2 PEDRO 1:12 - Chatino Tataltepec

¹² Tya tyu̱u̱ quiya' nti' na' chcui' na' lo'o ma̱ cuentya ji'i̱ lcaa cha' liñi ji'i̱ ycui' Ndyosi, masi cua jlo ti' ma̱ cha' bi'. Lo'o jua'a̱ jlo ti' na' cha' ngusñi tso'o ma̱ lcaa cha' nu nscua na' bi';

2 PEDRO 1:12 ပူးပေါင်းရင်းမြစ်များ

LOS HECHOS 16:5

Lo'o ndyuna ngu' cha' bi', li' cua ngua tlyu la tyiquee ngu' cha' ji'i̱ Jesucristo; nga'aa ndyutsi̱i̱ ngu' li'. Lo'o jua'a̱ ngua cha' lcaa tsa̱ ndyatu̱ la ñati̱ nu ntsu'u cha' ji'i̱ lo'o Jesucristo.

FILIPENSES 3:1

Cu'ma̱ tya'a ngusñi na cha' ji'i̱ Jesús, juani cua nti' tsa na' cha' ca chaa ti' ma̱ xqui'ya ycui' nu Xu'na na. Ná ndu'ni cha' 'na, masi tya chaca quiya' chcui' na' la cui' tya'a cha' nu nguscua na' tya clyo; ná tyiquee' xtyucua na' xi ji'i̱ ma̱, si chcui' na' chaca quiya'.

COLOSENSES 1:5

Tya clyo lo'o ndyuna ma̱ cha' tso'o bi', cha' nu nchcui' ji'i̱ ycui' Ndyosi nu chañi ca, li' ngua cuayá' ti' ma̱ cha' tya ntsu'u chaca cha' nu cua tlyu la nu nga'a̱ cha' tyacua ji'na tyempo nde loo la lo'o tyalaa na ca su ntucua ycui' Ndyosi. Ca bi' ntsu'u co'o cha' bi' cuentya ji'i̱ ma̱; bi' laca cha' nu tyacua ji'i̱ ma̱ ca tiya' la xqui'ya cha' ngusñi ma̱ cha' ji'i̱ Cristo, lo'o jua'a̱ tso'o tsa ntsu'u tyiquee ma̱ ña'a̱ ma̱ ji'i̱ xa' la tya'a ñati̱ ma̱.

COLOSENSES 2:7

Jua'a̱ xñi tso'o ma̱ cha' ji'i̱ Jesús, cha' ca cuayá' ti' ma̱ lcaa cha' nu laca su̱u̱ cha' bi'; cha' nu Jesús ni, bi' laca su̱u̱ lcaa cha' nu cua ngusñi na, la cui' ti cha' nu cua ngulu'u ngu' ji'i̱ ma̱ tya tsubi' la. Lo'o jua'a̱ lcaa tsa̱ tya ma̱ xlya'be ji'i̱ nu Cristo bi' li'.

1 TIMOTEO 4:6

Culu'u nu'u̱ lcaa cha' nu nscua na' lo quityi re ji'i̱ ca ta'a ñati̱ ji'i̱ Jesucristo cajua, cha' caca nu'u̱ sca ñati̱ nu tso'o tsa ndu'ni cña ji'i̱ Jesucristo, Timoteo. Tyi'u tso'o ti' nu'u̱ lcaa cha' liñi nu cua ngusñi nu'u̱, cha' ji'i̱ ycui' Ni; ña'a̱ ti xñi tso'o nu'u̱ tyucui̱i̱ ji'i̱ ycui' nu Xu'na na li', ñi'ya̱ nu ndyu'ni ti nu'u̱.

2 TIMOTEO 1:6

Ta na' sca cui̱i̱ lo'o nu'u̱ juani: Cua'ni tyaca'a nu'u̱ ji'i̱ cha' tso'o nu cua nda ycui' Ndyosi jinu'u̱ tya lo'o ngusta ya' na' hique nu'u̱, cha' taca cua'ni nu'u̱ cña cuentya ji'i̱ ycui' nu Xu'na na.

