2 CORINTIOS 2:13 - Chatino Tataltepec

¹³ Pana ná ndalo na' ca bi', cha' ngulacua tsa ti' na' ni cha' laca bilya tyalaa Tito tya'a ndya'a̱ ya cña slo na'; bi' cha' yala ti ngusalya' na' lo'o ngu' quichi̱ bi'. Li' tya ndyaa la na' nde loyuu su cuentya Macedonia.

2 CORINTIOS 2:13 ပူးပေါင်းရင်းမြစ်များ

SAN MARCOS 6:46

Lo'o cua nchcui' salya' lo'o ngu', ndu'u Jesús ndyaa ycui' ti yu nde sii' ca'ya cha' chcui' yu lo'o ycui' Ndyosi Sti yu.

LOS HECHOS 21:6

Ngusalya' ngu' lo'o ya, ngüityi ngu' ji'i̱ ya, li' ndyatí̱ ya ne' yaca ni'i̱; cuati nguxtyu̱u̱ ngu' ya̱a̱ ngu' nde toni'i̱ ji'i̱ ngu'.

2 CORINTIOS 12:18

Chañi cha' nchcui' na' lo'o yu Tito bi', cha' tsubi' ti tsaa yu ca su ndi'i̱ ma̱; ndyaa yu lo'o chaca yu tya'a ngusñi na cha' ji'i̱ Jesús bi' li'. Pana si'i Tito laca nu ngua'ni ngana ji'i̱ ma̱; sca ti cuayá' ndyu'ni yu cña ñi'ya̱ nu ndyu'ni na' cña, sca ti cha' ntsu'u tyiquee tyucuaa ya.

2 CORINTIOS 7:13

Lo'o nu juani tso'o la nti' ya cuentya ji'i̱ cu'ma̱. Tso'o ti nti' ycui' ya lacua; lo'o jua'a̱ lye la chaa ti' ya juani cha' cua na'a̱ ya ji'i̱ Tito, cha' tso'o tsa ngua ti' yu. Ca ta'a cu'ma̱ ngua'ni ma̱ cha' ti̱ ti cresiya ji'i̱ yu ndyalaa yu juani.

2 CORINTIOS 7:14

Lo'o tya ndi'i̱ yu ca slo na', cua ni na' ji'i̱ yu cha' tso'o tsa ngusñi ma̱ cha' ji'i̱ Jesús, lo'o jua'a̱ chañi tsa cha' bi'. La cui' jua'a̱ lcaa quiya' lo'o nchcui' ya, chañi tsa laca cha' ji'i̱ Jesús nu nchcui' ya lo'o ma̱; lo'o jua'a̱ chañi ngua cha' nu ni na' ji'i̱ Tito, cha' tso'o ti nti' ycui' ya ña'a̱ ya ji'i̱ ma̱.

2 CORINTIOS 8:16

Tso'o tsa nti' ya lo'o nchcui' ya lo'o ycui' Ndyosi, cha' nu Tito, tya'a ndya'a̱ ya cña bi' ni, nti' tsa yu xtyucua yu ji'i̱ ma̱. Stu'ba ti nti' yu lo'o na' cha' xtyucua ya ji'i̱ cu'ma̱.

2 CORINTIOS 8:23

Bi' cha' juani si xcuane ngu' ji'i̱ ma̱ ni cña laca ndya'a̱ Tito, ndi'ya̱ ñacui̱ ma̱ ji'i̱ ngu': Tya'a ndya'a̱ na cña laca yu re. Lo'o jua'a̱ xacui̱ ma̱ cha' ji'i̱ ngu' cha' stu'ba ndyu'ni yu cña lo'o cua cuentya ji'i̱ cu'ma̱. La cui' jua'a̱ si xcuane ngu' ji'i̱ ma̱, ni cña laca nu ndya'a̱ xa' la tya'a ndya'a̱ Tito bi', ndi'ya̱ xacui̱ ma̱ cha' ji'i̱ ngu' li': Ndya'a̱ ngu' bi' cuentya ji'i̱ lcaa latya ngu' xa' quichi̱ nu ndyu'ni tlyu ji'i̱ Cristo, cha' ndu'ni chi̱ ngu' loo Cristo.

2 CORINTIOS 8:6

Bi' cha' cua nchcui' ya lo'o yu Tito bi', cha' cua'ni lyiji yu cha' xti'i̱ yu msta̱ nu nda cu'ma̱ cha' tso'o ntsu'u tyiquee ma̱, cha' tya tsubi' la cua nguxana nxti'i̱ yu msta̱ bi'.

GÁLATAS 2:1

Cua ndya'a tii jlyacua yija̱, li' xa' ndya'a̱ nde Jerusalén chaca quiya'; lo'o Bernabé ndya'a̱, lo'o jua'a̱ ndyaa lo'o ya ji'i̱ Tito.

GÁLATAS 2:3

Lo'o jua'a̱ yu Tito tya'a ndya'a̱ na' ni, ná nchcui' ngu' lo'o yu cha' si'yu quiji̱ yu cha' culacua̱ yu ñi'ya̱ ndu'ni ngu' judío, masi ngu' xa' tsu' laca yu.

2 TIMOTEO 4:10

Cua nguxtyanu Demas 'na xqui'ya cha' ndiya la ti' yu ji'i̱ cha' cuxi nu ntsu'u chalyuu, ndyaa yu ca quichi̱ Tesalónica. Nda na' ji'i̱ Crescente ndyaa ca Galacia, jua'a̱ nda na' ji'i̱ Tito ndyaa ca Dalmacia;

TITO 1:4

Nscua na' quityi re cha' ca̱a̱ slo nu'u̱, Tito, cha' ñi'ya̱ si laca nu'u̱ sñi' na', jua'a̱ nti' na' ña'a̱ na' jinu'u̱, cha' stu'ba ti ngusñi na cha' ji'i̱ ycui' Ndyosi. Ndi'ya̱ nti' na' cha' ña'a̱ ti cua'ni ycui' Ndyosi Sti na cha' tso'o lo'o nu'u̱, jua'a̱ Jesucristo nu ngua'ni lyaá ji'na; cua'ni Ni cha' ti̱ ti tyi'i̱ tyiquee nu'u̱ li'.