2 PEDRO 1:5 - Chatino Tataltepec

⁵ Bi' cha' tyucui tyiquee ma̱, lo'o tyucui juersa ji'i̱ ma̱, cua'ni ma̱ xcui' cha' tso'o bi', cha' culu'u ma̱ ji'i̱ xa' ñati̱ cha' chañi cha' cua ngusñi ma̱ cha' ji'i̱ Jesucristo. Lo'o jua'a̱ ntsu'u cha' caca cuayá' la ti' ma̱ lcaa cha', ña'a̱ cha' nu ndiya la ti' ycui' Ni.

2 PEDRO 1:5 ပူးပေါင်းရင်းမြစ်များ

SAN LUCAS 16:26

Tya ntsu'u la cha' ji'i̱ cuare nde su ndi'i̱ ya, ntsu'u sca laja cua'a̱ tlyu cla'be laja su ndi'i̱ cuare lo'o cu'ma̱; bi' cha' si ntsu'u ngu' nu nti' tsaa nde slo cu'ma̱, ná caca ji'i̱ ngu' tyaa ngu'. Lo'o jua'a̱ cu'ma̱ nu ntsu'u ma̱ nde jua, ná caca ji'i̱ ma̱ tya̱a̱ ma̱ ca nde.”

SAN LUCAS 24:21

Cua sna tsa̱ nteje tacui nu ngua cha' bi'. Lo'o cuare ni, jlya tsa ti' ya ji'i̱ yu nquicha', cha' bi' laca nu cua'ni lyaá ji'i̱ ngu' Israel tya'a na, cha' nga'aa caca loo ngu' xa' tsu' ji'na, cha' tyi'i̱ tso'o ti na loyuu quichi̱ tyi na, ngua ti' ya.

SAN JUAN 6:27

Tso'o la ―nacui̱ Jesús li'―, si cua'ni cña ti' ma̱ cha' caja sca cha' nu talo ji'i̱ ma̱; chañi cha' tyaala' ti' ma̱ li', si caja chalyuu nu ná nga'a̱ cha' tye ji'i̱ ma̱. Nu na cacu na ni, xtyi'i ti talo na bi', yala ti quiñu'u̱ na bi'. Pana na' nu lijya̱a̱ cha' caca na' ñati̱, ta na' sca cha' tso'o ji'i̱ ma̱ nu cua'ni cha' tyaala' ti' ma̱, lo'o ná tye tsiya' ti cha' bi' ji'i̱ ma̱ ―nacui̱―. Na cua nda ycui' Ndyosi Sti na' chacuayá' jna' cha' ta na' cha' tso'o bi' ji'i̱ ma̱.

1 CORINTIOS 14:20

Cu'ma̱ tya'a ngusñi na cha' ji'i̱ Cristo, tso'o la si ná jlo ti' ma̱ tsiya' ti na ca laca sca cha' cuxi; ñi'ya̱ laca nu sube, jua'a̱ caca ma̱ cha' ná jlo ti' ngu' sube cha' bi'. Pana nga'aa culacua ti' ma̱ ñi'ya̱ nu nclacua ti' nu sube; juani culacua tso'o ti' ma̱, ñi'ya̱ nclacua ti' ngu' cusu'.

EFESIOS 5:17

ná caca ma̱ tonto lacua, cua'ni cha'a̱ ma̱ lcaa ña'a̱ cha' nu nti' ycui' nu Xu'na na cha' cua'ni ma̱ chalyuu.

