2 CORINTIOS 13:8 - Chatino Tataltepec

⁸ Ná ntsu'u cha' cua'ni tyaala ya lo'o ma̱ si ña'a̱ ti tya ndyanu tso'o cha' ne' cresiya ji'i̱ ma̱, nu cha' ji'i̱ Jesús nu cua ngusñi ma̱; pana si ndyu'ni ñu'u̱ ca ma̱ ji'i̱ nu cha' ji'i̱ Jesús bi', li' cua'ni tyaala ya lo'o ma̱.

2 CORINTIOS 13:8 ပူးပေါင်းရင်းမြစ်များ

SAN MARCOS 9:39

―Ná cua'a ma̱ ji'i̱ ―nacui̱ Jesús ji'i̱ ngu'―. Ñati̱ nu cua'ni sca cha' tlyu chacuayá' jna' nacui̱ ngu', nga'aa ca chcui' ñati̱ bi' cha' cuxi jna' nde loo la.

2 CORINTIOS 10:8

Cua nchcui' tsa na' lo'o ma̱ cha' cua nda ycui' nu Xu'na na chacuayá' ji'i̱ ya, nu lo'o ndya'a̱ ya slo cu'ma̱; lo'o jua'a̱ ná nchca tyuju'u ti' na' masi nchcui' na' jua'a̱ lo'o ma̱. Cua lo'o chacuayá' ji'i̱ ycui' Ndyosi ndya'a̱ ya, cha' taca tyatí̱ la ti' tyiquee ma̱ cha' ji'i̱ Ni; si'i na cua'ni ñu'u̱ lyiji ya ji'i̱ ma̱.

2 CORINTIOS 13:10

Lo'o jua'a̱ nscua na' quityi re, masi tyijyu' tsa ndi'i̱ na' cuentya ji'i̱ cu'ma̱, cha' ná caca tyaala na' lo'o cu'ma̱ nu lo'o cua ndyalaa na' ca quichi̱ tyi ma̱. Chañi cha' cua nda ycui' nu Xu'na na chacuayá' 'na, pana ndi'ya̱ ndyu'u cha' bi': cua'ni na' cha' caja ñi'ya̱ tyanu tachaa la cha' bi' ne' cresiya ji'i̱ ma̱; ná ntsu'u chacuayá' 'na cha' cua'ni ñu'u̱ lyiji na' ji'i̱ cu'ma̱.

2 CORINTIOS 13:7

Lu'ba ti ndijña ya cha' ji'i̱ ycui' Ndyosi, cha' ná ta Ni chacuayá' cha' cua'ni ma̱ xa' la cha' cuxi; na cua nti' ya cha' xtyucua Ni ji'i̱ ma̱ cha' tso'o ti caca tyiquee ma̱. Ná ndube ti' ya, masi ñacui̱ ngu' cha' ná nchca ji'i̱ ya tsiya' ti.

2 CORINTIOS 13:9

Si tso'o tsa ndyanu tachaa cha' ji'i̱ ycui' Ndyosi ne' cresiya ji'i̱ ma̱, tso'o tsa nti' ya li', masi xti ti cha' nchca ji'i̱ ycui' ya; bi' cha' ndijña ya cha' ji'i̱ ycui' Ndyosi cuentya ji'i̱ cu'ma̱ lacua, cha' jua'a̱ caca tyucui la ti' tyiquee ma̱ ña'a̱ ma̱ ji'i̱ ycui' Ndyosi.

1 TIMOTEO 1:20

Ñi'ya̱ nti' yu Himeneo lo'o yu Alejandro ni, nga'aa ndaquiya' ngu' ji'i̱ cha' liñi, bi' cha' cua nguxtyanu na' ji'i̱ ngu' bi' ya' nu xña'a̱, cha' ca cuayá' ti' ngu' cha' tlyu tsa cha' cuxi laca lo'o nchcui' ngu' cha' suba' ji'i̱ ycui' Ndyosi.