bi', pana ndya'a̱ tsa cha' tyiquee ngu' bi' ñi'ya̱ caca ji'i̱ ngu' nde chalyuu, cha' nti' tsa ngu' caca culiya' ngu'. Bi' cha' ná nchca ji'i̱ ycui' Ndyosi cua'ni sca cña tso'o ne' cresiya ji'i̱ ngu' bi'.
2 PEDRO 1:8 - Chatino Tataltepec8 Si ndu'ni ma̱ lcaa lo cña bi', si jua'a̱ ti ndu'ni ma̱ lo'o ndi'i̱ ma̱ chalyuu, li' caca cuayá' la ti' ma̱ ñi'ya̱ ntsu'u lcaa cha' ji'i̱ Jesucristo nu Xu'na na. Ná ca taja ti' ma̱, cha' tso'o tsa cua'nijo'o ma̱ ji'i̱ ycui' Ndyosi li'. အခန်းကိုကြည့်ပါ။ |
2 PEDRO 1:8
33 ပူးပေါင်းရင်းမြစ်များ
Ngua ñasi̱' xu'na lo'o msu bi' li'. “Sca msu xña'a̱ laca nu'u̱”, nacui̱ xu'na ji'i̱ msu bi'. “Taja tsa nu'u̱”, nacui̱. “Nacui̱ nu'u̱ cha' jlo ti' nu'u̱ ñi'ya̱ nu ndu'ni na', cha' nxuti'i̱ na' ltya masi ná ndyataa na' nscua'; lo'o jua'a̱ tyaa lo'o na' ji'i̱ nscua' masi ná ngua'ni na' cña ji'i̱”, nacui̱ nu'u̱.
Cu'ma̱ tya'a ngusñi na cha' ji'i̱ Jesús, ntsu'u tsa tyiquee na' ña'a̱a̱ ji'i̱ cu'ma̱. Ndi'ya̱ ñacui̱ na' ji'i̱ ma̱, cha' ña'a̱ ti xñi tso'o ma̱ cha' ji'i̱ ycui' Ndyosi, lcaa tsa̱ jlya ti' ma̱ ji'i̱ Ni; xcui' lye tsa cua'ni ma̱ cña ji'i̱ ycui' nu Xu'na na, ná ca taja ti' ma̱ lo'o cua'ni ma̱ cña bi'. Cua jlo ti' ma̱ cha' ná culiji jua'a̱ ti sca cña nu ndyu'ni ma̱ cuentya ji'i̱ ycui' Ndyosi.
Cua'ni cuayá' ma̱ ji'i̱ ycui' ca ma̱ lacua, cha' ca cuayá' ti' ma̱ si chañi cha' tya ndyanu tyucui cha' ji'i̱ Jesucristo ne' cresiya ji'i̱ ma̱. Nga'a̱ cha' tyi'u ti' ma̱ cha' ndyanu Xtyi'i Jesucristo ne' cresiya ji'i̱ sa scaa ma̱; sca ti si cua ngunu'u̱ cresiya ji'i̱ ma̱ lo'o ycui' Ndyosi tsiya' ti, nga'aa tyanu Ni lo'o ma̱ li'.
Nu cu'ma̱ ni, tso'o tsa jlya ti' ma̱ ji'i̱ ycui' Ndyosi, tso'o tsa nchca ji'i̱ ma̱ culu'u ma̱ cha' ji'i̱ ycui' Ndyosi ji'i̱ xa' ñati̱, tso'o tsa nchca cuayá' ti' ma̱ ñi'ya̱ ndyu'u sca cha'; na cua nti' tsa ma̱ xtyucua ma̱ ji'i̱ ngu', la cui' jua'a̱ ntsu'u tsa tyiquee ma̱ ña'a̱ ma̱ ji'i̱ ya. Nchca tsa ji'i̱ ma̱ cuentya ji'i̱ lcaa cña, nti' ya; bi' cha' nclyacua ti' ya cha' ná tyiquee' yala tsa cua'ni ma̱ cha' xti'i̱ ma̱ cñi bi'.
Lo'o jua'a̱, masi tucuna' na' lcaa cha' nu ndiya tsa ti' na' nde chalyuu, ná cube ti' na'; tlyu la tsiya' ti laca cha' tso'o nu cua ngujui 'na juani, laja lo'o ndyuloo na' ji'i̱ Jesucristo nu Xu'na na'. Xqui'ya Cristo, bi' cha' cua nguxtyanu na' ji'i̱ lcaa cha' cusu' bi'; nga'aa tso'o cha' cusu' bi' tsiya' ti, nti' na', hasta xcua̱a̱ na' ji'i̱, nti' na'. Tsa bi' ti cha' nti' na', cha' xñi tso'o na' cha' ji'i̱ Cristo,
Nga'a̱ cha' tyanu tyucui cha' ji'i̱ Cristo ca ne' cresiya ji'i̱ ma̱. Tso'o tsa ndyu'u cha' bi', bi' cha' tso'o ti culu'u ma̱ cha' bi' ji'i̱ tya'a ma̱ ña'a̱ cuayá' nu cuna tso'o lcaa ngu'. La cui' jua'a̱ cula tu'ba ma̱ lcaa lo ji̱i̱ nu ntsu'u ji'i̱ ycui' Ndyosi, masi ji̱i̱ salmo nu nscua lo quityi nu ngua sa'ni, masi cua ña'a̱ ca ji̱i̱ nu ca'ya hique ma̱ nu nchcui' cha' ji'i̱ ycui' Ndyosi; cula tu'ba ma̱ ji̱i̱ cha' cuna ycui' Ndyosi, xqui'ya cha' tso'o tsa ntsu'u tyiquee ma̱ ña'a̱ ma̱ ji'i̱ ycui' Ni.
