2 CORINTIOS 4:1 - Chatino Tataltepec

¹ Bi' cha' ná nchca taja ti' ya ji'i̱ cña nu ndyu'ni ya. La cui' ycui' Ndyosi laca nu cua nda cña bi' ji'i̱ ya, xqui'ya cha' tya'na ti' Ni ña'a̱ Ni ji'i̱ ya.

2 CORINTIOS 4:1 ပူးပေါင်းရင်းမြစ်များ

SAN LUCAS 18:1

Ngulu'u Jesús ji'i̱ ngu' cha' lu'ba ti chcui' ngu' lo'o ycui' Ndyosi, cha' ná ca taja ti' ngu' tsiya' ti lo'o chcui' ngu' lo'o Ni. Ndi'ya̱ ndyu'u cui̱i̱ nu nda Jesús lo'o ngu' li':

1 CORINTIOS 3:5

¿Tilaca laca nu Apolos bi' lacua? ¿Tilaca laca na' lacua? ¿Ha si'i cña ji'i̱ ycui' Ndyosi ndyu'ni ca ta'a ya? ¿Ha si'i xqui'ya cha' nda ya cha' lo'o ma̱, bi' cha' ngusñi ma̱ cha' ji'i̱ Cristo li'? Cua laca cña ndyu'ni scaa ya, la cui' cña ñi'ya̱ nu cua nda ycui' nu Xu'na na cha' cua'ni ya.

1 CORINTIOS 7:25

Bilya ta ycui' nu Xu'na na cha' lo'o na' ñi'ya̱ cua'ni ñati̱ nu ntucua ycui' ti, si caja clyo'o ngu', si ná caja clyo'o ngu'; bi' cha' cuentya jna' ti, ta na' xi cha' lo'o ma̱. Taca xñi ma̱ cha' jna', xqui'ya cha' lo'o na' ngua'ni tya'na ti' Ni 'na; bi' cha' ndyu'ni na' cña ji'i̱ Ni.

2 CORINTIOS 3:12

Lo'o juani nga'aa ntsi̱i̱ na chcui' na lo'o ñati̱, cha' jlo ti' na cha' tso'o tsa laca cha' ji'i̱ Jesús nu nchcui' na re.

2 CORINTIOS 3:6

Laca bi' sca cha' nu cua nguxana ca ti, sca cña nu ndyu'ni Xtyi'i ycui' Ndyosi laca. Ná laca bi' ñi'ya̱ laca sca cña nu ndacane ti quityi cusu' ji'na cha' cua'ni na. Ndyijii na xqui'ya yabe' nu ntsu'u ji'na xqui'ya cña nu nclyo quityi cusu' bi' ji'na, pana juani ndyiji chalyuu cucui ji'na xqui'ya Xtyi'i ycui' Ndyosi.

2 CORINTIOS 4:16

Bi' cha' ná nchca taja ti' na ji'i̱ cña nu ndyu'ni na cuentya ji'i̱ ycui' Ndyosi, masi ncliji tyucui ña'a̱ cuaña' na jua'a̱ ti; pana ña'a̱ ti lu'ba ti ndu'ni ycui' Ndyosi cha' ca tso'o la cresiya ji'na.

2 CORINTIOS 5:18

Ycui' Ndyosi laca nu ndu'ni lcaa cha' bi', cha' cua ndyaca stu'ba cha' ji'na lo'o Ni xqui'ya Cristo. Lo'o juani cua nda Ni cña ji'na cha' chcui' na lo'o ngu' ñi'ya̱ caca stu'ba cha' ji'i̱ ngu' lo'o ycui' Ni.

GÁLATAS 6:9

Bi' cha' ná tso'o si ca taja ti' na cha' cua'ni na cha' tso'o laja lo'o ndi'i̱ na chalyuu. Lo'o tyalaa hora bi', li' tyu'u tucua cha' tso'o nu nacui̱ Ni cha' tyacua ji'na nde loo la, la cui' cha' nu tyiquee' tsa ngujuatya na ji'i̱; pana ntsu'u cha' talo na, cha' ná ca taja ti' na ndu'ni na cña tso'o.

EFESIOS 3:13

Bi' cha' juani chcui' na' lo'o ma̱ cha' ná ca taja ti' ma̱, cha' ná tya'a̱chu̱' ma̱ ji'i̱ ycui' Ndyosi, masi nchcube' na' xi ca su ndi'i̱ na' re cuentya ji'i̱ cu'ma̱; sca cha' tso'o cuentya ji'i̱ cu'ma̱ laca cha' bi'.

FILIPENSES 4:13

Cua nda ycui' Cristo juersa 'na cha' talo na' ji'i̱ cua ña'a̱ ca cha', na laca nu tyacua ti xi 'na.

2 TESALONICENSES 3:13

Cu'ma̱ ngu' tya'a na, ná ca taja ti' ma̱ cha' cua'ni ma̱ cha' tso'o lo'o ñati̱.

1 TIMOTEO 1:13

Ngusubi Ni jna', masi suba' tsa nchcui' na' ji'i̱ Ni cua sa'ni la, tyempo lo'o nguxcube' na' ji'i̱ ñati̱ ji'i̱ Jesucristo; tyaala tsa na' nu ngua li'. Pana ná jlo ti' na' tyempo bi', cha' bilya xñi na' cha' tso'o ji'i̱ ycui' Ndyosi, bi' cha' ngua tya'na tsa ti' Ni jna'.

HEBREOS 12:3

Culacua tso'o ti' ma̱ ji'i̱ lcaa cha' cuxi nu ngua ji'i̱ Jesús tyempo bi'. Ndalo tsa tyiquee yu ji'i̱ cha' cuxi bi' li', masi liye' tsa ti' ngu' cuxi ña'a̱ ngu' ji'i̱ yu. Bi' cha' lo'o cu'ma̱ ni, ná ntsu'u cha' ca ñu'u̱ ti' ma̱ xqui'ya Jesús, ná ntsu'u cha' ca taja ti' ma̱ ji'i̱ Ni.

1 PEDRO 2:10

Nu juani laca ma̱ ñati̱ ji'i̱ ycui' Ndyosi, masi nu ngua tya tsubi' la ná ntsu'u cha' ji'i̱ ma̱ lo'o ycui' Ndyosi tsiya' ti. Lo'o jua'a̱ cua nchca cuayá' ti' ma̱ juani cha' ndyu'ni tya'na tsa ti' Ni ji'i̱ ma̱, masi tya tsubi' la ná nchca cuayá' ti' ma̱ cha' ji'i̱ ycui' Ndyosi tsiya' ti.

APOCALIPSIS 2:3

Lo'o jua'a̱ jlo ti' na' cha' ná nchca taja ti' ma̱; masi ndyiji tsa cha' ti'í ji'i̱ ma̱, ná ndya'a̱chu̱' ma̱ cha' jna'.