2 CORINTIOS 5:12 - Chatino Tataltepec

¹² si'i cha' tyixi ti ya nchcui' tso'o ti ya cha' ji'i̱ ycui' ca ti ya. Ndi'ya̱ nti' ya: caja ñi'ya̱ xtyacui ma̱ cha' lo'o ngu' cuentya ji'i̱ ya, si tso'o ti nti' ma̱ ña'a̱ ma̱ ji'i̱ ya. Ntsu'u ñati̱ ca bi' nu ná ndube ti' ñi'ya̱ ndu'ni ngu' lo'o tya'a ngu', pana ndube la ti' ngu' bi' ñi'ya̱ ndu'ni chi̱ ngu' loo ycui' ca ngu'.

2 CORINTIOS 5:12 ပူးပေါင်းရင်းမြစ်များ

2 CORINTIOS 10:12

Si'i na caca stu'ba cha' ji'i̱ ya lo'o ñati̱ bi', nti' ya; tyixi tsa ndu'ni ngu' bi' lo'o tya'a ngu', tonto tsa ngu' bi'. Na ña'a̱ cuayá' ngu' bi' ji'i̱ ycui' ca ngu', bi' cha' nti' ngu' cha' tso'o tsa ndyu'ni ycui' ngu'.

2 CORINTIOS 10:18

Si'i na taquiya' tso'o la Ni ji'i̱ ñati̱ nu nchcui' tsa ji'i̱ cña nu ndyu'ni ycui' ca ngu'; nu lo'o tso'o ti nti' Ni ña'a̱ Ni ji'i̱ ñati̱, li' taquiya' Ni ji'i̱ cña nu ndyu'ni ngu' bi'.

2 CORINTIOS 10:7

Na la xña nchcui' ti ma̱ ji'i̱ ya. Pana tso'o la si culacua xi ti' ma̱ ñi'ya̱ ndyu'u scaa cha' nu liñi ca; nu ñati̱ nu nti' cha' cuentya ji'i̱ Cristo laca ngu' bi' ni, ndu'ni cha' culacua tso'o la xi ti' ngu' bi', cha' caca cuayá' ti' ngu' li', cha' lo'o cuare laca ya cuentya ji'i̱ Cristo.

2 CORINTIOS 10:8

Cua nchcui' tsa na' lo'o ma̱ cha' cua nda ycui' nu Xu'na na chacuayá' ji'i̱ ya, nu lo'o ndya'a̱ ya slo cu'ma̱; lo'o jua'a̱ ná nchca tyuju'u ti' na' masi nchcui' na' jua'a̱ lo'o ma̱. Cua lo'o chacuayá' ji'i̱ ycui' Ndyosi ndya'a̱ ya, cha' taca tyatí̱ la ti' tyiquee ma̱ cha' ji'i̱ Ni; si'i na cua'ni ñu'u̱ lyiji ya ji'i̱ ma̱.

2 CORINTIOS 12:11

Cu'ma̱ ngua'ni ma̱ lo'o na' cha' nchcui' na' cha' tonto re, pana cu'ma̱ laca nu nga'a̱ cha' chcui' tso'o ma̱ 'na nquicha'. Masi ná sca cha' ndyaca 'na tsiya' ti, si'i na xti la cña nchca 'na lo'o quiña'a̱ la cña nchca ji'i̱ nu ngu' cuiñi bi', masi tyaca'a tsa ndyu'ni ma̱ ji'i̱ ngu'; si'i jua'a̱ ndyu'u cha'.

2 CORINTIOS 3:1

Ná nchcui' tyucuaa ti' ya lo'o cu'ma̱. Ná nti' ya cha' chcui' ma̱ cha' tlyu tsa ñati̱ laca ya. Lo'o ndya'a̱ ya slo ma̱, ná ntsu'u cha' qui'ya ya sca quityi nu ñacui̱ cha' tso'o ti ndyu'ni ya cña; jua'a̱ lo'o ndyaa ya chaca se'i̱, ná ntsu'u cha' jña ya sca quityi jua'a̱ ji'i̱ ma̱.

2 CORINTIOS 6:4

Tso'o la nti' ya si caca cuayá' ti' ngu' cha' ndya'a̱ ya lo cña ji'i̱ ycui' Ndyosi, nu lo'o ña'a̱ ngu' cña nu ndyu'ni ya cuentya ji'i̱ Ni. Ndalo tsa ya ji'i̱ cha' ti'í nu ndu'ni ngu' lo'o ya, masi ntsu'u tsa na nu lyiji ji'i̱ ya, masi ntsu'u tsa cha' tucui nu ndyaca ji'i̱ ya.

FILIPENSES 1:26

Lo'o ca̱a̱ na' cha' tyi'i̱ na' slo ma̱ chaca quiya', li' tso'o tsa caca tyiquee ma̱ cuentya ji'i̱ Jesucristo xqui'ya na'.