2 CORINTIOS 6:8 - Chatino Tataltepec

⁸ Ntsu'u quiya' nu ndu'ni chi̱ ngu' loo ya; xa' la tyempo, li' nchcui' ngu' cha' ti'í ji'i̱ ya. Nchcui' ngu' cha' tso'o ji'i̱ ya, lo'o jua'a̱ nchcui' ngu' cha' cuxi ji'i̱ ya. Nchcui' ngu' cha' nu cuiñi tsa ya; xa' la tyempo, li' nchcui' ngu' cha' liñi tsa cha' nu nchcui' ya.

2 CORINTIOS 6:8 ပူးပေါင်းရင်းမြစ်များ

SAN MATEO 10:25

Sca ti cuayá' cha' ti'í caca ji'i̱ ngu' cuañi' bi' li', ñi'ya̱ nu ndyaca ji'i̱ mstru ji'i̱ ngu'; sca ti cuayá' cña ti'i̱ caca ji'i̱ msu bi' li', ñi'ya̱ nu ndyaca ji'i̱ xu'na ngu'. Bi' cha' taca ca cuayá' ti' ma̱ cha' ti'í tsa chcui' ngu' ji'i̱ ma̱ nu ntsu'u cha' ji'i̱ ma̱ lo'o na', cha' laca̱ nu Xu'na ma̱; cua nchcui' ngu' cha' Beelzebú nu xu'na cuiñaja laca na'.

SAN MATEO 22:16

Li' ngulo ngu' bi' cña ji'i̱ xi ngu' cuañi' nu ndyaca tsa'a̱ cha' ji'i̱ ngu' fariseo, cha' chcui' cuayá' ngu' cuañi' bi' lo'o Jesús, ngua ti' ngu'. Li' ndyaa ngu' bi' slo Jesús lo'o xi xa' la ñati̱ nu ndya'a̱ lo'o taju ngu' nu cuentya ji'i̱ rey Herodes. ―Mstru ―nacui̱ nu ngu' cuañi' bi' ji'i̱ Jesús li'―, jlo ti' ya cha' liñi tsa ndu'ni nu'u̱; la cui' cha' liñi nu ntsu'u ji'i̱ ycui' Ndyosi, bi' ti cha' laca nu nclu'u nu'u̱ ji'i̱ ngu'. Ná ndube ti' nu'u̱ ñi'ya̱ ndañi cha' nu nchcui' ngu' jinu'u̱; sca ti cuayá' nti' nu'u̱ ña'a̱ nu'u̱ ji'i̱ lcaa ñati̱, masi ngu' ti'i, masi ngu' tonu.

SAN MATEO 27:63

Nchcui' ngu' lo'o li': ―Cusu' ―nacui̱ ngu' ji'i̱ nu Pilato bi'―, ntsu'u ti' ya ji'i̱ cha' nu cua nchcui' nu cuiñi bi' lo'o tya lu'ú yu: “Tyu'u scua sna tsa̱, li' tyu'ú na' chaca quiya'”, nacui̱ yu.

SAN MARCOS 12:14

Lo'o cua ndyalaa ngu' slo yu, li' nchcui' ngu' lo'o yu: ―Mstru ―nacui̱ ngu' ji'i̱ Jesús―, jlo ti' ya cha' liñi tsa ndu'ni nu'u̱; la cui' cha' liñi nu ntsu'u ji'i̱ ycui' Ndyosi, bi' ti cha' laca nu nclu'u nu'u̱ ji'i̱ ngu'. Ná ndube ti' nu'u̱ ñi'ya̱ cha' nu nchcui' ngu' jinu'u̱. Sca ti cuayá' nti' nu'u̱ ña'a̱ nu'u̱ ji'i̱ lcaa ñati̱, masi ngu' ti'i, masi ngu' tonu. Tyu'u cha' clyu ti' jinu'u̱, ¿ha tso'o si ta na cñi cña loo na cuentya ji'i̱ rey tlyu nu ndi'i̱ xa' tsu' bi'? ―nacui̱ ngu'―. ¿Ha ndu'ni tsa cha' ta na cñi bi' ji'i̱ ngu'? ¿Ha ná tso'o la masi ná ta na cñi bi' tsiya' ti?

