2 CORINTIOS 8:12 - Chatino Tataltepec

¹² Si chañi cha' ntsu'u tyiquee ngu' ta ngu' tsa ña'a̱ nu ntsu'u xi ji'i̱ ngu', tso'o ti xñi ycui' Ndyosi msta̱ bi' ji'i̱ ngu', ñi'ya̱ nu nchca ti ji'i̱ ngu' li'; ná nti' Ni cha' ta ngu' msta̱ si ná sca na ntsu'u ji'i̱ ngu'.

2 CORINTIOS 8:12 ပူးပေါင်းရင်းမြစ်များ

SAN MATEO 25:17

Lo'o jua'a̱ ngua'ni chaca msu nu ntsu'u tucua mil cñi plata ji'i̱, ngua'ni yu ngana ña'a̱ cuayá' nu ngujui chaca tyucuaa mil cñi plata ji'i̱ yu.

SAN MATEO 25:22

Lo'o li' ndyalaa chaca msu nu nda xu'na tucua mil cñi plata ji'i̱. “Xu'na”, nacui̱ msu bi', “nda nu'u̱ tucua mil cñi plata 'na, lo'o nu juani cua ngujui la tya tyucuaa mil cñi 'na cha' ngua'ni na' cña lo'o cñi bi' jinu'u̱”.

SAN LUCAS 16:10

’Ñati̱ nu tso'o tsa ngua'ni lyiji sca cña piti ti, jua'a̱ tso'o tsa cua'ni ngu' bi', masi sca cña nu cua tlyu la; pana ñati̱ nu ñilo'o ji'i̱ xu'na ngu' lo'o cua'ni ngu' sca cña piti ti, ná tyiquee' ná caca cua'ni ngu' bi' sca cña nu cua tlyu la.

2 CORINTIOS 8:11

La cui' jua'a̱ cua'ni ma̱ cña bi', ña'a̱ cuayá' nu xcua se'i̱ cña bi'. Tso'o tsa ngua ti' ma̱ nu lo'o nguxana cña bi', lo'o jua'a̱ tso'o si tyucui tyiquee ma̱ cua'ni lyiji ma̱ ji'i̱, tsa ña'a̱ cuayá' cha' tso'o nu ntsu'u ji'i̱ scaa ma̱ ta ma̱ msta̱ bi'.

2 CORINTIOS 8:13

Ná nti' na' cha' lyiji tsa na ji'i̱ ma̱ laja lo'o ta ma̱ cñi, cha' caja na nu lyiji ji'i̱ ngu' ti'i tya'a na.

2 CORINTIOS 8:19

La cui' jua'a̱ nu ñati̱ ji'i̱ Cristo nu ndyu'u ti'i̱ lcaa quichi̱ cua ngusubi ngu' ji'i̱ yu tya'a na bi', cha' tya'a̱ yu lo'o ya, cha' xtyucua yu ji'i̱ ya lo'o ndyu'ni ya cña cha' xti'i̱ ya msta̱ nu nda ngu'. Ndyu'ni ya cña bi' cuentya ji'i̱ nu Xu'na na, cha' jua'a̱ taca cua'ni chi̱ ya loo Ni; lo'o jua'a̱ nti' ya cha' yala ti cua'ni ma̱ cña bi', xqui'ya cha' ndiya ti' ma̱ ndu'ni ma̱ jua'a̱.

2 CORINTIOS 9:7

La cui' jua'a̱ lo'o ta na cñi xlya'be ti, nga'a̱ cha' quiñi ti' na ni tsa lo ta scaa na. Ná tso'o si cha' cuiñi ti na ta na ji'i̱, la cui' ti ná tso'o si cha' juersa ti ta na ji'i̱; ndiya la ti' ycui' Ndyosi si tso'o ntsu'u tyiquee na ta na ji'i̱.

1 PEDRO 4:10

Nda xlya'be ti ycui' Ndyosi ñi'ya̱ taca cua'ni scaa ma̱ sca cña tso'o, lcaa ma̱ nu ngusñi ma̱ cha' ji'i̱ Jesús. Ñi'ya̱ lo'o nxtyucua ycui' Ndyosi ji'na cha' caca tya'na ti' na ji'i̱ tya'a ñati̱ na, la cui' jua'a̱ nga'a̱ cha' xtyucua na ji'i̱ ngu' lo'o cua'ni na cña nu nda Ni cha' cua'ni sa scaa na.