2 CORINTIOS 8:17 - Chatino Tataltepec

¹⁷ Tso'o tsa ntsu'u tyiquee yu ngua'ni yu cña nu cua ni na' ji'i̱ yu; lo'o juani nti' tsa yu xtyucua yu ji'i̱ ma̱, bi' cha' tsaa yu tsaa na'a̱ yu ji'i̱ cu'ma̱ chaca quiya', cha' ji'i̱ ti yu.

2 CORINTIOS 8:17 ပူးပေါင်းရင်းမြစ်များ

2 CORINTIOS 12:18

Chañi cha' nchcui' na' lo'o yu Tito bi', cha' tsubi' ti tsaa yu ca su ndi'i̱ ma̱; ndyaa yu lo'o chaca yu tya'a ngusñi na cha' ji'i̱ Jesús bi' li'. Pana si'i Tito laca nu ngua'ni ngana ji'i̱ ma̱; sca ti cuayá' ndyu'ni yu cña ñi'ya̱ nu ndyu'ni na' cña, sca ti cha' ntsu'u tyiquee tyucuaa ya.

2 CORINTIOS 8:10

Ndi'ya̱ nti' na', tso'o la si cua'ni ma̱ cha' xcua se'i̱ cña bi' lacua, cha' tya yija̱ na ndyu'ni ma̱ ji'i̱. Si'i la xña cua'ni ti ma̱ ji'i̱; pana xqui'ya cha' ndiya ti' ma̱ ndu'ni ma̱ jua'a̱, bi' cha' ta ma̱ msta̱ bi'.

2 CORINTIOS 8:6

Bi' cha' cua nchcui' ya lo'o yu Tito bi', cha' cua'ni lyiji yu cha' xti'i̱ yu msta̱ nu nda cu'ma̱ cha' tso'o ntsu'u tyiquee ma̱, cha' tya tsubi' la cua nguxana nxti'i̱ yu msta̱ bi'.

2 CORINTIOS 8:8

Si'i na nclyo na' cña ji'i̱ ma̱ re; nu lo'o ña'a̱ ma̱ ji'i̱ xa' la ngu' tya'a na, cha' nti' tsa ngu' xtyucua ngu' ji'i̱ tya'a ñati̱ ji'i̱ Cristo, li' taca cua'ni cuayá' ma̱ ji'i̱ ycui' ca ma̱ si chañi ca cha' ntsu'u tyiquee ma̱ ña'a̱ ma̱ ji'i̱ la cui' ngu' tya'a ma̱.

HEBREOS 13:22

Cu'ma̱ tya'a ngusñi na cha' ji'i̱ Cristo, cua'ni clyu ti' ma̱ 'na, talo tyiquee ma̱ xi 'na cha' cuna ma̱ cha' nu nchcui' na' re. Ná quiña'a̱ tsa cha' nscua na' lo quityi re, pana cua nti' na' cha' tyanu tachaa la cha' bi' ne' cresiya ji'i̱ ma̱.