SAN JUAN 7:12

Quiña'a̱ tsa cha' nda ngu' quichi̱ bi' lo'o tya'a ngu' cuentya ji'i̱ Jesús. Ntsu'u ngu' nu nchcui' ndi'ya̱: “Tso'o tsa ñati̱ bi'”. Lo'o ntsu'u xi xa' la ngu' nu ndu'ni: “Si'i. Xcui' cha' cuiñi nda yu, na ñilo'o ti yu ji'i̱ ngu'”.

LOS HECHOS 10:22

―Cua ngulo nu cusu' Cornelio cña ji'i̱ ya cha' ca̱a̱ ya ca nde ―nacui̱ ngu' ji'i̱ Pedro―. Tso'o tsa tyiquee nu Cornelio bi', ndu'ni tlyu yu ji'i̱ ycui' Ndyosi, lo'o jua'a̱ tso'o tsa nchcui' lcaa ngu' judío tya'a nu'u̱ ji'i̱ nu cusu' bi'. Cua ndacha' xca̱ ji'i̱ ycui' Ndyosi ji'i̱ Cornelio cha' ta yu ji'i̱ ya ca̱a̱ ya ca nde, ca̱qui'ya ya jinu'u̱ cha' tsaa na ca slo nu cusu' bi', ca quichi̱ Cesarea. Ntsu'u cha' cuna ycui' Cornelio cua ña'a̱ ca cha' nu chcui' nu'u̱ lo'o.

LOS HECHOS 16:39

Hora ti ndyaa ycui' bese ca to' ni'i̱ chcua̱ li': ―Cusu' ―nacui̱ bese bi' ji'i̱ Pablo lo'o Silas―, cui'ya ma̱ cha' clyu ti' ji'i̱ ya ―nacui̱. Ngulaá ngu' ji'i̱ Pablo lo'o Silas li'. ―Cua'ni ma̱ cha' tso'o tyaa ma̱ chaca quichi̱ ―nacui̱ ngu' ji'i̱ Pablo lo'o Silas.

LOS HECHOS 22:12

’Ndi'i̱ sca nu cusu' nu naa Ananías quichi̱ bi', nu ndaquiya' tsa ji'i̱ lcaa cha' nu nguscua jyo'o Moisés lo quityi sa'ni. Lcaa ngu' judío tya'a na nu ndi'i̱ quichi̱ Damasco ni, nchcui' ngu' cha' tso'o tsa tyiquee nu Ananías bi'.

LOS HECHOS 24:5

Cua lijya̱ ya ca nde cha' cacha' liñi ya jinu'u̱ lcaa ña'a̱ cña cuxi nu ngua'ni yu re. Nslo ya ji'i̱ yu re cha' suba' tsa nchcui' yu, lya' tsa ti' yu. Nsu'ba yu cha' cusu̱u̱ ji'i̱ ñati̱ lcaa quichi̱ su ndya'a̱ yu slo ngu' judío tya'a ya, cha' yu re laca loo ji'i̱ taju ngu' nazareno.

LOS HECHOS 28:22

Nti' ya cuna ya tyucui ña'a̱ cha' nu ntsu'u cha' ta nu'u̱ lo'o ya cuentya ji'i̱ tyucui̱i̱ cucui bi', cha' jlo ti' ya cha' lcaa quichi̱ ntsu'u ngu' nu ñasi̱' tsa ji'i̱ ngu' nu cua ngusñi tyucui̱i̱ bi'.

LOS HECHOS 4:21

Ngua ti' ngu' cusu' xcutsi̱i̱ ngu' ji'i̱ Pedro lo'o Juan, bi' cha' chaca quiya' lye la nchcui' ngu' cusu' bi' lo'o ngu'. Lo'o li' nda ngu' cusu' chacuayá' cha' tyaa ngu' laja ti; ná ngua ji'i̱ ngu' nu laca loo xcube' ngu' ji'i̱ Pedro lo'o ji'i̱ Juan, cha' ndyutsi̱i̱ ngu' cusu' bi' ji'i̱ ngu' quichi̱, cha' nu ngu' quichi̱ ni, lye tsa ndya xlya'be ngu' ji'i̱ ycui' Ndyosi cha' ngua tso'o yu quicha quiya' bi'.

