2 JUAN 1:12 - Chatino Tataltepec

¹² Tya ntsu'u tsa cha' nu nti' na' chcui̱' lo'o ma̱, pana tso'o la masi ná lo'o cha' bi' scua na' lo quityi re. Tiya' la nti' na' ca̱a̱ na' ca su ndi'i̱ cu'ma̱, lo'o li' ycui' ca na' taca ta na' cha' bi' lo'o ma̱; li' chañi cha' tso'o ti taca tyu'u tyiquee na ña'a̱ na ji'i̱ tya'a na.

2 JUAN 1:12 ပူးပေါင်းရင်းမြစ်များ

SAN JUAN 15:11

’Nchcui' na' jua'a̱ lo'o cu'ma̱, cha' lo'o ña'a̱ ma̱ cha' chaa ti' na' ndu'ni na' cña ji'i̱ ycui' Ndyosi Sti na', la cui' jua'a̱ cu'ma̱, ná nga'a̱ cha' tye cha' caca chaa ti' ma̱.

SAN JUAN 16:12

’Tya quiña'a̱ la cha' ntsu'u cha' nti' na' chcui' na' lo'o ma̱ nquicha' ―nacui̱ Jesús ji'i̱ ñati̱ nu ndyaca tsa'a̱ ji'i̱―, pana ná talo ma̱ cua'a̱ jyaca̱ ma̱ ji'i̱ cha' bi' juani, cha' tucui tsa cha' bi'.

SAN JUAN 16:24

Si'i chacuayá' 'na ngüijña ma̱ cha' ji'i̱ ycui' Ndyosi Sti na' sa'ni la; pana jua'a̱ jña ma̱ cha' ji'i̱ Ni juani, cha' caja cha' bi' ji'i̱ ma̱, cha' xcui' na caca chaa ti' ma̱ su ndi'i̱ ma̱ li'.

SAN JUAN 17:13

’Bi' cha' juani tya̱a̱ na' su ntucua nu'u̱, Sti na' ―nacui̱ Jesús ji'i̱ ycui' Ndyosi Sti yu―. Lo'o tya ndi'i̱ na' nde chalyuu, li' nda na' cha' bi' lo'o ngu', cha' ñi'ya̱ lo'o chaa ti' ycui' na' re, jua'a̱ caca chaa ti' ngu' bi' tyucui tyiquee ngu'.

SAN JUAN 3:29

Ñi'ya̱ nu laca lo'o ngujui clyo'o ngu', sca ti nu cutsii bi' ngujui clyo'o lo'o nu cuxi̱i̱; pana lcaa tya'a tso'o cutsii nu ndi'i̱ ca bi', tso'o tsa ntsu'u tyiquee ngu'. Ñi'ya̱ lo'o chaa ti' ngu' ndi'i̱ ngu' lo'o ngujui clyo'o ngu', jua'a̱ na' tso'o tsa ntsu'u tyiquee na' cha' ña'a̱ na' ji'i̱ ngu' nu ndya'a̱ lo'o Jesús ―nacui̱ Juan―.

ROMANOS 15:24

bi' cha' cua nti' na' cha' ca̱a̱ na' tyi'i̱ na' xi ca su ndi'i̱ ma̱, tyucui̱i̱ su tsa'a̱ nde España. Li' taca ta na' xi cha' lo'o ma̱. Nu lo'o ngua chaa xi ti' na lo'o tya'a na, li' taca chcui' salya' ma̱ lo'o na', cha' xtyucua ma̱ jna' tyucui̱i̱ su tsa'a̱ nde loo la.

2 TIMOTEO 1:4

Ntsu'u ti' na' cha' ngusi'ya nu'u̱ lo'o ndu'u na' ndyaa na', bi' cha' nti' tsa na' ña'a̱ na' jinu'u̱ chaca quiya' cha' ca chaa ti' na.

FILEMÓN 1:22

Lo'o chaca cha' ni, nduna ycui' Ndyosi cha' lu'ba ti ndijña ma̱ sca cha' cuentya jna', bi' cha' tso'o si cua'ni cho'o ma̱ sca se'i̱ su tyi'i̱ na'; ndu̱ ti' na' cha' laja ti tyu'u na' ne' chcua̱ nde, ca̱a̱ na' ca slo cu'ma̱ li'.

HEBREOS 13:19

Bi' cha' xa' ndijña tsa na' ji'i̱ ma̱, cha' lu'ba ti chcui' ma̱ lo'o ycui' Ndyosi cuentya jna'. Ná tyiquee' cua'ni Ni cha' xtyu̱u̱ na' ca̱a̱ na' yala la ca su ndi'i̱ ma̱.

HEBREOS 13:23

Chaca cha' nti' na' chcui̱' lo'o ma̱: Cua ngulaá ngu' ji'i̱ Timoteo, tya'a ndya'a̱ na cña, ca su ngutu'ú yu ne' chcua̱; nu lo'o ca̱a̱ na', ca̱lo'o na' ji'i̱ yu li', si yala ti tyalaa yu slo na'.

1 JUAN 1:4

bi' cha' nscua ya quityi re, cha' lcaa tsa̱ tso'o ti tyi'i̱ tyiquee na.

3 JUAN 1:10

Nu lo'o tyalaa na' ca slo ma̱, li' chcui' na' lo'o ma̱ cuentya ji'i̱ lcaa cña nu ndyu'ni yu bi', cha' chiya'a̱ tsa nchcui' yu ji'i̱ cuare; nchcui' yu bi' cua ña'a̱ ca lo cha' cuiñi lo'o ñati̱. Masi ndyu'ni yu jua'a̱, ná cuayá' ji'i̱ yu nti' yu, cha' juani ná ntaja'a̱ yu ta yu su tyi'i̱ ngu' tya'a ndya'a̱ ya cña lo'o ndyaa ngu' quichi̱ tyi ma̱; ña'a̱ cuayá' ndaca'a yu chacuayá' ji'i̱ tya'a ma̱ cha' lo'o cu'ma̱ ná ta ma̱ su tyi'i̱ ngu', masi ngua ti' ma̱ ta ma̱ su tyi'i̱ ngu' nquicha'. Lo'o jua'a̱ ngua ti' yu culo'o yu ji'i̱ tya'a ndya'a̱ ya cña bi', cha' ná tyu'u ti'i̱ ngu' lo'o ma̱.