2 CORINTIOS 3:4 - Chatino Tataltepec

⁴ Taca chcui' na jua'a̱, cha' tlyu tsa ndyaca tyiquee na xqui'ya cha' jlya ti' na ji'i̱ ycui' Ndyosi, cha' cua ngusñi na cha' ji'i̱ Jesús.

2 CORINTIOS 3:4 ပူးပေါင်းရင်းမြစ်များ

2 CORINTIOS 2:14

Ndya tsa na' xlya'be ji'i̱ ycui' Ndyosi cha' stu'ba cha' ji'na lo'o Cristo. Laca cha' ñi'ya̱ si ndya'a̱ lo'o ycui' Ndyosi ji'na ndya'a̱ qui'i ti na calle, cha' ndyu'ni chi̱ Ni loo Jesucristo cha' cua ntiji̱loo yu ji'i̱ nu cuxi. Jua'a̱ ji'na ta Ni su tya'a̱ na laja ñati̱ bi', cha' lo'o na nsañi na cha' ji'i̱ ycui' Cristo ca slo lcaa ñati̱; ndacha' na cha' ji'i̱ ycui' Ndyosi ca slo ñati̱, masi nchcui' na lo'o ñati̱ nu nti' clyaá ji'i̱ nu cuxi, masi nchcui' na lo'o xa' ñati̱ nu ná nti' cuna cha' tso'o bi'. Pana ñi'ya̱ laca sca na tyixi xtyi'i nu nda xtyi'i ntyucua lcaa se'i̱, jua'a̱ laca cña nu ndu'ni na cuentya ji'i̱ ycui' Ndyosi. Ndiya tsa ti' ycui' Ndyosi ji'i̱, la cui' jua'a̱ ndiya ti' Ni cña nu ndyu'ni Cristo nde chalyuu xqui'ya na.

EFESIOS 3:12

Lo'o juani cua ntsu'u chacuayá' ji'na cha' tyu'u cha' ji'na lo'o ycui' Ndyosi xqui'ya la cui' Jesucristo bi'; tyucui tyiquee na taca chcui' na lo'o ycui' Ndyosi xqui'ya cha' ngusñi na cha' ji'i̱ Jesucristo Sñi' ycui' Ni. Lo'o jua'a̱ nga'aa ntsu'u cha' cutsi̱i̱ na lo'o chcui' na lo'o ycui' Ndyosi.

FILIPENSES 1:6

bi' cha' cua jlo ti' na' juani cha' ña'a̱ ti tya cua'ni ycui' Ndyosi cña ne' cresiya ji'i̱ ma̱, ña'a̱ cuayá' nu tyu'u scua cña bi', nu lo'o tya̱a̱ Jesucristo chaca quiya', cha' la cui' ycui' Ni laca nu nguxana ngua'ni cña ne' cresiya ji'i̱ ma̱ tya clyo.

1 TESALONICENSES 1:8

Cua ngañi cha' ji'i̱ ycui' nu Xu'na na nde lcaa quichi̱ xqui'ya cu'ma̱. Si'i ngu' Macedonia ti, ni si'i ngu' Acaya ti, masi ca ta'a ñati̱ ji'i̱ Jesucristo, cua ndyuna ngu' cha' bi' tyucui ña'a̱ chalyuu; nga'aa ntsu'u cha' ta ya cha' lo'o ngu' bi' cuentya ji'i̱ ma̱, cha' ngusñi ma̱ cha' ji'i̱ ycui' Ndyosi, cha' cua jlo ti' ngu' cha' bi'.