FILIPENSES 1:9

Ndi'ya̱ laca cha' nu nchcui' na' lo'o ycui' Ndyosi cuentya ji'i̱ ma̱: ndijña na' chacuayá' ji'i̱ Ni cha' ña'a̱ ti tso'o la tyu'u tyiquee ma̱ ña'a̱ ma̱ ji'i̱ tya'a ñati̱ ma̱, cha' jua'a̱ taca ca cuayá' la ti' ma̱ lcaa cha', cha' jua'a̱ taca culacua tso'o la ti' ma̱;

FILIPENSES 2:12

Cu'ma̱ ngu' tya'a na nu tyaca'a tsa ma̱ 'na, cua ndaquiya' tsa ma̱ ji'i̱ cha' nu nchcui' na' lcaa tsa̱ lo'o nguti'i̱ na' lo'o ma̱; ña'a̱ ti tya ndulo tsa cha' ji'i̱ ma̱ cha' taquiya' la ma̱ ji'i̱ cha' nu nchcui' na', masi tyijyu' tsa nga'a̱ na' ca su ndi'i̱ ma̱ juani. Ña'a̱ ti cua'ni cña ti' ma̱ cha' caca lyiji lcaa cha' nu ngua ti' ycui' Ndyosi cua'ni Ni ne' cresiya ji'i̱ ma̱ lo'o ngua'ni lyaá Jesucristo ji'i̱ ma̱. Xti ti cha' tyu'u tyiquee ma̱ cuentya ji'i̱ ycui' ma̱, pana cube la ti' ma̱ ji'i̱ ycui' Ndyosi.

FILIPENSES 4:8

Cu'ma̱ tya'a ngusñi na cha' ji'i̱ Cristo, ndi'ya̱ ti culacua ti' ma̱ tyucui tyempo nu ndi'i̱ ma̱ chalyuu: Cua ña'a̱ ca cha' nu chañi tsa cha' jua'a̱ laca, bi' laca nu nga'a̱ cha' tyu'u tyiquee ma̱ ji'i̱; jua'a̱ lcaa cha' nu cua'ni chi̱ ngu' loo, lcaa cha' nu liñi ca, lcaa cha' su lubii ntsu'u tyiquee na, lcaa cha' nu tso'o tsa ña'a̱, lcaa cha' nu tso'o tsa nti' ngu' ña'a̱ ngu' ji'i̱, masi lcaa cha' tso'o bi', nu jua'a̱ tso'o tsa nchcui' ngu' ji'i̱, bi' laca nu nga'a̱ cha' tyu'u tyiquee ma̱ ji'i̱.

COLOSENSES 1:9

Bi' cha' juani lu'ba ti nchcui' ya lo'o ycui' Ndyosi cuentya ji'i̱ cu'ma̱; tya lo'o ngujui cha' ji'i̱ ya cha' cua ngusñi ma̱ cha' bi', ndijña ya cha' ji'i̱ ycui' Ndyosi cha' ta Ni chacuayá' cha' caca cuayá' lyiji ti' ma̱ lcaa cha' ñi'ya̱ nu nti' Ni cha' cua'ni ma̱, cha' jua'a̱ taca culacua tso'o ti' ma̱, taca ca'ya cha' tso'o hique ma̱ xqui'ya Xtyi'i ycui' Ndyosi li'.

COLOSENSES 2:3

Xqui'ya cha' ngusñi na cha' ji'i̱ Cristo, bi' cha' taca quijeloo cha' ji'na macala su ntucua quiya' lcaa cha' nu ntsu'u tyiquee ycui' Ndyosi, masi lcaa cha' nu nda'ya hique Ni cha' cua'ni Ni nde chalyuu.

HEBREOS 11:6

Ni sca na, ná taca cua'ni na cha' caca tyaala' ti' tyiquee ycui' Ndyosi, si ná chañi cha' jlya ti' na ji'i̱ Ni. Si nti' na cha' jyacua na ji'i̱ Ni cha' chcui' na lo'o Ni, li' nga'a̱ cha' jlya ti' na cha' lu'ú ycui' Ndyosi; nga'a̱ cha' jlya ti' na cha' taca xtyucua Ni ji'na lo'o jña na sca cha' ji'i̱ Ni.

