2 CORINTIOS 9:6 - Chatino Tataltepec

⁶ Tyi'u ti' ma̱ ñi'ya̱ ndyaca lo'o ntyaa na na cuiñii. Si xti ti si'yu na cuiñii bi' cataa na, xti ti cha' tso'o tyu'u ji'na li'; pana si quiña'a̱ si'yu cataa na, quiña'a̱ la cha' tso'o tyu'u li'.

2 CORINTIOS 9:6 ပူးပေါင်းရင်းမြစ်များ

SAN LUCAS 6:38

Ta ma̱ cha' tso'o ji'i̱ tya'a ñati̱ ma̱, cha' li' ta ycui' Ndyosi cha' tso'o jua'a̱ ji'i̱ ma̱; tso'o tsa cuayá' ngutsa'á̱ su'ba Ni cha' tso'o ne' cresiya ji'i̱ ma̱ li'. Ñi'ya̱ nti' sca milya nu tachaa tsa nsu'ba ngu' na ne', cua nscui̱ ngu' ji'i̱ cha' ca'ya ti'i̱ la na bi', ntucua tsa tu'ba milya bi', jua'a̱ laca lo'o cha' tso'o nu su'ba Ni ne' cresiya ji'i̱ ma̱. Ñi'ya̱ nu ndu'ni ma̱ lo'o tya'a ñati̱ ma̱, jua'a̱ cua'ni ycui' Ndyosi lo'o cu'ma̱.

1 CORINTIOS 1:12

xa' ña'a̱ nchcui' sa scaa ma̱. Ntsu'u sca taju ji'i̱ ma̱ nu nacui̱: “Ji'i̱ Pablo ngusñi ya cha'”; chaca taju ji'i̱ ma̱ nacui̱: “Ñati̱ ji'i̱ Apolos laca ya”; jua'a̱ tya xa' la ngu' taju ji'i̱ ma̱ nacui̱ ngu': “Ñati̱ ji'i̱ Pedro laca ya”; jua'a̱ tya xa' la ngu' nacui̱: “Ñati̱ ji'i̱ Cristo laca ya”.

1 CORINTIOS 15:20

Chañi tsa cha' cua ndyu'ú Cristo chaca quiya' lacua. Lo'o ca tiya' la, li' tyu'ú quiña'a̱ la ñati̱ chaca quiya', lcaa ñati̱ nu ntsu'u cha' ji'i̱ ngu' lo'o Cristo; tyu'ú jyo'o su ntsiya nguatsi' nquicha', xa' tyu'ú ngu' chaca quiya', li' tsaa ngu' tyi'i̱ ngu' lo'o Cristo. Pana juani cua yala la ndyu'ú Cristo chaca quiya' cha' ta na cuentya ñi'ya̱ caca cha' bi'.

1 CORINTIOS 7:29

Cu'ma̱ tya'a ngusñi na cha' ji'i̱ Jesús, ndi'ya̱ laca cha' nu ta na' lo'o ma̱: Tya xti tya tyempo tya lijya̱ ji'na chalyuu. Bi' cha' cua'ni yala ma̱ su ndi'i̱ ma̱ chalyuu; masi ntsu'u clyo'o ma̱, si'i xcui' cha' ji'i̱ clyo'o ma̱ tyu'u tyiquee ma̱;

2 CORINTIOS 9:10

Nda ycui' Ndyosi na cuiñii cataa na, jua'a̱ nda Ni na cacu na; la cui' jua'a̱ ta Ni lcaa na nu lyiji ji'i̱ ma̱ cha' cua'ni ma̱ sca cña tso'o lo'o ñati̱ chalyuu. Lo'o jua'a̱ xtyucua Ni ji'i̱ ma̱ cha' tyu'u scua cha' tso'o nu ndyu'ni ma̱, cha' xqui'ya bi' caca tso'o tyiquee ñati̱.

