2 CORINTIOS 4:13 - Chatino Tataltepec

¹³ Ntsu'u sca cha' nu nscua lo quityi cusu' su nchcui' ngu' ndi'ya̱: “Jlya ti' na' cha' chañi laca cha' bi', bi' cha' nchcui' na' cha' liñi bi' lo'o xa' ñati̱”, nacui̱ jyo'o cusu' bi'. Lo'o jua'a̱ cuare, nchcui' ya cha' ji'i̱ Jesús cha' cua ndyatí̱ tyiquee ya ji'i̱ yu, xqui'ya cha' ngusñi ya cha' ji'i̱ yu.

2 CORINTIOS 4:13 ပူးပေါင်းရင်းမြစ်များ

LOS HECHOS 15:11

Ná tso'o cha' chcui' ma̱ jua'a̱. Cua ngusñi na cha' ji'i̱ Ni, cha' ngua'ni lyaá ycui' Jesús ji'na ji'i̱ qui'ya nu ntsu'u ji'na, xqui'ya cha' tso'o ti nti' Ni ña'a̱ Ni ji'na; la cui' jua'a̱ ngua'ni Ni lo'o ngu' xa' tsu' nu ngusñi cha' ji'i̱ Ni.

ROMANOS 1:12

Tso'o si caca cua'ni na cha' caca tyatí̱ la ti' tyiquee tya'a na, cha' stu'ba ti xñi tso'o la na cha' ji'i̱ Jesús li'.

1 CORINTIOS 12:9

lo'o jua'a̱ ntsu'u ngu' nu tso'o tsa jlya ti' ji'i̱ ycui' Ndyosi; lo'o jua'a̱ ntsu'u ngu' nu nchca ji'i̱ cua'ni cha' tyaca tso'o nu quicha chacuayá' ji'i̱ Jesús;

2 CORINTIOS 3:12

Lo'o juani nga'aa ntsi̱i̱ na chcui' na lo'o ñati̱, cha' jlo ti' na cha' tso'o tsa laca cha' ji'i̱ Jesús nu nchcui' na re.

2 CORINTIOS 4:12

Jua'a̱ laca cha' ji'i̱ cuare, na ncliji tyucui ña'a̱ ya xqui'ya cha' ti'í nu ndyacua ji'i̱ ya nde chalyuu; pana cu'ma̱ ni, cua ngujui chalyuu nu ná nga'a̱ cha' tye ji'i̱ ma̱ xqui'ya cña nu ngua'ni ya.

2 PEDRO 1:1

Simón Pedro laca na'; ndyu'ni na' cña ji'i̱ Jesucristo, cha' cua ngusubi Ni 'na cha' tsa'a na' ta na' cha' tso'o ji'i̱ Cristo lo'o ngu' xa' quichi̱. Lo'o nu juani nscua na' quityi re cha' tsaa slo lcaa ñati̱ nu ngusñi cha' ji'i̱ ycui' Ndyosi ñi'ya̱ nu ngusñi na ji'i̱. Xcui' cha' liñi ndu'ni ycui' Ndyosi nu Xu'na na, la cui' Jesucristo nu ndyu'ni lyaá ji'na ji'i̱ nu cuxi laca bi'; bi' cha' stu'ba ti laca lcaa na cuentya ji'i̱ ycui' Ndyosi, tso'o tsa ndyaca ji'i̱ lcaa na cuentya ji'i̱ Ni.