Cu'ma̱ ngu' tya'a na, juani ndijña ya ji'i̱ ma̱ chacuayá' ji'i̱ Jesús nu Xu'na na, cha' ña'a̱ ti cua'ni ma̱ lcaa ña'a̱ cha' tso'o nu nti' ycui' Ndyosi cha' cua'ni ma̱ laja lo'o tyi'i̱ ma̱ chalyuu. Li' tso'o la caca cua'ni ma̱ cña ji'i̱ ycui' Ndyosi. Chañi cha' tso'o tsa ndyu'ni ma̱, pana cua nti' ya cha' ña'a̱ ti tya cua'ni la ma̱ la cui' cña nu cua ngulu'u ya ji'i̱ ma̱ tya tsubi' la cuentya ji'i̱ ycui' Ndyosi.
Cu'ma̱ tya'a ngusñi na cha' ji'i̱ Jesús, ntsu'u cha' tya ya xlya'be ji'i̱ ycui' Ndyosi lcaa quiya' lo'o chcui' ya lo'o Ni cuentya ji'i̱ cu'ma̱; ndu'ni tsa cha' cua'ni ya jua'a̱, xqui'ya cha' lcaa tsa̱ tachaa la ndyanu cha' ji'i̱ Jesús ne' cresiya ji'i̱ ma̱, lcaa tsa̱ ntsu'u la tyiquee ma̱ ña'a̱ ma̱ ji'i̱ tya'a ñati̱ ma̱.
Bi' cha' tso'o la si ná scua ngu' tsiya' ti xtañi nu cuna'a̱ cuañi' nu ndyanu ti'i. Ná tyiquee' xcui' paseya ti tya'a̱ ngu' cuañi' bi' slo ñati̱; pana si jua'a̱ cua'ni ngu', caca taja ngu' cuna'a̱ bi', chcui' tsa ngu' cuentyu ji'i̱ xa' ñati̱ li', masi ji'i̱ tya'a ngu', masi ji'i̱ xa' la ñati̱. Ni si'i sca ti cha' taja nu cuna'a̱ ti'i nu ndu'ni jua'a̱, masi lo'o chcui' tsa ngu' cuna'a̱ bi' lo'o tya'a ngu' lcua ti lo cha' nu ná tso'o cha' chcui' na.
Cua nda Ni chacuayá' ji'na cha' caja chalyuu nu ná nga'a̱ cha' tye ji'na, jua'a̱ cua nda Ni chacuayá' ji'na cha' tyi'i̱ na chalyuu ñi'ya̱ nu nti' Ni cha' tyi'i̱ ñati̱ ji'i̱ Ni; bi' cha' nchca ji'na, cha' nxtyucua Ni ji'na. Cua ngusubi Ni ji'na, cua nda Ni chacuayá' ji'na cha' tyuloo na ji'i̱ ycui' Ni; lo'o jua'a̱ cua ngua cuayá' ti' na cha' nga'aa ntsu'u chaca nu tlyu la, nga'aa ntsu'u chaca nu nchca la ji'i̱.
Cuxi la caca ji'i̱ ñati̱ nu cua nguxtyanu ji'i̱ cha' cuxi tsaca quiya', lo'o li' ta chacuayá' ji'i̱ nu cuxi cha' tyiji̱loo ji'i̱ chaca quiya'; na cua ngulaá ñati̱ bi' ji'i̱ lcaa cha' cuxi nu ntsu'u nde chalyuu nquicha', na cua ngua tsa'a̱ ji'i̱ Jesucristo nu Xu'na na, cha' bi' laca nu ngua'ni lyaá ji'na.
Pana tso'o la ca tsa'a̱ la ma̱ cha' tso'o ji'i̱ Jesucristo nu Xu'na na, nu cua ngua'ni lyaá ji'na; li' taca tyi'i̱ tso'o la tyiquee ma̱ cuentya ji'i̱ ycui' nu Xu'na na. Cua'ni tlyu na ji'i̱ ycui' Ni nde chalyuu, lo'o jua'a̱ ná nga'a̱ cha' tye tsa̱ nu cua'ni tlyu na ji'i̱ Ni ca slo ycui' Ni. Jua'a̱ caca cha' lacua.
ကြော်ငြာတွေ