2 CORINTIOS 7:13 - Chatino Tataltepec

¹³ Lo'o nu juani tso'o la nti' ya cuentya ji'i̱ cu'ma̱. Tso'o ti nti' ycui' ya lacua; lo'o jua'a̱ lye la chaa ti' ya juani cha' cua na'a̱ ya ji'i̱ Tito, cha' tso'o tsa ngua ti' yu. Ca ta'a cu'ma̱ ngua'ni ma̱ cha' ti̱ ti cresiya ji'i̱ yu ndyalaa yu juani.

2 CORINTIOS 7:13 ပူးပေါင်းရင်းမြစ်များ

ROMANOS 12:15

Cua'ni chaa ti' ma̱ lo'o xa' ñati̱, nu lo'o ña'a̱ ma̱ ji'i̱ ngu' cha' chaa ti' ngu' ndi'i̱ ngu'; lo'o jua'a̱ tso'o si caca xñi'i̱ ti' ma̱ lo'o ngu', nu lo'o ña'a̱ ma̱ cha' xñi'i̱ ti ti' ngu' ndi'i̱ ngu'. Cua'ni ma̱ cha' caca stu'ba tyiquee ma̱ lo'o xa' ñati̱.

ROMANOS 15:32

Lo'o jua'a̱ jña ma̱ cha' ji'i̱ Ni, cha' tso'o ti caca tyiquee na' lo'o tyalaa na' ca su ndi'i̱ ma̱, cha' xa' caca nguula ti' tyiquee na' nu lo'o tyi'i̱ na' lo'o ma̱, si jua'a̱ nti' Ni cha' caca.

1 CORINTIOS 12:26

Lo'o quicha xi sca tyijya̱ na, tyucui ña'a̱ na ti'í li'; lo'o ndaca'a na ji'i̱ sca tyijya̱ na, tyucui ña'a̱ na tso'o nti' na li'. (La cui' jua'a̱ laca ma̱, tyucui ña'a̱ tsaca taju cu'ma̱ nu cua ngusñi cha' ji'i̱ Cristo).

1 CORINTIOS 16:13

Tii ti ti' ma̱ tyi'i̱ ma̱ chalyuu. Xñi tso'o ma̱ cha' ji'i̱ Jesús. Cua'ni tlyu tyiquee ma̱, ná cutsi̱i̱ ma̱.

1 CORINTIOS 16:18

cua ngua'ni ngu' bi' cha' nguula la ti' tyiquee na', la cui' ñi'ya̱ nu ngua'ni ngu' bi' lo'o cu'ma̱. Nga'a̱ cha' taquiya' ma̱ ji'i̱ lcaa ñati̱ nu ndyu'ni cña jua'a̱.

2 CORINTIOS 2:13

Pana ná ndalo na' ca bi', cha' ngulacua tsa ti' na' ni cha' laca bilya tyalaa Tito tya'a ndya'a̱ ya cña slo na'; bi' cha' yala ti ngusalya' na' lo'o ngu' quichi̱ bi'. Li' tya ndyaa la na' nde loyuu su cuentya Macedonia.

2 CORINTIOS 2:3

cha' jua'a̱ ngua cha' nu nguscua na' lo quityi bi' tya tsubi' la. Ná nti' na' tsa'a na' slo cu'ma̱ nquicha'; ná tyiquee' cua'ni ma̱ cha' ca xñi'i̱ ti' na', ngua ti' na'. Pana tso'o la si tso'o ti caca tyiquee na', cha' jua'a̱ si tso'o ntsu'u tyiquee na', lo'o cu'ma̱ tso'o ti caca tyiquee ma̱ li', ngua ti' na'.