HEBREOS 10:32

Tyi'u ti' ma̱ lacua, ñi'ya̱ nu ndyaca ji'i̱ cu'ma̱ nu ngua tya tsubi' la, cua ndyaala hique ma̱ cha' ndyuna tso'o ma̱ cha' ji'i̱ ycui' Ndyosi, lo'o li' cua quiña'a̱ tsa cha' nchcube' cua ndyacua ji'i̱ ma̱ nde chalyuu. Pana ndalo tsa tyiquee ma̱ li'; ná ngua ji'i̱ nu ngu' xña'a̱ bi' tyiji̱loo ji'i̱ ma̱,

HEBREOS 13:9

Ná ta ma̱ chacuayá' culu'u ñati̱ xi xa' la cha' ji'i̱ ma̱, sca cha' nu ná stu'ba nchcui' lo'o cha' bi', cha' ná xtyanu ma̱ jua'a̱ ji'i̱ tyucui̱i̱ liñi. Tso'o la si tyanu tso'o lcaa cha' ji'i̱ ycui' Ndyosi ne' cresiya ji'na, si cube ti' na ji'i̱ lcaa cha' tso'o nu ndu'ni Ni lo'o na lcaa hora; pana ná taca tyanu tso'o cha' ji'i̱ ycui' Ndyosi ne' cresiya ji'na lo'o taquiya' na ji'i̱ cua ña'a̱ ca cña nu tatsaa ngu' ji'na, ñi'ya̱ nti' si nacui̱ ngu' cha' ná tso'o cacu na sca lo na nu ndacu ngu'. Masi cua ndaquiya' tsa na ji'i̱ cña bi' tya tsubi' la, si'i na tso'o la ngua ti' na lo'o ngua'ni na jua'a̱.

1 PEDRO 5:10

Pana xti ti tsa̱ tyacua cha' ti'í ji'i̱ ma̱. Lo'o tye tsa̱ nu nchcube' ma̱, li' cua'ni ycui' Ndyosi cha' caca tso'o ma̱, cua'ni Ni cha' caca nguula ti' tyiquee ma̱ chaca quiya'; ta Ni juersa ji'i̱ ma̱, cha' xcui' tso'o tsa ndu'ni ycui' Ni lo'o na. Xqui'ya Cristo cua ngusubi Ni ji'na cha' taca tyi'i̱ na ca su tlyu su ntucua ycui' Ni.

1 PEDRO 5:12

Jlo ti' na' cha' tso'o tsa ngusñi Silvano tya'a na cha' ji'i̱ ycui' nu Xu'na na; yu bi' laca nu nguxtyucua tsa 'na lo'o nguscua ya quityi sube re cha' ca̱a̱ slo cu'ma̱. Nti' na' cha' caca nguula ti' tyiquee ma̱, cha' chañi cha' tlyu tsa cha' tso'o ndu'ni ycui' Ni lo'o na. Jlo ti' na' cha' bi', lo'o jua'a̱ tso'o tsa si lo'o cu'ma̱ tyi'u ti' ma̱ cha' bi', ñi'ya̱ laca lo'o nxtyucua tsa ycui' Ni ji'na lcaa tsa̱.

2 PEDRO 1:13

pana laja lo'o tya lu'ú na', cua'ni na' cha' ná cjlyaa ti' ma̱ ji'i̱ cha' liñi bi'. Tso'o la si cua'ni na' jua'a̱, nti' na',

2 PEDRO 1:15

Pana cua'ni na' cha' tyanu cha' bi' lo'o ma̱, cha' taca tyi'u ti' ma̱ cha' tso'o ji'i̱ Jesucristo bi' lcaa tsa̱, masi cua ngujuii na'.

