Li' ndu'u ngu' nu ngua tsa'a̱ ji'i̱, ndyaa ngu' lcaa quichi̱ cha' chcui' ngu' cha' ji'i̱ Jesús lo'o xa' ñati̱. Nxtyucua tsa nu Xu'na na ji'i̱ nu ngu' nu ngua tsa'a̱ ji'i̱, hasta ngua cuayá' tso'o ti' ngu' lcaa quichi̱ su ndyaa ngu' bi', cha' chañi tsa cha' nu nchcui' ngu' cuentya ji'i̱ ycui' Ndyosi; ngua cuaya' ti' ngu' quichi̱ bi' lo'o na'a̱ ngu' cha' tonu nu ngua'ni ngu' bi' chacuayá' ji'i̱ ycui' Ndyosi. Tsa lo cua ti cha'.
2 CORINTIOS 6:7 - Chatino Tataltepec7 liñi tsa cha' ji'i̱ ycui' Ndyosi nu nchcui' ya lo'o ñati̱, lo'o jua'a̱ tyucui chacuayá' ji'i̱ ycui' Ndyosi nda Ni nu ndya'a̱ lo'o ya. Bi' cha' nu lo'o ña'a̱ ngu' lcaa cha' nu ndyaca ji'i̱ ya, li' taca ca cuayá' ti' ngu' cha' cña ji'i̱ ycui' Ndyosi laca nu ndya'a̱ ya lo'o. Na cua ngua tso'o cresiya ji'i̱ ya juani cuentya ji'i̱ ycui' Ni, bi' cha' cua ngujui juersa ji'i̱ ya cha' taca xu̱u̱ tya'a ya lo'o nu xña'a̱; jua'a̱ taca cua'a ya ji'i̱ nu bi', cha' ná cua'ni ñu'u̱ nu bi' ji'i̱ ya. အခန်းကိုကြည့်ပါ။ |
2 CORINTIOS 6:7
27 ပူးပေါင်းရင်းမြစ်များ
Chañi tsa cha' ndye juersa ji'i̱ Cristo nu lo'o ndyujuii ngu' ji'i̱, lo'o ngujui'i̱ ca'a̱ ngu' ji'i̱ lo crusi; pana tlyu tsa cña ngua'ni ycui' Ndyosi cuentya ji'i̱ yu, bi' cha' laca cha' ña'a̱ ti tya lu'ú yu juani. Ñi'ya̱ nti' Cristo, cha' ná nguxlyú cha' hichu̱' ñati̱ nu ndyujuii ji'i̱, la cui' jua'a̱ cuare, si'i na lye tsa nclyo ya cña ji'i̱ cu'ma̱ nquicha'; pana juani caca cuayá' ti' ma̱ cha' ña'a̱ ti tya lu'ú ya xi, cha' la cui' chacuayá' ji'i̱ ycui' Ndyosi ndya'a̱ lo'o ya lijya̱ ya, la cui' tya'a chacuayá' nu ntsu'u ji'i̱ Cristo.
Cua nguxtyanu ya ji'i̱ lcaa cha' cuxi nu ndyu'ni ngu' cuaana ti, lcaa cha' nu ntyuju'u tsa ti' ngu' cua'ni ngu' ji'i̱. Si'i na nñilo'o ya ji'i̱ ngu', la cui' jua'a̱ ná nchcutsa'a̱ ya cha' ji'i̱ ycui' Ndyosi lo'o xi xa' la cha', nu lo'o nchcui' ya cha' bi' lo'o ngu'; tso'o ti nclyu'u ya tyucui cha' ji'i̱ Jesús ji'i̱ ngu'. Lo'o jua'a̱ chañi tsa laca cha' bi', cha' jua'a̱ caca cuayá' ti' lcaa ñati̱ cha' tyucui tyiquee ya ndu'ni ya cña ji'i̱ ycui' Ndyosi; jua'a̱ nti' ycui' Ni ña'a̱ Ni ji'i̱ ya.
Lo'o tya ndi'i̱ yu ca slo na', cua ni na' ji'i̱ yu cha' tso'o tsa ngusñi ma̱ cha' ji'i̱ Jesús, lo'o jua'a̱ chañi tsa cha' bi'. La cui' jua'a̱ lcaa quiya' lo'o nchcui' ya, chañi tsa laca cha' ji'i̱ Jesús nu nchcui' ya lo'o ma̱; lo'o jua'a̱ chañi ngua cha' nu ni na' ji'i̱ Tito, cha' tso'o ti nti' ycui' ya ña'a̱ ya ji'i̱ ma̱.
