2 CORINTIOS 8:19 - Chatino Tataltepec

¹⁹ La cui' jua'a̱ nu ñati̱ ji'i̱ Cristo nu ndyu'u ti'i̱ lcaa quichi̱ cua ngusubi ngu' ji'i̱ yu tya'a na bi', cha' tya'a̱ yu lo'o ya, cha' xtyucua yu ji'i̱ ya lo'o ndyu'ni ya cña cha' xti'i̱ ya msta̱ nu nda ngu'. Ndyu'ni ya cña bi' cuentya ji'i̱ nu Xu'na na, cha' jua'a̱ taca cua'ni chi̱ ya loo Ni; lo'o jua'a̱ nti' ya cha' yala ti cua'ni ma̱ cña bi', xqui'ya cha' ndiya ti' ma̱ ndu'ni ma̱ jua'a̱.

2 CORINTIOS 8:19 ပူးပေါင်းရင်းမြစ်များ

2 CORINTIOS 4:15

Ndalo ya ji'i̱ lcaa cha' ti'í nu ndyacua ji'i̱ ya xqui'ya cu'ma̱; tiya' la li' tyatu̱ quiña'a̱ la tya'a ñati̱ ma̱ nu taca tya xlya'be ji'i̱ ycui' Ndyosi cuentya ji'i̱ ya, cha' jua'a̱ quiña'a̱ tsa tya'a ñati̱ ma̱ ntsu'u nu cua ngujui xlya'be nu ta ycui' Ndyosi ji'i̱ ma̱. Lo'o li' stu'ba ti taca cua'ni chi̱ na loo ycui' Ndyosi.

2 CORINTIOS 9:8

Taca xtyucua ycui' Ndyosi ji'i̱ ma̱ lo'o quiña'a̱ tsa cha', lo'o li' tyu'u scua ji'i̱ ma̱ lcaa cha' nu lyiji ji'i̱ ma̱; lo'o jua'a̱ tya caja la ñi'ya̱ xtyucua ma̱ ji'i̱ xa' ñati̱ lo'o cua ña'a̱ ca cña tso'o.

LOS HECHOS 15:25

Bi' cha' juani cua ngua stu'ba cha' ji'i̱ ya lo'o tya'a cuare, ngusubi ya tucua tya'a ngu' tya'a ya, la cui' ñati̱ ji'i̱ Jesucristo tya'a na laca ngu'; tsaa ngu' slo ma̱ lo'o Bernabé lo'o Pablo tya'a na. Ntsu'u tsa tyiquee na ña'a̱ na ji'i̱ nu ngu' tya'a na bi',

LOS HECHOS 15:22

Ngua stu'ba cha' ji'i̱ ngu' lo'o tya'a ngu' li', lcaa ñati̱ ji'i̱ Jesucristo nde Jerusalén, lo'o ngu' nu ngua tsa'a̱ ji'i̱ Jesucristo tya clyo, lo'o ngu' nu laca loo ji'i̱ taju ngu'. Li' ngua ti' ngu' cha' subi ngu' xi xa' la tya'a ngu' cha' tsaa ngu' lo'o Pablo lo'o Bernabé ca quichi̱ Antioquía; ngusubi ngu' ji'i̱ Judas nu laca xtañi Barsabás, lo'o ji'i̱ Silas, ñati̱ nu ndaquiya' tsa ngu' bi' ji'i̱.

LOS HECHOS 14:23

Lo'o jua'a̱ ngusubi Pablo lo'o Bernabé ji'i̱ ñati̱ cha' caca ngu' loo ji'i̱ scaa taju ñati̱ ji'i̱ Jesucristo nu ndi'i̱ scaa quichi̱ tyi ngu'; ngua'ni Pablo lo'o Bernabé cña bi' lcaa quichi̱ su ndyaa ngu'. Tyu̱u̱ hora ná ndyacu ngu' tyaja tsa̱ nu lo'o nchcui' ngu' lo'o ycui' Ndyosi cha' subi ngu' ji'i̱ ñati̱ nu caca loo ji'i̱ taju tya'a ngu'. Ndijña ngu' ji'i̱ ycui' nu Xu'na na cha' cua'a Ni ji'i̱ ngu' bi', cha' ná caca cuxi ji'i̱ ngu', cha' tso'o tsa ngusñi lcaa ñati̱ bi' cha' ji'i̱ ycui' Ni.

