2 CORINTIOS 7:7 - Chatino Tataltepec

⁷ Lo'o jua'a̱ tso'o tsa cha' nu nda yu lo'o ya cuentya ji'i̱ cña nu ndyu'ni cu'ma̱; nacui̱ yu cha' cua nti' tsa cu'ma̱ ña'a̱ loo ma̱ ji'i̱ ya chaca quiya', lo'o jua'a̱ nacui̱ yu cha' ntyuju'u ti ti' ma̱ ndi'i̱ ma̱ xqui'ya cha' cuxi nu ngua ji'i̱ ma̱ tya li', nacui̱ yu cha' nga'aa ndiya ti' ma̱ cha' cuxi nu nchcui' ngu' 'na tsubi' la. Xqui'ya lcaa cha' bi', chaa la ti' na' ndi'i̱ na' juani.

2 CORINTIOS 7:7 ပူးပေါင်းရင်းမြစ်များ

SAN MATEO 26:75

Lo'o li' ndyi'u ti' Pedro cha' nu nchcui' Jesús lo'o yu tya tsa̱ la, nu lo'o ndi'ya̱ nacui̱ Jesús ji'i̱ yu: “Nu lo'o bilya xi'ya ndye'e talya juani, sna quiya' chcui' nu'u̱ lo'o ñati̱ cha' ná nslo nu'u̱ 'na”. Jua'a̱ nacui̱ Jesús tsa̱ la, bi' cha' ndu'u Pedro ndyaa yu li'; nxi'ya tsa yu ndyaa yu cha' xñi'i̱ tsa ti' yu li'.

SAN MATEO 5:4

’Lo'o jua'a̱ tso'o ntsu'u tyiquee ñati̱ masi xñi'i̱ ti' juani xqui'ya qui'ya nu ntsu'u ji'i̱, cha' ndu'ni ycui' Ni cha' caca tso'o tyiquee ñati̱ bi'.

SAN LUCAS 22:44

Nu lo'o lye tsa nchcube' Jesús, li' lye la nchcui' yu lo'o ycui' Ndyosi. Lo'o li' ntyucua jatá Jesús, ndyalú nchcua' lo yuu; ñi'ya̱ si nchcua' tañi ycui', jua'a̱ ña'a̱.

LOS HECHOS 11:23

Li' ndu'u Bernabé ndyaa yu, ndyalaa yu ca quichi̱ bi', na'a̱ yu ñi'ya̱ laca cha' tso'o nu ngua'ni ycui' Ndyosi lo'o ngu' bi'. Tso'o tsa ntsu'u tyiquee Bernabé li'. Nda yu sca cui̱i̱ lo'o taju ñati̱ ji'i̱ Jesucristo ca bi', cha' tyucui tyiquee ngu' cua'ni ngu' cña lcaa tsa̱, lcaa ña'a̱ cña nu nti' ycui' nu Xu'na na cha' cua'ni na.

ROMANOS 1:12

Tso'o si caca cua'ni na cha' caca tyatí̱ la ti' tyiquee tya'a na, cha' stu'ba ti xñi tso'o la na cha' ji'i̱ Jesús li'.

1 CORINTIOS 5:2

Lo'o ña'a̱ ti tya ndu'ni tyucuaa ti' ma̱ ji'i̱ tya'a ma̱, masi nga'a̱ cha' ca xñi'i̱ tsa ti' ma̱ xqui'ya cha' cuxi bi'. Nga'a̱ tsa cha' culo'o ma̱ ji'i̱ ñati̱ nu ngua'ni cha' cuxi bi', cha' nga'aa tya'a̱ yu stu'ba ti lo'o cu'ma̱.

2 CORINTIOS 1:4

Nu nxtyucua Ni ji'na ni, jua'a̱ ndu'ni Ni cha' tiya' la taca xtyucua na ji'i̱ xa' ñati̱, nu lo'o tyacua cua ña'a̱ ca cha' ti'í ji'i̱ ngu'; ñi'ya̱ lo'o nguxtyucua ycui' Ndyosi ji'na, la cui' jua'a̱ taca xtyucua na ji'i̱ xa' ñati̱ li'.

2 CORINTIOS 2:9

Cua laca nguscua na' quityi bi', cha' lijya̱ slo cu'ma̱, cha' ngua ti' na' quijeloo cha' 'na si chañi cha' ji'i̱ ma̱ cha' cua'ni cu'ma̱ ñi'ya̱ nu ni na' ji'i̱ ma̱ li'; ná jlo ti' na' nquicha', si tyaja'a̱ cu'ma̱ cua'ni ma̱ jua'a̱.

2 CORINTIOS 5:2

Ná tso'o nti' na ndi'i̱ na nde chalyuu, cha' xcui' quicha tsa ti' na. Chañi cha' cua nti' na tyu'utsu' na nde chalyuu, tyaa clya na ca slo ycui' Ndyosi, cha' yala la caja ni'i̱ cucui bi' ji'na li'.

2 CORINTIOS 7:6

Pana ycui' Ndyosi ni, nda la Ni juersa ji'i̱ ñati̱ nu xñi'i̱ ti ti' nga'a̱; bi' cha' xa' juersa nda Ni ji'i̱ ya cha' caca nguula la tyiquee ya, xqui'ya cha' cua ndyalaa Tito ca nde.

