2 CORINTIOS 7:14 - Chatino Tataltepec

¹⁴ Lo'o tya ndi'i̱ yu ca slo na', cua ni na' ji'i̱ yu cha' tso'o tsa ngusñi ma̱ cha' ji'i̱ Jesús, lo'o jua'a̱ chañi tsa cha' bi'. La cui' jua'a̱ lcaa quiya' lo'o nchcui' ya, chañi tsa laca cha' ji'i̱ Jesús nu nchcui' ya lo'o ma̱; lo'o jua'a̱ chañi ngua cha' nu ni na' ji'i̱ Tito, cha' tso'o ti nti' ycui' ya ña'a̱ ya ji'i̱ ma̱.

2 CORINTIOS 7:14 ပူးပေါင်းရင်းမြစ်များ

SAN JUAN 17:19

Lo'o juani ta na' tyucui ña'a̱ ycui' ca na' cuentya ji'i̱ ñati̱ bi', cha' cua'ni na' lcaa cña nu nti' nu'u̱ cha' cua'ni na' ―nacui̱―. Lo'o jua'a̱ lcaa ñati̱ nu ngusñi cha' jinu'u̱ ni, nti' na' cha' cha'a̱ cresiya ji'i̱ ngu', cha' ta nu'u̱ cha' liñi nu tyanu ne' cresiya ji'i̱ ngu' cuentya jinu'u̱.

2 CORINTIOS 10:8

Cua nchcui' tsa na' lo'o ma̱ cha' cua nda ycui' nu Xu'na na chacuayá' ji'i̱ ya, nu lo'o ndya'a̱ ya slo cu'ma̱; lo'o jua'a̱ ná nchca tyuju'u ti' na' masi nchcui' na' jua'a̱ lo'o ma̱. Cua lo'o chacuayá' ji'i̱ ycui' Ndyosi ndya'a̱ ya, cha' taca tyatí̱ la ti' tyiquee ma̱ cha' ji'i̱ Ni; si'i na cua'ni ñu'u̱ lyiji ya ji'i̱ ma̱.

2 CORINTIOS 12:6

Ni si'i na tonto laca na' cha' nchcui' tsa na' ji'i̱ ycui' ca ti na' jua'a̱, cha' liñi laca nu nda na' lo'o ma̱ juani. Pana nga'aa nti' na' chcui' na' quiña'a̱ la cha' lo'o ma̱ juani, cha' ná nti' na' cha' cua'ni chi̱ ngu' loo na' si bilya ña'a̱ ngu' ñi'ya̱ ndyu'ni na', si bilya cuna ngu' cha' nu nda na'; tsa ña'a̱ cuayá' nu ndyuloo ti ngu' 'na, jua'a̱ ti taca cua'ni chi̱ ngu' loo na' nti' na'.

2 CORINTIOS 2:13

Pana ná ndalo na' ca bi', cha' ngulacua tsa ti' na' ni cha' laca bilya tyalaa Tito tya'a ndya'a̱ ya cña slo na'; bi' cha' yala ti ngusalya' na' lo'o ngu' quichi̱ bi'. Li' tya ndyaa la na' nde loyuu su cuentya Macedonia.

2 CORINTIOS 7:13

Lo'o nu juani tso'o la nti' ya cuentya ji'i̱ cu'ma̱. Tso'o ti nti' ycui' ya lacua; lo'o jua'a̱ lye la chaa ti' ya juani cha' cua na'a̱ ya ji'i̱ Tito, cha' tso'o tsa ngua ti' yu. Ca ta'a cu'ma̱ ngua'ni ma̱ cha' ti̱ ti cresiya ji'i̱ yu ndyalaa yu juani.

2 CORINTIOS 7:4

Tso'o tsa nti' na' lo'o ndyi'u ti' na' ji'i̱ cu'ma̱, la cui' jua'a̱ nti' na' lo'o nchcui' na' cha' ji'i̱ ma̱ lo'o xa' ñati̱. Ña'a̱ ti ndyaca tlyu tyiquee na', ña'a̱ ti chaa ti ti' na' ndi'i̱i̱, masi cua ngua lcaa cha' ti'í bi' ji'i̱ ya.

2 CORINTIOS 7:6

Pana ycui' Ndyosi ni, nda la Ni juersa ji'i̱ ñati̱ nu xñi'i̱ ti ti' nga'a̱; bi' cha' xa' juersa nda Ni ji'i̱ ya cha' caca nguula la tyiquee ya, xqui'ya cha' cua ndyalaa Tito ca nde.

2 CORINTIOS 8:24

Bi' cha' chcui' tso'o ma̱ lo'o ngu' bi' lacua, cha' ca cuayá' ti' xa' la ngu' tya'a na cha' chañi cha' ntsu'u tyiquee ma̱ ña'a̱ ma̱ ji'i̱ Tito lo'o tya'a ndya'a̱ yu. Lo'o jua'a̱ tso'o tsa nti' ya lo'o ña'a̱ ya ñi'ya̱ nu ndyu'ni ma̱ lo'o ngu' bi'. Ca tiya' la li' caja cha' bi' ji'i̱ lcaa taju ñati̱ nu cuentya ji'i̱ Cristo bi'.

FILIPENSES 1:26

Lo'o ca̱a̱ na' cha' tyi'i̱ na' slo ma̱ chaca quiya', li' tso'o tsa caca tyiquee ma̱ cuentya ji'i̱ Jesucristo xqui'ya na'.

2 TESALONICENSES 1:4

Tso'o tsa li'. Tso'o tsa ntsu'u tyiquee ya xqui'ya cu'ma̱, bi' cha' nda ya cha' ji'i̱ ma̱ lo'o lcaa taju ngu' tya'a ntsu'u cha' ji'na lo'o ycui' Ndyosi. Nacui̱ ya ji'i̱ ngu' cha' tso'o tsa ndyu'ni ma̱, cha' tlyu tsa tyiquee ma̱ xqui'ya ycui' Ndyosi, masi ndyiji tsa cha' ti'í ji'i̱ ma̱, masi lye tsa ndyu'ni lya' ti' ngu' ji'i̱ ma̱. Tso'o tsa cha' ndalo tyiquee ma̱ ji'i̱ ngu', masi cuxi tsa ndyu'ni ngu' bi' lo'o ma̱ jua'a̱.