Lo'o li' la cui' jua'a̱ ndyaca lo'o cu'ma̱. Clyo ndyuna ma̱ cha' liñi bi' ji'i̱ Cristo; tso'o tsa ngua ti' ma̱ lo'o ndacha' ngu' cha' bi' ji'i̱ ma̱, cha' cua ngua'ni lyaá Ni ji'i̱ ma̱ ya' nu cuxi. Ngusñi ma̱ cha' ji'i̱ Cristo li', lo'o li' nda Ni Xtyi'i ycui' Ni cha' tyanu ne' cresiya ji'i̱ ma̱, ñi'ya̱ si na cua ngusta Ni cuayá' nu ji'i̱ ycui' ca Ni hichu̱' ma̱ cha' laca ma̱ ñati̱ ji'i̱ Ni; la cui' cña nu nacui̱ Ni cha' cua'ni Ni, cua laca ngua'ni Ni li'.
Tso'o lacua. Chcui' na cha' tlyu tsa laca ycui' Ndyosi. Nchca tsa ji'i̱ Ni, hasta nde loo la ndu'ni Ni cuentya ji'i̱ lcaa cha' nu ndijña na ji'i̱ Ni; ná nchca ca cuayá' ti' na ñi'ya̱ ndu'ni Ni lcaa cha' bi'. La cui' ycui' Ndyosi ndu'ni cña laja na, hasta nde ne' cresiya ji'na, cha' cua'ni Ni cña nu nti' Ni cua'ni Ni lo'o na.
Tya clyo lo'o ndyuna ma̱ cha' tso'o bi', cha' nu nchcui' ji'i̱ ycui' Ndyosi nu chañi ca, li' ngua cuayá' ti' ma̱ cha' tya ntsu'u chaca cha' nu cua tlyu la nu nga'a̱ cha' tyacua ji'na tyempo nde loo la lo'o tyalaa na ca su ntucua ycui' Ndyosi. Ca bi' ntsu'u co'o cha' bi' cuentya ji'i̱ ma̱; bi' laca cha' nu tyacua ji'i̱ ma̱ ca tiya' la xqui'ya cha' ngusñi ma̱ cha' ji'i̱ Cristo, lo'o jua'a̱ tso'o tsa ntsu'u tyiquee ma̱ ña'a̱ ma̱ ji'i̱ xa' la tya'a ñati̱ ma̱.
Pana nu na ni, ntsu'u xee ji'i̱ ycui' Ndyosi ne' cresiya' ji'na, bi' cha' tii ti ti' na tyi'i̱ na chalyuu; cua ngusñi na cha' ji'i̱ ycui' Ni, na cua ntsu'u tyiquee na ña'a̱ na ji'i̱ tya'a ñati̱ na xqui'ya Ni, lo'o jua'a̱ nga'a̱ cha' cua'a na ji'i̱ ycui' ca na cha' ná cua'ni na cha' cuxi nu nti' cua'ni ñu'u̱ ji'i̱ cresiya ji'na. Na ndu̱ ti' na ji'i̱ ycui' Ndyosi, ni jacua' tye cuityi̱ Ni ji'i̱ lcaa cha' cuxi nu ntsu'u ji'na, bi' cha' nga'a̱ cha' ña'a̱si̱i̱ na ji'i̱ ycui' ca na.
Lye tsa cua'ni nu'u̱ cña nu cua nda ycui' Ndyosi jinu'u̱, cha' ná ca tyuju'u ti' nu'u̱ xqui'ya cña nu ngua'ni nu'u̱ nu lo'o tsaa nu'u̱ tyi'i̱ ca slo Ni. Chañi tsa laca cha' ji'i̱ ycui' Ndyosi, bi' cha' tya culu'u la nu'u̱ cha' liñi bi' ji'i̱ ngu' lacua; tso'o ti caca tyiquee Ni ña'a̱ Ni jinu'u̱ li'.
Lo'o jua'a̱ ngua'ni ycui' Ndyosi cña cha' ca cuayá' ti' na cha' chañi tsa laca cha' nu nchcui' ngu', ngua'ni Ni quiña'a̱ tsa cha' tlyu slo na cha' ña'a̱ na ji'i̱. Tyu̱u̱ tsa cha' nu ná nchca cua'ni ñati̱ chalyuu ngua'ni Ni, cha' cube tsa ti' na ji'i̱ ycui' Ni lo'o ña'a̱ na cha' tlyu bi'. Lo'o li' cua nda Ni Xtyi'i ycui' Ni cha' tyanu ne' cresiya ji'i̱ ñati̱ chalyuu, tsa ña'a̱ nu ntsu'u tyiquee ycui' Ni nda Ni ji'i̱ ngu'; bi' cha' nchca ji'na cua'ni na tyu̱u̱ lo cña cuentya ji'i̱ ycui' Ndyosi, nu ná nchca ji'i̱ ñati̱ cua'ni ycui' ca ngu'.
ကြော်ငြာတွေ