2 CORINTIOS 9:7 - Chatino Tataltepec

⁷ La cui' jua'a̱ lo'o ta na cñi xlya'be ti, nga'a̱ cha' quiñi ti' na ni tsa lo ta scaa na. Ná tso'o si cha' cuiñi ti na ta na ji'i̱, la cui' ti ná tso'o si cha' juersa ti ta na ji'i̱; ndiya la ti' ycui' Ndyosi si tso'o ntsu'u tyiquee na ta na ji'i̱.

2 CORINTIOS 9:7 ပူးပေါင်းရင်းမြစ်များ

LOS HECHOS 20:35

Ngua'ni na' jua'a̱ cha' culu'u na' ji'i̱ ma̱ ñi'ya̱ nu cua'ni ma̱ lo'o ngu' nu ntsu'u tsa cha' nu lyiji ji'i̱. La cui' jua'a̱ ntsu'u cha' tyi'u ti' na ji'i̱ cha' nu cua nchcui' ycui' Jesús nu Xu'na na lo'o na ndi'ya̱: “Tso'o ntsu'u tyiquee ma̱ si ta ngu' sca cha' xlya'be ji'i̱ ma̱, pana tlyu la cha' tso'o laca si ta ma̱ sca cha' xlya'be ji'i̱ tya'a ñati̱ ma̱”, nacui̱ Jesús ji'na.

ROMANOS 12:8

Nu lo'o ta ma̱ sca cui̱i̱ cuentya ji'i̱ ycui' Ndyosi lo'o ngu', tyucui tyiquee ma̱ ta ma̱ cha' bi' lacua. Nu lo'o ta ma̱ cha' xlya'be ji'i̱ ngu', tyucui tyiquee ma̱ ta ma̱ cha' tso'o ji'i̱ ngu' lacua. Si laca ma̱ loo ji'i̱ ngu' tya'a ma̱, cui'ya ma̱ cuentya cha' tso'o ti cua'ni ma̱ lacua. Nu lo'o cua'ni tya'na ti' ma̱ ji'i̱ ngu', tso'o ti caca tyiquee ma̱ laja lo'o cua'ni ma̱ cña bi' cuentya ji'i̱ ngu' li'.

2 CORINTIOS 8:12

Si chañi cha' ntsu'u tyiquee ngu' ta ngu' tsa ña'a̱ nu ntsu'u xi ji'i̱ ngu', tso'o ti xñi ycui' Ndyosi msta̱ bi' ji'i̱ ngu', ñi'ya̱ nu nchca ti ji'i̱ ngu' li'; ná nti' Ni cha' ta ngu' msta̱ si ná sca na ntsu'u ji'i̱ ngu'.

FILEMÓN 1:14

Pana nti' na' quiñi cha' 'na lo'o nu'u̱ clyo, Filemón. Tso'o tsa tyiquee nu'u̱, lo'o nti' na' cha' cua'ni nu'u̱ lo'o yu ñi'ya̱ nu nti' ycui' nu'u̱; ná nti' na' culo na' cña jinu'u̱ cha' tyanu yu lo'o na'.

SANTIAGO 5:9

Cu'ma̱ tya'a ngusñi na cha' ji'i̱ ycui' Ni, ná chcui' ma̱ cha' ti'í ji'i̱ ngu' tya'a ma̱, cha' ná sta Ni qui'ya ji'i̱ ma̱ li'. Cua ngulala ti tyalaa ycui' nu Bese nu laca loo ca su ndi'i̱ na.

1 PEDRO 4:9

Ta ma̱ xi to' tyi ma̱ su tyi'i̱ tya'a ma̱, lo'o jua'a̱ ta ma̱ na cacu ngu' lo'o tyalaa ngu' bi' slo ma̱; ná chcui' ma̱ cha' ti'í ji'i̱ tya'a ma̱ xqui'ya cha' ndyalaa ngu' slo ma̱.