LOS HECHOS 19:22

Pana clyo nchcui' yu lo'o Timoteo lo'o Erasto cha' tsaa ngu' ca Macedonia nde loo la ji'i̱ yu, tyanu la xi ycui' yu nde loyuu Asia, nti' yu.

LOS HECHOS 19:29

Ná jlo ti' ngu' quichi̱ na laca ngua ji'i̱ ngu' cha' nxi'ya tsa ngu' jua'a̱, pana ngusna lcaa ngu' ndyaa ngu' cha' ña'a̱ cui'ya ngu' xi ji'i̱. Li' ntejeya' ngu' ji'i̱ Gayo lo'o Aristarco xqui'ya cha' ndya'a̱ ngu' lo'o Pablo, masi ngu' Macedonia laca ngu' bi', ndyaa lo'o ngu' bi' ji'i̱ ngu' ca su ndyu'u ti'i̱ ngu' quichi̱.

ROMANOS 5:3

Masi juani tso'o ntsu'u tyiquee na laja lo'o ndi'i̱ na chalyuu; masi lya' tsa ti' ngu' ji'na, jlo ti' na cha' taca talo na lo'o nchcube' na jua'a̱.

ROMANOS 5:11

Ni si'i tsa lo cua ti cha', masi lo'o cha' tso'o tsa ntsu'u tyiquee na ña'a̱ na ji'i̱ ycui' Ndyosi xqui'ya Jesucristo nu Xu'na na, cha' bi' laca nu ngua'ni cha' caca ca stu'ba cha' ji'na lo'o Ni.

2 CORINTIOS 8:11

La cui' jua'a̱ cua'ni ma̱ cña bi', ña'a̱ cuayá' nu xcua se'i̱ cña bi'. Tso'o tsa ngua ti' ma̱ nu lo'o nguxana cña bi', lo'o jua'a̱ tso'o si tyucui tyiquee ma̱ cua'ni lyiji ma̱ ji'i̱, tsa ña'a̱ cuayá' cha' tso'o nu ntsu'u ji'i̱ scaa ma̱ ta ma̱ msta̱ bi'.

2 CORINTIOS 8:12

Si chañi cha' ntsu'u tyiquee ngu' ta ngu' tsa ña'a̱ nu ntsu'u xi ji'i̱ ngu', tso'o ti xñi ycui' Ndyosi msta̱ bi' ji'i̱ ngu', ñi'ya̱ nu nchca ti ji'i̱ ngu' li'; ná nti' Ni cha' ta ngu' msta̱ si ná sca na ntsu'u ji'i̱ ngu'.

2 CORINTIOS 8:20

Li' ná taca chcui' ngu' ji'i̱ ya xqui'ya cha' cua nxti'i̱ ya cñi nu nda ma̱ cha' xlya'be ti bi'.

2 CORINTIOS 9:2

cha' cua jlo ti' na' cha' tso'o ti nti' ma̱ ña'a̱ ma̱ ji'i̱ ngu'. Lu'ba ti nchcui' na' lo'o ngu' ca tyi re, ca loyuu su cuentya Macedonia re, cha' tso'o tsa ndyu'ni ma̱, cu'ma̱ ngu' ca tyi nde loyuu su cuentya Acaya bi'; ni na' ji'i̱ ngu' cha' yala tsa ti' cu'ma̱, cha' tya yija̱ na ngua'ni cña ti' ma̱ cha' xti'i̱ ma̱ msta̱ bi'. Lo'o nu ngu' Macedonia re ni, cua ngua chaa la ti' tyiquee ngu' lo'o na'a̱ ngu' cha' yala tsa ndyu'ni ma̱ cña.