HEBREOS 12:15

Cui'ya ma̱ cuentya cha' ni tsaca ngu' tya'a ma̱ ná xtyanu jua'a̱ ti lcaa cha' tso'o nu ndu'ni ycui' Ndyosi lo'o na. Lo'o jua'a̱ cui'ya ma̱ cuentya cha' ná cua'ni ñu'u̱ ma̱ ji'i̱ tyiquee xa' la ngu' tya'a ngusñi na cha' ji'i̱ Jesús. Ñi'ya̱ laca sca quixi̱' tyaala nu cua'ni ñu'u̱ ji'i̱ ñati̱ lo'o co'o ngu' hitya bi', jua'a̱ caca na ji'i̱ tya'a na lo'o ntsu'u sca cha' cuxi ji'na.

HEBREOS 6:11

Tso'o si ña'a̱ ti tya cua'ni ma̱ tyucui tyempo nde loo la nti' ya, cha' ndu̱ ti' ma̱ ji'i̱ ycui' Ndyosi ña'a̱ cuayá' tyu'u tucua lcaa cha' nu cua nchcui' Ni lo'o ma̱.

1 PEDRO 3:7

Lo'o jua'a̱ cu'ma̱ ngu' qui'yu ni, tso'o ti tyi'i̱ ma̱ lo'o clyo'o ma̱, cua'ni tyaca'a ma̱ ji'i̱ clyo'o ma̱; masi xtyi la juersa ntsu'u ji'i̱ nu cuna'a̱, pana stu'ba ti laca tyucuaa ma̱ cuentya ji'i̱ ycui' Ndyosi, cha' cua nda Ni chalyuu nu ná nga'a̱ cha' tye ji'i̱ tyucuaa ma̱. Si cua'ni ma̱ tso'o jua'a̱, tso'o ti tyi'i̱ ma̱ to' tyi ma̱; li' ná caja sca cha' cuxi nu cua'a ji'i̱ ma̱, nu cua'ni cha' ná chcui' ma̱ lo'o ycui' Ndyosi.

2 PEDRO 1:10

Bi' cha' ña'a̱ ti tya cua'ni la ma̱ lcaa cha' tso'o bi', ñi'ya̱ nu nguscua na' tya clyo; jua'a̱ tyi'u la ti' ma̱ cha' cua ngusubi ycui' Ndyosi ji'i̱ ma̱, cha' caca ma̱ ñati̱ ji'i̱ ycui' Ni. Lo'o li' ná nga'a̱ cha' chcuna' ma̱, si jua'a̱ cua'ni ma̱ lcaa lo cha' tso'o bi';

2 PEDRO 1:11

ndya'a̱ ma̱ lo tyucui̱i̱ ji'i̱ ycui' Ndyosi li'. Jua'a̱ caca ycui' Jesucristo nu Xu'na na loo ji'i̱ ma̱, bi' laca nu ndyu'ni lyaá ji'na; ná nga'a̱ cha' tye tsa̱ cha' laca ycui' Ni loo, lo'o li' tso'o ti tyatí̱ na ca su ntucua ycui' Ni.

2 PEDRO 3:14

Cu'ma̱ tya'a tso'o na, na ndu̱ ti' ma̱ ji'i̱ cha' bi', bi' cha' ntsu'u cha' cua'ni ma̱ xcui' cha' tso'o ti, xcui' cha' lubii ti lo'o tya'a ñati̱ ma̱, cha' ti̱ ti tyi'i̱ tyiquee ma̱ cuentya ji'i̱ ycui' Ni.

2 PEDRO 3:18

Pana tso'o la ca tsa'a̱ la ma̱ cha' tso'o ji'i̱ Jesucristo nu Xu'na na, nu cua ngua'ni lyaá ji'na; li' taca tyi'i̱ tso'o la tyiquee ma̱ cuentya ji'i̱ ycui' nu Xu'na na. Cua'ni tlyu na ji'i̱ ycui' Ni nde chalyuu, lo'o jua'a̱ ná nga'a̱ cha' tye tsa̱ nu cua'ni tlyu na ji'i̱ Ni ca slo ycui' Ni. Jua'a̱ caca cha' lacua.