2 CORINTIOS 13:4 - Chatino Tataltepec

⁴ Chañi tsa cha' ndye juersa ji'i̱ Cristo nu lo'o ndyujuii ngu' ji'i̱, lo'o ngujui'i̱ ca'a̱ ngu' ji'i̱ lo crusi; pana tlyu tsa cña ngua'ni ycui' Ndyosi cuentya ji'i̱ yu, bi' cha' laca cha' ña'a̱ ti tya lu'ú yu juani. Ñi'ya̱ nti' Cristo, cha' ná nguxlyú cha' hichu̱' ñati̱ nu ndyujuii ji'i̱, la cui' jua'a̱ cuare, si'i na lye tsa nclyo ya cña ji'i̱ cu'ma̱ nquicha'; pana juani caca cuayá' ti' ma̱ cha' ña'a̱ ti tya lu'ú ya xi, cha' la cui' chacuayá' ji'i̱ ycui' Ndyosi ndya'a̱ lo'o ya lijya̱ ya, la cui' tya'a chacuayá' nu ntsu'u ji'i̱ Cristo.

2 CORINTIOS 13:4 ပူးပေါင်းရင်းမြစ်များ

SAN JUAN 10:18

Ná tucui xlyaá cresiya 'na, ycui' ca ti na' ntaja'a̱ na' caja̱a̱ ―nacui̱ Jesús―. Taca cua'ni na' jua'a̱, cha' cua nda ycui' Ndyosi Sti na' chacuayá' cajaa na', lo'o jua'a̱ cua nda Ni chacuayá' cha' tyu'ú na' chaca quiya'.

LOS HECHOS 2:36

’Ntsu'u sca cha' ji'i̱ ycui' Jesús nu nga'a̱ cha' ca cuayá' ti' lcaa na nu laca na ngu' Israel: La cui' Jesús nu ngujui'i̱ ca'a̱ na ji'i̱ lo crusi cha' cujuii na ji'i̱, la cui' yu bi', cua nda ycui' Ndyosi chacuayá' ji'i̱ yu cha' caca yu Xu'na na, cha' laca yu nu Cristo.

LOS HECHOS 3:16

’Cua nslo ma̱ ji'i̱ nu qui'yu re nu ngua quicha yu nquicha' ―nacui̱ Pedro ji'i̱ ngu'―. Lo'o juani cua ngua'ni Jesús cha' ndyaca tso'o yu re, xqui'ya cha' jlya ti' ya ji'i̱ Jesús. Nchca tsa ji'i̱ nu Jesús bi' cua'ni cha' tyaca tso'o ñati̱; taca ña'a̱ ma̱ cha' chañi cha' bi', cha' ngua tso'o yu re juani.

ROMANOS 1:4

lo'o jua'a̱ laca Jesús nu sca ti Sñi' nu ntsu'u ji'i̱ ycui' Ndyosi. Ndi'ya̱ caca cuayá' tso'o ti' na cha' bi': chacuayá' ji'i̱ ycui' Ndyosi Sti yu ndyu'ú Jesús chaca quiya' lo'o cua ngujuii yu, tlyu tsa cha' ngua'ni Ni li'. Nu lo'o nda ycui' Ndyosi Xtyi'i ycui' Ni ji'i̱ Jesús, nda Ni cha' lo'o na cha' Sñi' ycui' ca Ni laca nu Jesús bi'.

ROMANOS 14:9

Cua ngujuii Cristo, lo'o jua'a̱ cua ndyu'ú Cristo chaca quiya', cha' ca cuayá' ti' lcaa ngu' cha' ycui' Ndyosi laca Xu'na lcaa jyo'o nu ngusñi cha' ji'i̱ Ni nu lo'o nguti'i̱ ngu' chalyuu. Lo'o jua'a̱ ycui' Ni laca Xu'na ñati̱ nu jlya ti' ji'i̱ Ni nde chalyuu juani.

ROMANOS 6:4

Lo'o ntyucuatya ngu' ji'na, ndyaa na ne' hitya li', ñi'ya̱ laca si cua ndyaa na nguatsi' na stu'ba ti lo'o Cristo ne' cuaá. Ca bi' ntsiya jyo'o na, cha' taca tyu'ú na chaca quiya', ñi'ya̱ lo'o ngutu'u na nde lo hitya, cha' jua'a̱ tlyu tsa cha' nu ngua'ni ycui' Ndyosi Sti yu nu lo'o ndyu'ú Cristo chaca quiya'. Lo'o jua'a̱ caja sca chalyuu cucui ji'na xqui'ya Cristo.

1 CORINTIOS 1:25

Tso'o tsa ndyu'u cua ña'a̱ ca cha' nu nchcui' ycui' Ndyosi, masi ñacui̱ ñati̱ chalyuu cha' tonto tsa laca cha' bi'; pana cuxi la ndyu'u lcaa cha' tlyu nu nda ñati̱ chalyuu nu nchca tsa ji'i̱, nti' ngu'. La cui' jua'a̱ nguula la cña ndyaca, cua ña'a̱ ca cña nu ndu'ni ycui' Ndyosi, masi ñacui̱ ngu' cha' ná nchca ji'i̱ Ni; pana cuxi la cña ndyaca nu ndu'ni ycui' ca ñati̱.

