2 CORINTIOS 6:2 - Chatino Tataltepec

² Ndi'ya̱ nchcui' sca cha' nu nscua lo quityi ji'i̱ ycui' Ndyosi sa'ni la: Cua nti' tsa na' cha' cua'ni cho'o na' cresiya ji'i̱ ma̱, nacui̱ ycui' Ndyosi, bi' cha' ntucuá na' cha' ji'i̱ ma̱ lo'o nchcui' ma̱ lo'u̱. Cua nti' na' cha' cua'ni lyaá na' ji'i̱ ma̱, bi' cha' nguxtyucua tsa na' ji'i̱ ma̱. Jua'a̱ nacui̱ ycui' Ndyosi. Lo'o nu juani cua laca tyempo cha' cua'ni cho'o Ni cresiya ji'i̱ ma̱, juani cua laca la cui' tyempo cha' cua'ni lyaá ycui' Ndyosi ji'i̱ ma̱ ji'i̱ nu cuxi.

2 CORINTIOS 6:2 ပူးပေါင်းရင်းမြစ်များ

SAN LUCAS 18:37

Li' nacui̱ ngu' ji'i̱ yu cha' Jesús Nazaret bi' lijya̱ tyucui̱i̱ juani.

SAN LUCAS 4:19

Na lijya̱ ti na' cha' chcui' na' lo'o ngu', cha' cua ndyalaa tyempo tso'o la nu nda ycui' Ndyosi nu Xu'na na ji'i̱ ngu'. Jua'a̱ nscua lo quityi su nchcui' Jesús.

HEBREOS 3:13

Ná tso'o si cñilo'o nu cuxi ji'i̱ ma̱, lo'o li' xana caca cuxi cresiya ji'i̱ ma̱. Bi' cha' lcaa tsa̱ nga'a̱ cha' xtyucua ma̱ ji'i̱ tya'a ma̱, cha' tyanu tachaa la cha' ji'i̱ Jesús ne' cresiya ji'i̱ ngu' tya'a ma̱, cha' ná cñilo'o nu cuxi ji'i̱ ma̱ tyucui lo'o tya ndi'i̱ ti ma̱ chalyuu.

HEBREOS 3:7

Lo quityi cua nscua sca cha' nu nda Xtyi'i ycui' Ndyosi lo'o ñati̱ sa'ni. Ndi'ya̱ nchcui' Ni lo'o ngu' tya li': Juani ti cua'a̱ jyaca̱ ma̱ ji'i̱ cha' nu nda na' lo'o ma̱:

HEBREOS 4:7

tya nda la Ni xi tyempo ji'na, cha' juani ti tya taca cuna na cha' bi'. Cua ngua tyu̱u̱ yija̱ tya lo'o ngujuii jyo'o Moisés bi', nu lo'o nchcui' ycui' Ndyosi lo'o David. Ndi'ya̱ nacui̱ Ni: Juani ti cua'a̱ jyaca̱ ma̱ ji'i̱ cha' nu nda na' lo'o ma̱, ná tyu'u cha' cuxi tyiquee ma̱ ña'a̱ ma̱ jna'.