2 CORINTIOS 7:8

Chañi cha' ndube ti' na' cha' ngua xñi'i̱ xi ti' ma̱ xqui'ya quityi nu nguscua na' tya li', pana ná ntyuju'u ti' na'; ná tya'a̱chu̱' na' ji'i̱ cha' nu cua nguscua na' li', masi ntsu'u tsa̱ nu ntyuju'u ti' na' cha' nguscua na' cha' bi'. Jlo ti' na' cha' ngua xñi'i̱ ti' ma̱ nquicha', pana xtyi'i ti ngualo cha' bi'.

2 CORINTIOS 8:16

Tso'o tsa nti' ya lo'o nchcui' ya lo'o ycui' Ndyosi, cha' nu Tito, tya'a ndya'a̱ ya cña bi' ni, nti' tsa yu xtyucua yu ji'i̱ ma̱. Stu'ba ti nti' yu lo'o na' cha' xtyucua ya ji'i̱ cu'ma̱.

FILIPENSES 1:20

Ndi'ya̱ nti' na' cua'ni na': nti' tsa na' cha' ná caca tyuju'u ti' na' lo'o chcui' na' cha' ji'i̱ Jesús lo'o ñati̱; masi tyempo nu lijya̱ nde loo la, masi tyempo juani, tlyu caca tyiquee na' lo'o chcui' na' cha' ji'i̱ Jesús. Jua'a̱ nti' na' cua'ni na', cha' ña'a̱ ti cua'ni tlyu na' ji'i̱ Cristo, masi tya lu'ú ti na', masi cua ngujuii na'.

COLOSENSES 2:5

Masi juani ti ná ndi'i̱ na' ca su ndi'i̱ ma̱, pana lu'ba ti ndyi'u ti' na' ji'i̱ cu'ma̱. Tso'o tsa nti' na' lo'o ndyuna na' cha' tso'o tsa ngusñi ma̱ cha' ji'i̱ Cristo. Lo'o jua'a̱ tso'o tsa nti' na' cha' tso'o ti ndi'i̱ ma̱ lo'o xa' la ngu' tya'a ngusñi ma̱ cha' ji'i̱ ycui' Ndyosi.

1 TESALONICENSES 3:6

Lo'o juani tso'o tsa ntsu'u tyiquee ya xqui'ya cu'ma̱. Cua ndyalaa Timoteo ca nde chaca quiya'; cua ndacha' yu ji'i̱ ya ñi'ya̱ ndyu'ni ma̱, cha' tya ngusñi ma̱ cha' tso'o ji'i̱ ycui' Ni, cha' ntsu'u tsa tyiquee ma̱ ña'a̱ ma̱ ji'i̱ tya'a ma̱ xqui'ya ycui' nu Xu'na na. Nacui̱ yu cha' ndube tsa ti' ma̱ ji'i̱ ya, ndu̱ tsa ti' ma̱ ni jacua' tyacua tya'a na chaca quiya'. Stu'ba ti ntsu'u tyiquee na, ¿ni jacua' tyacua tya'a na lacua?

1 TESALONICENSES 3:8

bi' cha' chaa la ti' ya; nguula la ti' ya xqui'ya cu'ma̱, cha' tlyu tyiquee ma̱ cuentya ji'i̱ ycui' nu Xu'na na.

HEBREOS 2:1

Tlyu tsa cha' laca ji'i̱ Jesús juani lacua, bi' cha' nga'a̱ cha' xñi tso'o na lcaa cha' nu cua nchcui' Jesús lo'o na, cha' ná tyu'utsu' na ji'i̱ tyucui̱i̱ liñi nu ngusñi na.

SANTIAGO 5:17

Ñati̱ chalyuu ti ngua jyo'o Elías; ñi'ya̱ laca na ñati̱ chalyuu, la cui' jua'a̱ ngua yu ñati̱. Pana ngua sca quiya' nu tya'na tsa nchcui' yu lo'o ycui' Ndyosi cha' ná ca'ya tyo chalyuu bi'; lo'o li' chu̱' sna yija̱ cla'be ná ngua'ya tyo tsiya' ti.

2 JUAN 1:4

Tso'o tsa ngua ti' na' lo'o ngujui cha' 'na cha' ña'a̱ ti tya ndaquiya' tso'o xi ngu' tya'a ma̱ lcaa cha' liñi nu cua nda ycui' Ndyosi Sti na lo'o na;

JUDAS 1:3

Cu'ma̱ ngu' tya'a tso'o na nu tyaca'a tsa ma̱ 'na, nti' tsa na' scua na' quityi cha' tsaa ca slo ma̱, sca quityi nu chcui' ji'i̱ cha' tlyu nu ngua'ni Jesús cha' taca clyaá na ji'i̱ nu cuxi; pana ná ngua scua na' ji'i̱ yala ti. Lo'o nu juani nga'a̱ cha' scua na' quityi re cha' tsaa ca slo ma̱, cha' ta na' sca cui̱i̱ lo'o ma̱; nga'a̱ cha' cua'a ma̱ ji'i̱ cua ña'a̱ ca ngu' cuiñi, xqui'ya cha' ná jlya ti' ngu' ji'i̱ cha' liñi nu cua nda ycui' Ndyosi nu Xu'na na lo'o na, lcaa na nu ntsu'u cha' ji'na lo'o Jesucristo. Ná cua'a̱ jyaca̱ ma̱ tsiya' ti ji'i̱ cha' nu nchcui' ngu' cuiñi bi'.