LOS HECHOS 5:13

Xa' la ngu' quichi̱ ni, ndyutsi̱i̱ tsa ngu'; ná ndya'a̱ ngu' slo ngu' bi', masi tso'o tsa nchcui' ngu' ji'i̱ lcaa ñati̱ nu ntsu'u cha' ji'i̱ lo'o Jesucristo.

LOS HECHOS 6:3

Cu'ma̱ ngu' tya'a na, tso'o la si subi ma̱ tya chcati tya'a ngu' tya'a ma̱ nu caca cña bi', cha' stu'ba ti xtyucua ngu' ji'i̱ lcaa ngu' ti'i tya'a na. Nga'a̱ cha' caca ngu' bi' ñati̱ nu tso'o tsaa nchcui' ngu' ji'i̱, ñati̱ nu nclyacua tso'o ti', ñati̱ nu ntsu'u Xtyi'i ycui' Ndyosi ne' cresiya ji'i̱ cha' ta la juersa ji'i̱, cha' taca cña'a̱si̱i̱ tso'o ngu' lcaa na nu ntsu'u ji'na. Tso'o si jua'a̱ laca ñati̱ nu cua'a̱ lo ma̱ cña ji'i̱ cha' caca ngu' cña bi'.

ROMANOS 3:8

La cui' ti ná tso'o laca cha' cua'ni la na cha' cuxi cha' caca tso'o la cha' ji'na nde loo la; pana ntsu'u ngu' nu ñilo'o ji'i̱ tya'a ngu' lo'o nchcui' ngu' cha' jua'a̱ laca cha' cuxi nu nchcui' ya. Liñi tsa cua'ni ycui' Ndyosi lo'o xcube' Ni ji'i̱ ngu' nu nchcui' cha' cuiñi ji'na jua'a̱.

2 CORINTIOS 1:18

Cua jlo ti' ycui' Ndyosi cha' ná nchcui' ya tucua cha' lo'o cu'ma̱, ñi'ya̱ si nacui̱ ya cha' jua'a̱ laca, lo'o li' nacui̱ ya cha' si'i jua'a̱. Ná ndu'ni ya jua'a̱,

2 CORINTIOS 11:21

Lo'o li' nacui̱ ma̱ cha' ná ngulo tso'o ya cña ji'i̱ ma̱. ¡Chañi cha' ná ngua'ni tyaala ya ji'i̱ cu'ma̱ ñi'ya̱ nu ndyu'ni nu ñati̱ bi'! Tso'o lacua, chcui' na' xi cha' ji'i̱ ycui' ca ti na', masi cha' tonto ti ndyu'ni na' jua'a̱; si'i ngu' bi' ti nu ntsu'u chacuayá' chcui' ngu' ji'i̱ ycui' ca ngu'.

2 CORINTIOS 12:16

Ná quiña'a̱ tsa cñi nguliji ma̱ lo na' li'; pana ña'a̱ ti tya ntsu'u xi ngu' tya'a ma̱ nu nchcui' cha' cua nguñilo'o na' ji'i̱ ma̱ cha' cua'ni na' ngana ji'i̱ ma̱.

2 CORINTIOS 4:2

Cua nguxtyanu ya ji'i̱ lcaa cha' cuxi nu ndyu'ni ngu' cuaana ti, lcaa cha' nu ntyuju'u tsa ti' ngu' cua'ni ngu' ji'i̱. Si'i na nñilo'o ya ji'i̱ ngu', la cui' jua'a̱ ná nchcutsa'a̱ ya cha' ji'i̱ ycui' Ndyosi lo'o xi xa' la cha', nu lo'o nchcui' ya cha' bi' lo'o ngu'; tso'o ti nclyu'u ya tyucui cha' ji'i̱ Jesús ji'i̱ ngu'. Lo'o jua'a̱ chañi tsa laca cha' bi', cha' jua'a̱ caca cuayá' ti' lcaa ñati̱ cha' tyucui tyiquee ya ndu'ni ya cña ji'i̱ ycui' Ndyosi; jua'a̱ nti' ycui' Ni ña'a̱ Ni ji'i̱ ya.