2 PEDRO 3:1

Cu'ma̱ ngu' tya'a tso'o na, cua nguscua na' sca quityi ndyaa slo cu'ma̱ tya tsubi' la. Nu juani nde nscua na' chaca quityi, cha' ca tyi'u ti' ma̱ lcaa cha' nu ji'i̱ Cristo, cha' jua'a̱ caca culacua tso'o ti' ma̱ lcaa hora.

2 PEDRO 3:17

Cu'ma̱ ngu' tya'a tso'o na ni, cua nguscua na' lcaa cha' bi' cha' ca tii ti' ma̱, cha' ná ta ma̱ chacuayá' ji'i̱ nu ngu' cuiñi bi' cha' culu'u ngu' ji'i̱ ma̱. Cha' liñi laca nu ngua tsa'a̱ ma̱ clyo, lo'o juani ná tso'o si taquiya' ma̱ ji'i̱ cha' cuiñi nu nclyu'u ngu' bi'; ná tso'o tya'a̱chu̱' ma̱ ji'i̱ cha' liñi bi' li'.

1 JUAN 2:21

Cua nscua na' quityi re, xqui'ya cha' nchca cuayá' ti' ma̱ ña'a̱ cha' liñi nu ntsu'u ji'i̱ Cristo. Si'i cha' ná jlo ti' ma̱ cha' liñi bi'; cua jlo ti' ma̱ ña'a̱ cha' liñi nu nchcui' na, cha' si'i cha' cuiñi ti laca cha' bi'.

2 JUAN 1:2

Cua ndyanu tso'o cha' liñi bi' ne' cresiya ji'na, jua'a̱ ná nga'a̱ cha' tye cha' nu cua ndyuna na bi'; bi' cha' tso'o tsa ntsu'u tyiquee na' ña'a̱ na' ji'i̱ ma̱.

JUDAS 1:17

Cu'ma̱ ngu' tya'a tso'o na nu tyaca'a tsa ma̱ 'na, nga'a̱ cha' tyi'u ti' ma̱ cha' nu nchcui' ñati̱ lo'o na, nu ñati̱ nu cua ngua tsa'a̱ ji'i̱ Jesucristo nu Xu'na na tya clyo.

JUDAS 1:3

Cu'ma̱ ngu' tya'a tso'o na nu tyaca'a tsa ma̱ 'na, nti' tsa na' scua na' quityi cha' tsaa ca slo ma̱, sca quityi nu chcui' ji'i̱ cha' tlyu nu ngua'ni Jesús cha' taca clyaá na ji'i̱ nu cuxi; pana ná ngua scua na' ji'i̱ yala ti. Lo'o nu juani nga'a̱ cha' scua na' quityi re cha' tsaa ca slo ma̱, cha' ta na' sca cui̱i̱ lo'o ma̱; nga'a̱ cha' cua'a ma̱ ji'i̱ cua ña'a̱ ca ngu' cuiñi, xqui'ya cha' ná jlya ti' ngu' ji'i̱ cha' liñi nu cua nda ycui' Ndyosi nu Xu'na na lo'o na, lcaa na nu ntsu'u cha' ji'na lo'o Jesucristo. Ná cua'a̱ jyaca̱ ma̱ tsiya' ti ji'i̱ cha' nu nchcui' ngu' cuiñi bi'.

JUDAS 1:5

Cua jlo ti' ma̱ lcaa cha' nu nscua lo quityi ji'i̱ ycui' Ndyosi nu ngua sa'ni la, pana xa' cacha' na' xi cha' bi' ji'i̱ ma̱ juani: Ngua'ni lyaá ycui' nu Xu'na na ji'i̱ jyo'o cusu' ji'i̱ ngu' Israel, nu lo'o nguti'i̱ ngu' preso ca loyuu su cuentya Egipto; pana ca tiya' la ndyujuii ycui' Ni ji'i̱ lcaa jyo'o cusu' nu ná ndaquiya' ji'i̱ cha' nu cua nchcui' Ni lo'o ngu' bi'.