2 CORINTIOS 7:14

Lo'o tya ndi'i̱ yu ca slo na', cua ni na' ji'i̱ yu cha' tso'o tsa ngusñi ma̱ cha' ji'i̱ Jesús, lo'o jua'a̱ chañi tsa cha' bi'. La cui' jua'a̱ lcaa quiya' lo'o nchcui' ya, chañi tsa laca cha' ji'i̱ Jesús nu nchcui' ya lo'o ma̱; lo'o jua'a̱ chañi ngua cha' nu ni na' ji'i̱ Tito, cha' tso'o ti nti' ycui' ya ña'a̱ ya ji'i̱ ma̱.

2 CORINTIOS 7:15

Tya cuayá' nu tso'o la ntsu'u tyiquee Tito ña'a̱ yu ji'i̱ ma̱ juani, nu lo'o ndyi'u ti' yu ji'i̱ lcaa cu'ma̱ cha' cua ndaquiya' tsa ma̱ ji'i̱ lcaa cha' nu cua nacui̱ yu ji'i̱ ma̱; na'a̱ yu cha' ndube tsa ti' ma̱ xqui'ya cha' nu cua nda yu lo'o ma̱, lo'o jua'a̱ ná nguxtyacui ma̱ xi xa' la cha' lo'o yu li'.

2 CORINTIOS 7:6

Pana ycui' Ndyosi ni, nda la Ni juersa ji'i̱ ñati̱ nu xñi'i̱ ti ti' nga'a̱; bi' cha' xa' juersa nda Ni ji'i̱ ya cha' caca nguula la tyiquee ya, xqui'ya cha' cua ndyalaa Tito ca nde.

FILIPENSES 2:28

Bi' cha' tso'o tsa nti' na' juani si yala ti ca̱a̱ yu ca slo cu'ma̱, cha' lo'o cu'ma̱ caca chaa tsa ti' ma̱, nu lo'o ña'a̱ ma̱ ji'i̱ yu chaca quiya'. Nga'aa culacua tsa ti' na' cuentya ji'i̱ cu'ma̱ li'.

2 TIMOTEO 1:16

Sca ti yu Onesíforo ni, nguxtyucua tsa yu bi' 'na; ná ngua tyuju'u ti' yu cha' ntsu'u na' ne' chcua̱, pana ndyaa yu ndyaa na'a̱ yu 'na ca bi'. Bi' cha' nti' na' cha' cua'ni tya'na ti' ycui' Ndyosi ji'i̱ yu, lo'o jua'a̱ ji'i̱ lcaa ngu' nu ndi'i̱ slo yu bi'.

FILEMÓN 1:20

Tya'a na laca yu chacuayá' ji'i̱ Jesucristo, bi' cha' ñi'ya̱ nu ngüijña na' jinu'u̱ tsa̱ cha' tso'o ti chcui' nu'u̱ lo'o yu, jua'a̱ cua'ni nu'u̱ lo'o yu, cha' jua'a̱ taca xtyucua nu'u̱ 'na cha' talo na' ca nde.

FILEMÓN 1:7

Tso'o tsa tyiquee na' juani, tlyu tyiquee na' xqui'ya nu'u̱, lo'o ngujui cha' 'na cha' ntsu'u tsa tyiquee nu'u̱ ña'a̱ nu'u̱ ji'i̱ ngu' tya'a na, cha' nxtyucua tsa nu'u̱ ji'i̱ ngu' tya'a na cha' talo tyiquee ngu'. Chañi cha' tya'a na cuentya ji'i̱ Jesucristo laca nu'u̱.

1 PEDRO 3:8

Lcaa cu'ma̱ ni, nga'a̱ cha' caca stu'ba tyiquee ma̱ lo'o tya'a ma̱, cha' tya'a ngusñi ma̱ cha' ji'i̱ Cristo laca ma̱; nga'a̱ cha' cube ti' ma̱ ji'i̱ tya'a ma̱, nga'a̱ cha' cua'ni tyaca'a ma̱ ji'i̱ lcaa tya'a ma̱. Lo'o jua'a̱ cua'ni tya'na ti' ma̱ ji'i̱ tya'a ma̱, ná cua'ni liye' ti' ma̱ ña'a̱ ma̱ ji'i̱ ngu' bi'.