2 CORINTIOS 3:17 - Chatino Tataltepec

¹⁷ Lo'o nchcui' ca ti quityi re cha' ji'i̱ nu “Xu'na na”, bi' nti' ñacui̱ cha' Xtyi'i ycui' Ndyosi laca nu bi'. Lo'o jua'a̱ nu lo'o laca Xtyi'i ycui' Ndyosi nu Xu'na na loo ji'na, nga'aa tucui caca ji'i̱ tatsaa ji'na cha' cua'ni na cua ña'a̱ ca cña cuxi li'.

2 CORINTIOS 3:17 ပူးပေါင်းရင်းမြစ်များ

SAN JUAN 6:63

Nu xtyi'i nu ta Ni cha' tyanu ne' cresiya ji'na, bi' laca nu nda chalyuu tso'o ji'na; si'i xqui'ya juersa nu ntsu'u ji'i̱ cuaña' ti na lu'ú na ―nacui̱ Jesús―. Lo'o jua'a̱ lcaa cha' nu nda na' lo'o ma̱ juani, cuentya ji'i̱ sca na nu ta ycui' Ndyosi ji'i̱ ñati̱ laca cha' bi', sca cha' nu tyu'ú ne' cresiya ji'i̱ ñati̱ laca bi'; caja chalyuu ji'i̱ ngu' si taquiya' ngu' ji'i̱ cha' bi'.

SAN JUAN 8:32

Li' taca ca cuayá' ti' ma̱ lcaa cha' liñi; ná tucui caca tatsaa ji'i̱ ma̱ cha' cua'ni ma̱ cña cuxi ca su ndi'i̱ ma̱, xqui'ya cha' jlo ti' ma̱ cha' liñi bi'.

ROMANOS 8:2

Nu lo'o laca Xtyi'i ycui' Ndyosi loo ji'na, li' caja chalyuu cucui ji'na xqui'ya Jesucristo, cha' stu'ba ntsu'u cha' ji'na lo'o Ni; na cua ngulo Ni ji'na ya' nu cuxi nu ndyu'ni cha' chcuna' chalyuu ji'na.

1 CORINTIOS 15:45

Ndi'ya̱ nscua lo quityi ji'i̱ ycui' Ndyosi: “Ñati̱ lu'ú ngua Adán nu ñati̱ nu nguti'i̱ chalyuu clyo, lo'o jua'a̱ ycui' Ndyosi laca nu cua nda cresiya ji'i̱ yu”. Jua'a̱ cha' nda quityi cusu'. Tiya' la li' nda Ni ji'i̱ chaca ñati̱ nu ya̱a̱ chalyuu; ngua bi' ñati̱, la cui' ñi'ya̱ nu ngua Adán ñati̱. Pana tso'o la ña'a̱ ñati̱ ngua nu Jesús bi'; cua nda ycui' yu chaca cresiya nu tso'o la ji'i̱ ñati̱, cha' caca stu'ba cha' ji'i̱ yu lo'o ycui' Ndyosi.

2 CORINTIOS 3:18

Jua'a̱ laca cha' ji'na, lcaa na lo'o tya'a na nu ntsu'u cha' ji'na lo'o Jesús, tyaca̱' tyijyu' cha' cua nda nu Xu'na na xee nu tyu'u loo na. Pana ná nga'a̱ cha' tyacu̱' sca late' loo na, cha' la cui' cha' tlyu bi' laca nu ña'a̱ ti tya lye la ndyu'ni cña lo'o na cha' cha'a̱ tyucui ña'a̱ na, cha' caca na ñi'ya̱ laca ycui' Ndyosi nu Xu'na na tsiya' ti. Ca slo ycui' nu Xu'na na nu laca Xtyi'i bi', ca bi' ndyu'u nu cha' tlyu bi'.

2 CORINTIOS 3:6

Laca bi' sca cha' nu cua nguxana ca ti, sca cña nu ndyu'ni Xtyi'i ycui' Ndyosi laca. Ná laca bi' ñi'ya̱ laca sca cña nu ndacane ti quityi cusu' ji'na cha' cua'ni na. Ndyijii na xqui'ya yabe' nu ntsu'u ji'na xqui'ya cña nu nclyo quityi cusu' bi' ji'na, pana juani ndyiji chalyuu cucui ji'na xqui'ya Xtyi'i ycui' Ndyosi.

GÁLATAS 4:6

Bi' cha' laca cua nda ycui' Ndyosi Xtyi'i ycui' Ni nu tyanu ne' cresiya ji'i̱ ma̱, cha' culu'u Ni ji'i̱ ma̱ cha' cua laca ma̱ sñi' ycui' Ni. Xtyi'i ycui' Ni ndu'ni cha' taca chcui' na lo'o ycui' Ndyosi chañi ca: “¡Papá! ¡Sti na'!” ñacui̱ na.

GÁLATAS 5:1

Cua ngua'ni lyaá Cristo ji'na, cha' taca tyi'i̱ tso'o ti na chalyuu. Bi' cha' ña'a̱ ti tya tyi'i̱ tso'o ti ma̱ chalyuu lacua; nga'aa ta ma̱ tyempo cha' caca loo xa' ñati̱ ji'i̱ ma̱, ñi'ya̱ si cua ngüi'ya ngu' ji'i̱ ma̱ cha' cua'ni ma̱ cña ji'i̱ ngu'.

GÁLATAS 5:13

Cua ngusubi ycui' Ndyosi ji'i̱ ma̱ cha' caca tyi'i̱ tso'o ti ma̱ chalyuu. Tsa bi' ti cha', tii ti ti' ma̱ tyi'i̱ ma̱ chalyuu; ná clyana ma̱ cha' cuxi nu cua'ni ma̱ laja lo'o ndi'i̱ tso'o ti ma̱, cha' si'i na ndi'i̱ tso'o ti na cha' culiji na na nu ntsu'u ji'na jua'a̱ ti. Ntsu'u cha' xtyucua na ji'i̱ tya'a ñati̱ na xqui'ya cha' ntsu'u tsa tyiquee na ña'a̱ na ji'i̱ ngu', bi' cha' ndi'i̱ tso'o ti na.

2 TIMOTEO 1:7

Ná nti' ycui' Ndyosi cha' cutsi̱i̱ na; bi' cha' nda Ni Xtyi'i ycui' Ni cha' tyanu ne' cresiya ji'na, cha' ca tlyu tyiquee na, cha' tso'o ti tyu'u tyiquee na ña'a̱ na ji'i̱ tya'a ñati̱ na, cha' taca cua'ni na ñi'ya̱ nu nti' ycui' Ndyosi cha' cua'ni na lcaa tsa̱.