2 CORINTIOS 9:5

Bi' cha' cua nchcui' na' lo'o ngu' tya'a na re, cha' tsaa ngu' nde loo la que na', cha' xtyucua ngu' ji'i̱ ma̱ cha' cua'ni cho'o ma̱ msta̱, ñi'ya̱ nu nacui̱ ma̱ 'na cha' ta ma̱; cua laca nscua se'i̱ ti cha' bi' lo'o ca̱a̱ na' li'. Jua'a̱ laca bi' sca cña tso'o nu ngua'ni ma̱ xqui'ya cha' ndiya ti' ma̱ ndu'ni ma̱ ji'i̱, si'i sca cña nu ndatsaa tsa ya ji'i̱ ma̱ laca nu ngua'ni ma̱ li'.

GÁLATAS 3:17

Ndi'ya̱ cha' nti' na' chcui' na' lo'o ma̱: Cua ngua stu'ba cha' ji'i̱ ycui' Ndyosi lo'o Abraham nu ngua li'; cua ndya'a jacua siyento ntucua calaa tyii yija̱ tya lo'o cua ngüiñi cha' ji'i̱ ycui' Ni lo'o nu cusu' bi', lo'o li' nda ycui' Ndyosi cha' lo'o Moisés cha' culo yu cña ji'i̱ ngu' cuentya ji'i̱ Ni. Bi' cha' ná ngua ji'i̱ cha' nu nda Moisés bi' tacu̱' lo cha' nu cua ngüiñi ji'i̱ ycui' Ndyosi lo'o Abraham nu ngua sa'ni la, cha' ná taca cua'a ngu' ji'i̱ cha' bi' tsiya' ti.

GÁLATAS 5:16

Ndi'ya̱ cha' ta na' lo'o ma̱: Ta ma̱ chacuayá' cha' caca Xtyi'i ycui' Ndyosi loo ne' cresiya ji'i̱ ma̱ ca su ndi'i̱ ma̱; li' nga'aa jña ti' tyiquee ma̱ cha' cua'ni ma̱ cua ña'a̱ ca cha' cuxi nu ndiya ti' ma̱, cha' laca ma̱ ñati̱ chalyuu.

EFESIOS 4:17

Chacuayá' ji'i̱ ycui' nu Xu'na na chcui' na' xi lo'o cu'ma̱ juani: Nti' tsa na' culo na' cña ji'i̱ cu'ma̱ cha' nga'aa cua'ni ma̱ ñi'ya̱ nu ndu'ni ngu' nu ná nslo ji'i̱ ycui' Ndyosi tsiya' ti; cua ña'a̱ ca cha' cuxi nu nda'ya hique ngu', xcui' jua'a̱ ndu'ni ngu' bi' chalyuu. Sca cha' tonto tsa ndu'ni ngu' bi',

COLOSENSES 2:4

Cua nti' tsa na' cha' ná tucui cñilo'o ji'i̱ ma̱, masi nti' ma̱ cha' tso'o tsa nchcui' ngu' bi'; bi' cha' laca nchcui' na' lo'o cu'ma̱ jua'a̱.

HEBREOS 6:10

Lo'o jua'a̱ liñi tsa ndu'ni ycui' Ndyosi lo'o na. Ná cjlyaa ti' Ni lcaa cha' tso'o nu cua ndyu'ni ma̱, nu lo'o nxtyucua ma̱ ji'i̱ ngu' tya'a ngusñi na cha' ji'i̱ Jesús, cha' cua quiña'a̱ xi cña ndyu'ni ma̱ cuentya ji'i̱ ngu' bi'. Xqui'ya cha' ndyu'ni ma̱ jua'a̱, bi' cha' jlo ti' xa' ñati̱ cha' ntsu'u tsa tyiquee ma̱ ji'i̱ Jesús, cha' ña'a̱ ti tya ndyu'ni ma̱ cha' tso'o lo'o ngu' juani.