1 TESALONICENSES 2:3

Si'i cha' cuiñi ngulu'u ya ji'i̱ ma̱ nu ngua li', si'i na cuxi tyiquee ya ña'a̱ ya ji'i̱ ma̱, ni si'i na nñilo'o ya ji'i̱ ma̱.

1 TIMOTEO 3:7

Nu ñati̱ nu caca loo bi' ni, tso'o si caca yu sca ñati̱ nu nchcui' ngu' quichi̱ ji'i̱ yu cha' tso'o ti ndu'ni yu, masi ngu' nu ná ndaquiya' cha' ji'i̱ Jesucristo tsiya' ti chcui' ngu' jua'a̱ ji'i̱ yu. Lo'o li' ná caca chcui' ngu' cuentyu ji'i̱ yu bi', ná caca cojolaqui nu xña'a̱ ji'i̱ yu bi', cha' cua'ni yu cha' cuxi.

1 TIMOTEO 4:10

Jlya ti' na ji'i̱ ycui' Ndyosi nu lu'ú ca; bi' cha' lye cua'ni na cña ji'i̱ Ni, masi lya' tsa ti' ngu' ji'na. Lo'o ycui' Ndyosi ni, cua'ni lyaá Ni ji'i̱ lcaa ñati̱ si taquiya' ngu' ji'i̱ Ni. Lo'o xñi na cha' ji'i̱ Ni, li' ca cuayá' tso'o la ti' na cha' bi'.

HEBREOS 13:13

Lo'o jua'a̱ na, tso'o si ná cutsi̱i̱ na, masi tsalo'o ngu' ji'na cha' xcube' ngu' ji'na cuentya ji'i̱ Jesús; stu'ba ti caca ji'na nde chalyuu, ñi'ya̱ nu ngua ji'i̱ Jesús lo'o lya' tsa ti' ngu' ji'i̱ yu.

1 PEDRO 4:14

Nu lo'o nchcui' ngu' cha' ti'í ji'i̱ ma̱ xqui'ya Cristo, ca tso'o tyiquee ma̱ cha' ndi'i̱ Xtyi'i ycui' Ndyosi lo'o ma̱, lo'o jua'a̱ tlyu tsa cha' tso'o ntsu'u ji'i̱ ycui' Ni. Nchcui' ngu' bi' cha' cuxi ji'i̱ ycui' Ndyosi; pana cu'ma̱ ni, tso'o tsa si tya cua'ni tlyu ma̱ ji'i̱ Ni.

3 JUAN 1:12

Tso'o tsa nchcui' lcaa ñati̱ ji'i̱ Demetrio; masi ycui' ca na, lo'o ña'a̱ na ji'i̱ yu nchca cuayá' ti' na cha' tso'o tsa ndyu'ni yu lo'o lcaa ñati̱. Jua'a̱ cuare, nchcui' ya lo'o ma̱ juani cha' chañi tsa cha' nu nchcui' ngu' ji'i̱ yu cha' tso'o tsa tyiquee yu. Cua jlo tso'o ti' ma̱ cha' nchcui' ya cha' liñi lo'o ma̱.

APOCALIPSIS 3:9

Ntsu'u xi taju ñati̱ nu cuiñi ti nda cha' lo'o tya'a ngu' cha' ñati̱ jna' laca ngu'; liñi la ñacui̱ na cha' ntsu'u cha' ji'i̱ ngu' bi' lo'o Satanás. Ca tiya' la xi cuane na' ji'i̱ ngu' bi', cha' tya̱a̱ ngu' ca slo cu'ma̱, tyu̱ sti̱' ngu' slo ma̱ cha' cua'ni tlyu ngu' ji'i̱ ma̱ li'; caca cuayá' ti' ngu' jua'a̱ cha' tyaca'a tsa cu'ma̱ 'na.