2 CORINTIOS 5:16 - Chatino Tataltepec

¹⁶ Bi' cha' juani nga'aa chcui' tyucuaa ti' na lo'o xa' ñati̱ si ná ndiya ti' na ñi'ya̱ ndu'ni ngu' bi' nde chalyuu. Nu ngua tya sa'ni la, la cui' ti cha' ná ndiya ti' ya cña nu ngua'ni ycui' Cristo; si'i ñati̱ nguula, si'i ñati̱ tlyu laca yu ngua ti' ya tya li'. Pana juani nga'aa si'i jua'a̱ nclyacua ti' ya ña'a̱ ya ji'i̱ Cristo.

2 CORINTIOS 5:16 ပူးပေါင်းရင်းမြစ်များ

SAN MATEO 10:37

’Tso'o tsa lo'o ndu'ni tyaca'a ngu' ji'i̱ sti ngu', ji'i̱ xtya'a̱ ngu'; pana si xti la ndu'ni tyaca'a ngu' bi' 'na, ná taca tya'a̱ ngu' bi' lo'o na'. Lo'o jua'a̱ tso'o lo'o ndu'ni tyaca'a ngu' ji'i̱ sñi' ngu', masi sñi' qui'yu, masi sñi' cuna'a̱; pana si xti la ndu'ni tyaca'a ngu' bi' 'na, ná taca tya'a̱ ngu' bi' lo'o na'.

SAN JUAN 15:14

Tya'a tso'o na' laca cu'ma̱ si taquiya' ma̱ ji'i̱ cha' nu nda na' lo'o ma̱ ―nacui̱ Jesús―,

SAN JUAN 2:4

Nguxacui̱ Jesús cha' ji'i̱ xtya'a̱ li': ―¿Ha cña 'na laca cua? Tya lyiji tyalaa hora cha' culu'u loo na' ji'i̱ ñati̱ tilaca laca na'.

SAN JUAN 6:63

Nu xtyi'i nu ta Ni cha' tyanu ne' cresiya ji'na, bi' laca nu nda chalyuu tso'o ji'na; si'i xqui'ya juersa nu ntsu'u ji'i̱ cuaña' ti na lu'ú na ―nacui̱ Jesús―. Lo'o jua'a̱ lcaa cha' nu nda na' lo'o ma̱ juani, cuentya ji'i̱ sca na nu ta ycui' Ndyosi ji'i̱ ñati̱ laca cha' bi', sca cha' nu tyu'ú ne' cresiya ji'i̱ ñati̱ laca bi'; caja chalyuu ji'i̱ ngu' si taquiya' ngu' ji'i̱ cha' bi'.

SAN JUAN 8:15

Cua laca ngusta ma̱ yabe' chu̱' na'. Lo'o ndyu'ni ma̱ jua'a̱, ndyu'ni ma̱ ñi'ya̱ ndu'ni ñati̱ chalyuu ti. Si'i na lijya̱ na' chalyuu cha' sta na' yabe' chu̱' ñati̱ ―nacui̱―,

2 CORINTIOS 11:18

Pana ná ndube ti' na', chcui' na' xi juani, cha' ntsu'u tsa ngu' nu jua'a̱ nchcui' tsa ngu' cha' caca chi̱ la loo ycui' ca ngu', nti' ngu'; bi' cha' lo'o na' ntsu'u chacuayá' chcui' na' xi, nti' na'.

GÁLATAS 5:6

Lo'o jua'a̱ si chañi cha' stu'ba ntsu'u cha' ji'na lo'o Jesucristo, li' ná ndu'ni cha' masi ngulacua̱ na, masi ná ngulacua̱ na. Sca ti cha' ndulo tsa ji'na cha' cua'ni na, cha' xñi tso'o la na cha' ji'i̱ ycui' Ni; lo'o li' caca cua'ni na cha' tso'o ti tyu'u tyiquee na ña'a̱ na ji'i̱ tya'a ñati̱ na.

FILIPENSES 3:4

Lo'o na', jlya tsa ti' na' ji'i̱ nu cha' cusu' bi'. Tya tsubi' la ni, ná njyacua xa' la ñati̱ 'na, lye la ndaquiya' na' lcaa cha' cusu' nu ntsu'u ji'i̱ ngu' judío tya'a ya.

COLOSENSES 3:11

Bi' cha' juani nga'aa ndulo tsa cha' ji'na lo'o tya'a na, masi la cui' ngu' judío laca na, masi si'i ngu' judío laca ma̱; nga'aa ndu'ni cha' masi cua ngulacua̱ na, masi ná ngulacua̱ na; nga'aa ndu'ni cha' si ngu' xa' tsu' laca na, masi ngu' tyaala laca na, masi ngu' nu ndi'i̱ tso'o ti laca na, masi msu nu ngüi'ya ti ñati̱ laca ma̱ cha' cua'ni ma̱ cña ji'i̱ ñati̱ laja ti. Nga'aa ndulo tsa cha' bi' ji'na juani, cha' sca ti Cristo laca nu ndulo tsa cha' ji'i̱ cuentya ji'na. Ndi'i̱ Cristo lo'o lcaa ñati̱ ji'i̱ Ni, ñi'ya̱ nu laca ngu', macala su ndi'i̱ ngu'.

SANTIAGO 3:17

Pana lcaa cha' nu nda ycui' Ndyosi cha' chcui' na lo'o ñati̱, xcui' cha' tso'o laca bi'; ná nguxa' cha' tso'o bi' lo'o cha' cuxi, ná ntsu'u cha' xu̱u̱ tya'a na lo'o tya'a ñati̱ na. Cha' tso'o ti laca nu nda Ni cha' chcui' na lo'o ñati̱, cha' xcui' na tso'o ti cua'ni na lo'o ñati̱ li'. Lo'o jua'a̱ ndu'ni cha' bi', cha' cua'ni tya'na ti' na ji'i̱ ñati̱, ña'a̱ cuayá' nu cua'ni na cha' tso'o cha' xtyucua na ji'i̱ ngu'; ndu'ni cha' sca ti cha' liñi chcui' na lo'o ñati̱, si'i cha' cuiñi chcui' na lo'o ngu'.