1 CORINTIOS 15:43

Chiya'a̱ ña'a̱ jyo'o lo'o tyatsi', pana lubii tsa ña'a̱ caca lo'o tyu'ú chaca quiya'; sca na nu xcui' quicha ti ti' laca jyo'o nu tyatsi', pana nguula ti' bi' lo'o tyu'ú chaca quiya';

1 CORINTIOS 2:3

Lo'o ndyalaa na' su ndi'i̱ ma̱, nguna'a̱ tya ti' na' ndu̱ na' li'; nchcua̱ tya na' cha' ngulacua tsa ti' na' ni cha' xacui̱ ma̱ 'na li'.

1 CORINTIOS 6:14

Tlyu tsa cha' ngua'ni ycui' Ndyosi lo'o Jesús nu Xu'na na lo'o ngua'ni Ni cha' cua ndyu'ú yu chaca quiya', ngulo Ni ji'i̱ yu ca su ntsiya yu ngujuii. La cui' jua'a̱ tlyu tsa cha' caca lo'o cua'ni Ni cha' tyu'ú na chaca quiya', qui'ya Ni ji'na tyaa lo'o Ni ji'na ca lo'o tye chalyuu.

2 CORINTIOS 10:10

Nacui̱ ngu': Tonu tsa cha' nu nda nu Pablo bi', tyaala tsa ndu'ni yu lo'o na, nu lo'o ndi'i̱ yu tyijyu'. Nda yu cha' nu lijya̱ ca slo na, nacui̱ ngu' ji'i̱ ma̱, pana ná nchca culo tso'o yu cña ji'na nu lo'o ndi'i̱ yu slo na; ná nduna na tsiya' ti cha' nu nda yu li', nacui̱ ngu' bi' li'.

2 CORINTIOS 12:10

Tso'o nti' na' lacua, masi ná ntsu'u juersa 'na tsiya' ti, masi quiña'a̱ tsa cha' ti'í nchcui' ngu' jna', masi ti'i tsa na', masi lya' tsa ti' ngu' 'na, masi tucui tsa laca cña su ndya'a̱ na' cuentya ji'i̱ Cristo; la cui' tyempo lo'o ná nchca 'na tsiya' ti, la cui' hora bi' tso'o tsa ndyiji juersa 'na xqui'ya Cristo.

2 CORINTIOS 13:9

Si tso'o tsa ndyanu tachaa cha' ji'i̱ ycui' Ndyosi ne' cresiya ji'i̱ ma̱, tso'o tsa nti' ya li', masi xti ti cha' nchca ji'i̱ ycui' ya; bi' cha' ndijña ya cha' ji'i̱ ycui' Ndyosi cuentya ji'i̱ cu'ma̱ lacua, cha' jua'a̱ caca tyucui la ti' tyiquee ma̱ ña'a̱ ma̱ ji'i̱ ycui' Ndyosi.

FILIPENSES 3:10

Lo'o juani ni, tsa bi' ti cha' nti' na', cha' tyuloo lyiji na' ji'i̱ Cristo, cha' ca tii na' cha' tya ndyu'ni ycui' Ndyosi cña lo'o na' lo'o la cui' tya'a juersa nu cua ntsu'u ji'i̱ Ni lo'o ngua'ni Ni cha' ndyu'ú Jesús chaca quiya'. Ná ndu'ni cha' masi jua'a̱ chcube' na' ñi'ya̱ nu cua nchcube' ycui' Jesús, masi chcuna' chalyuu 'na tsiya' ti ñi'ya̱ lo'o cua ngujuii ycui' Cristo lo crusi.

HEBREOS 5:7

Nu lo'o tya ndi'i̱ Jesús lo yuu chalyuu, tyu̱u̱ tsa quiya' ngusi'ya tsa yu lo'o nchcui' yu lo'o ycui' Ndyosi Sti yu; lye tsa ngua ti' cresiya ji'i̱ yu lo'o ngüijña yu cha' ji'i̱ Ni, cha' nchca tsa ji'i̱ ycui' Ndyosi. Ngua ji'i̱ Ni cua'a ji'i̱ ñati̱ cha' ná cujuii ngu' ji'i̱ Jesús nquicha'; pana ndyuna Ni cha' nu nchcui' Jesús lo'o Ni, cha' ntaja'a̱ yu cua'ni yu lcaa cña nu nti' ycui' Ndyosi Sti yu.

1 PEDRO 3:18

Ycui' Cristo ngujuii xqui'ya qui'ya nu ntsu'u ji'na, masi lubii tsiya' ti cresiya ji'i̱ yu; nchcube' yu cuentya ji'na, cha' cuxi tsa tyiquee na. Lo'o juani taca tyalaa na slo ycui' Ndyosi xqui'ya nu Cristo bi'. Sca ti quiya' ngua cha' ti'í bi' ji'i̱ Cristo, ndye cña ji'i̱ yu nde loyuu chalyuu li'. Ndyujuii ngu' ji'i̱ nu ñati̱ nu naa Jesucristo bi', pana ngua'ni Xtyi'i ycui' Ndyosi cha' ndyu'ú yu chaca quiya'.

1 PEDRO 3:22

Na cua ndyaa Jesucristo nde cua̱, lo'o juani ndi'i̱ yu la'a tsu' cui̱ ca su ntucua ycui' Ndyosi. Nu Jesucristo bi' ni, laca yu loo ji'i̱ lcaa xca̱ ji'i̱ ycui' Ndyosi, ji'i̱ lcaa ngu' nu laca cña, ji'i̱ lcaa cui'i̱ tso'o nu nchca xi ji'i̱; laca yu loo tsiya' ti.