2 CORINTIOS 7:15 - Chatino Tataltepec

¹⁵ Tya cuayá' nu tso'o la ntsu'u tyiquee Tito ña'a̱ yu ji'i̱ ma̱ juani, nu lo'o ndyi'u ti' yu ji'i̱ lcaa cu'ma̱ cha' cua ndaquiya' tsa ma̱ ji'i̱ lcaa cha' nu cua nacui̱ yu ji'i̱ ma̱; na'a̱ yu cha' ndube tsa ti' ma̱ xqui'ya cha' nu cua nda yu lo'o ma̱, lo'o jua'a̱ ná nguxtyacui ma̱ xi xa' la cha' lo'o yu li'.

2 CORINTIOS 7:15 ပူးပေါင်းရင်းမြစ်များ

SAN JUAN 16:21

Lo'o cua ndyalaa hora cha' cala sñi' sca nu cuna'a̱ ni ―nacui̱ Jesús―, ti'í tsa cña caca ji'i̱ nu cuna'a̱ bi'; pana lo'o ngula cubi' bi', li' cjlyaa ti' nu cuna'a̱ bi' cha' ti'í tsa cña bi' ji'i̱, tso'o tsa ntsu'u tyiquee cha' cua laca ngula sca ñati̱.

LOS HECHOS 16:29

Ngusi'ya nu laca loo cha' ca̱a̱ lo'o ngu' ji'i̱ quii'. Li' ndyatí̱ yu ni'i̱ chcua̱, lye tsa nchcua̱ yu lijya̱ yu li', cha' ndyutsi̱i̱ tsa yu. Ndatu̱ sti̱' yu slo Pablo lo'o Silas li'.

1 CORINTIOS 2:3

Lo'o ndyalaa na' su ndi'i̱ ma̱, nguna'a̱ tya ti' na' ndu̱ na' li'; nchcua̱ tya na' cha' ngulacua tsa ti' na' ni cha' xacui̱ ma̱ 'na li'.

2 CORINTIOS 2:9

Cua laca nguscua na' quityi bi', cha' lijya̱ slo cu'ma̱, cha' ngua ti' na' quijeloo cha' 'na si chañi cha' ji'i̱ ma̱ cha' cua'ni cu'ma̱ ñi'ya̱ nu ni na' ji'i̱ ma̱ li'; ná jlo ti' na' nquicha', si tyaja'a̱ cu'ma̱ cua'ni ma̱ jua'a̱.

2 CORINTIOS 6:12

Si'i na nga'aa nti' ya xtyucua ya ji'i̱ ma̱, la cui' cu'ma̱ laca nu lqui'ya tsa ntaja'a̱ ma̱ xtyucua ma̱ ji'i̱ ya;

EFESIOS 6:5

Cu'ma̱ ngu' msu nu ngüi'ya ñati̱ ji'i̱ ma̱ cha' cua'ni ma̱ cña ji'i̱ ngu' laja ti, cua'ni ma̱ lcaa cña nu culo xu'na ma̱ ji'i̱ ma̱ nde loyuu chalyuu. Cube xi ti' ma̱ ñi'ya̱ nu cua'ni ma̱ cña ji'i̱ ngu', cha' tyucui tyiquee ma̱ cua'ni ma̱ cña bi'; cua'ni ma̱ cña bi' ñi'ya̱ laca si cña ji'i̱ Cristo laca cña nu ndyu'ni ma̱.

FILIPENSES 1:8

Cua jlo ti' ycui' Ndyosi cha' ñi'ya̱ ntsu'u tyiquee ycui' Jesucristo ña'a̱ Ni ji'i̱ lcaa cu'ma̱, la cui' jua'a̱ ntsu'u tsa tyiquee na' ña'a̱ na' ji'i̱ cu'ma̱.

FILIPENSES 2:12

Cu'ma̱ ngu' tya'a na nu tyaca'a tsa ma̱ 'na, cua ndaquiya' tsa ma̱ ji'i̱ cha' nu nchcui' na' lcaa tsa̱ lo'o nguti'i̱ na' lo'o ma̱; ña'a̱ ti tya ndulo tsa cha' ji'i̱ ma̱ cha' taquiya' la ma̱ ji'i̱ cha' nu nchcui' na', masi tyijyu' tsa nga'a̱ na' ca su ndi'i̱ ma̱ juani. Ña'a̱ ti cua'ni cña ti' ma̱ cha' caca lyiji lcaa cha' nu ngua ti' ycui' Ndyosi cua'ni Ni ne' cresiya ji'i̱ ma̱ lo'o ngua'ni lyaá Jesucristo ji'i̱ ma̱. Xti ti cha' tyu'u tyiquee ma̱ cuentya ji'i̱ ycui' ma̱, pana cube la ti' ma̱ ji'i̱ ycui' Ndyosi.

COLOSENSES 3:12

Ñati̱ ji'i̱ ycui' Ndyosi laca cu'ma̱ lacua; na cua ngusubi Ni ji'i̱ ma̱, xqui'ya cha' ntsu'u tsa tyiquee Ni ña'a̱ Ni ji'i̱ ma̱. Bi' cha' ntsu'u cha' cua'ni tya'na ti' ma̱ ji'i̱ xa' ñati̱; tso'o ti cua'ni ma̱ lo'o ngu', ni ná cua'ni tyucuaa ti' ma̱ lo'o ngu', masi tiya' ti chcui' ma̱ lo'o ngu', jua'a̱ talo tsa tyiquee ma̱ ji'i̱ ngu'.

2 TESALONICENSES 3:14

Ñati̱ nu ná ntaja'a̱ taquiya' ji'i̱ lcaa cha' nu nscua ya lo quityi re ni, cui'ya ma̱ cuentya tilaca laca ngu' bi'; li' nga'aa tya'a̱ ma̱ stu'ba ti lo'o ngu' bi', cha' jua'a̱ caca tyuju'u ti' ngu'.

1 JUAN 3:17

Ntsu'u ngu' tya'a na nu nga'aa ntsu'u na nu lyiji ji'i̱ ngu' tsiya' ti cha' tyiji̱ yu'u ji'i̱ ngu' chalyuu. Si jua'a̱ tso'o ti ndi'i̱ na, lo'o li' ña'a̱ na ji'i̱ tya'a na nu ntsu'u na nu lyiji ji'i̱ ngu', pana ná ntaja'a̱ na cua'ni tya'na ti' na ji'i̱ tya'a na, li' ná taca ji'na ñacui̱ na cha' ntsu'u tyiquee na ña'a̱ na ji'i̱ ycui' Ndyosi, cha' nu ycui' Ndyosi ni, ntsu'u tsa tyiquee Ni ña'a̱ Ni ji'na.