2 CORINTIOS 8:3 - Chatino Tataltepec

³ Chañi tsa cha' nu ta na' lo'o ma̱ cuentya ji'i̱ ngu' bi': Cha' tso'o ti tyiquee ngu' bi' ni, cua nda ngu' lcaa ña'a̱ nu ngujui ti xi ji'i̱ ngu'; lo'o jua'a̱ tya quiña'a̱ la cñi nda ngu', masi ná ndyu'u scua cñi nu ndyanu ji'i̱ ngu'.

2 CORINTIOS 8:3 ပူးပေါင်းရင်းမြစ်များ

SAN MARCOS 14:8

Cua ngua'ni nu cuna'a̱ re lcaa ña'a̱ cha' nu nchca ji'i̱. Na cua ngua'ni ma' cha' caca tyixi xtyi'i loo na' juani; masi tya lyiji cajaa na', yala la ngua'ni cho'o ma' ji'i̱ tyucui ña'a̱ na' cha' xatsi' ngu' 'na.

LOS HECHOS 11:29

Li' ngüiñi cha' ji'i̱ ñati̱ ji'i̱ Jesús lo'o tya'a ngu' cha' ta ngu' msta̱ ji'i̱ tya'a ti'i ti ngu', ngu' nu ndi'i̱ quichi̱ su cuentya Judea.

ROMANOS 10:2

Liñi tsa cha' nu chcui' na' ji'i̱ ngu' bi', cha' tso'o tsa ndu'ni tlyu ngu' ji'i̱ ycui' Ndyosi nquicha', pana ná jlo tso'o ti' ngu' ñi'ya̱ laca cña nu nti' Ni cha' cua'ni ngu';

1 CORINTIOS 16:2

Tsa̱ clyo nu nxana sca semana, li' tso'o si lcaa ma̱ xñi ma̱ xi xcaya' ma̱, caya' nu cua ngujui ji'i̱ ma̱ semana nu ndye. Tyuco'o bi' li', lo'o li' ná ntsu'u cha' xti'i̱ ma̱ msta̱ bi' yala ntchaa ti nu lo'o tyalaa na'.

1 CORINTIOS 9:17

Nu lo'o cua'ni na' sca cña cuentya 'na ti, ndu̱ ti' na' cha' caja xcaya' na' li'. Pana xa' ña'a̱ cña laca cña nu nda Ni 'na; na cua ndyanu cña bi' 'na cha' bi' ti cña cua'ni na', cha' cua ndatsaa Ni 'na cha' cua'ni na' ji'i̱. Bi' cha' ndyu'ni na' cña bi'.

GÁLATAS 4:15

Tso'o tsa ntsu'u tyiquee ma̱ ña'a̱ ma̱ 'na nu ngua tyempo bi'; hasta culo ma̱ la cui' ca si'yu cloo ma̱ cha' ta ma̱ 'na ngua ti' ma̱ nquicha', cha' cua nti' tsa ma̱ xtyucua ma̱ jna'. Lo'o juani ni, ¿na laca ngua ji'i̱ ma̱ juani?

FILIPENSES 2:13

Tyi'u ti' ma̱ cha' lcaa tsa̱ ndu'ni ycui' Ndyosi cña laja ne' cresiya ji'i̱ ma̱, cha' taca cua'ni ma̱ cña ji'i̱ Ni; jua'a̱ ndu'ni Ni cha' tyaja'a̱ ma̱ cua'ni ma̱ lcaa ña'a̱ nu nti' ycui' Ndyosi cha' cua'ni ma̱.

COLOSENSES 4:13

Jlo ti' na' cha' lye tsa ngua'ni yu cña cha' xtyucua yu ji'i̱ cu'ma̱, jua'a̱ ji'i̱ ngu' quichi̱ Laodicea, jua'a̱ ji'i̱ ngu' quichi̱ Hierápolis tya'a ngusñi na cha' ji'i̱ Cristo.

1 TESALONICENSES 2:8

Ntsu'u tsa tyiquee ya ña'a̱ ya ji'i̱ ma̱, cha' cua nda ya cha' tso'o ji'i̱ ycui' Ndyosi lo'o ma̱; lye tsa nclyacua ti' ya cuentya ji'i̱ ma̱, hasta tso'o ntsu'u tyiquee ya masi cujuii ngu' ji'i̱ ya xqui'ya cu'ma̱.

FILEMÓN 1:14

Pana nti' na' quiñi cha' 'na lo'o nu'u̱ clyo, Filemón. Tso'o tsa tyiquee nu'u̱, lo'o nti' na' cha' cua'ni nu'u̱ lo'o yu ñi'ya̱ nu nti' ycui' nu'u̱; ná nti' na' culo na' cña jinu'u̱ cha' tyanu yu lo'o na'.

1 PEDRO 4:11

Culu'u ma̱ cha' ji'i̱ ñati̱, si bi' laca cña nu cua nda Ni ji'i̱ ma̱ cha' cua'ni ma̱; culu'u ma̱ tsa ña'a̱ cha' nu nti' ycui' Ndyosi chcui' Ni lo'o ngu'. Lo'o jua'a̱ xtyucua ma̱ ji'i̱ tya'a ñati̱ ma̱ lo'o tyucui juersa nu nda ycui' Ndyosi ji'i̱ ma̱, si bi' laca cña nu cua nda Ni ji'i̱ ma̱ cha' cua'ni ma̱. Nu lo'o ña'a̱ ngu' cña tso'o nu ndyu'ni ma̱ bi', li' cua'ni tlyu ngu' ji'i̱ ycui' Ndyosi xqui'ya Jesucristo. Lo'o li' ná nga'a̱ cha' tye cha' cua'ni tlyu ngu' ji'i̱ Cristo bi', cha' laca Cristo loo tsiya' ti. Jua'a̱ caca cha' tu'ni.

1 PEDRO 5:2

Ntsu'u cha' ña'a̱si̱i̱ tso'o ma̱ ji'i̱ lcaa ngu' tya'a ma̱, ña'a̱ taju ngu' tya'a ma̱ ca su laca ma̱ loo ji'i̱ ngu'. Ñi'ya̱ nti' xlya', jua'a̱ laca ngu' bi'; ñi'ya̱ nti' ñati̱ nu ña'a̱si̱i̱ ji'i̱ xlya', jua'a̱ laca na, ngu' cusu' tya'a na. Nga'a̱ cha' xtyucua na ji'i̱ ngu' tya'a na cha' tyanu tachaa la cha' ji'i̱ Cristo tyiquee ngu'. Tyucui tyiquee ma̱ cua'ni ma̱ cña bi', cha' jua'a̱ nti' ycui' Ndyosi cha' cua'ni na; ná tso'o si ntsu'u cha' tatsaa ngu' tya'a ma̱ ji'i̱ ma̱ cha' cua'ni ma̱ cña bi'. Lo'o jua'a̱ ná tso'o si quiña'a̱ tsa caya' xñi ma̱ ji'i̱ ngu' cha' cua'ni ma̱ cña bi', pana tso'o la si tyucui tyiquee ma̱ cua'ni ma̱ cña bi' cuentya ji'i̱ ycui' Ndyosi.