2 CORINTIOS 13:3 - Chatino Tataltepec

³ Ca li' caca cuayá' ti' ma̱ cha' ycui' Cristo laca nu nda cha' nu nchcui' na'; lo'o jua'a̱ si'i na xti ti cña nchca ji'i̱ Cristo lo'o xcube' Ni ji'i̱ ma̱, masi lye tsa cua'ni Ni cña cha' chcube' ma̱ li'.

2 CORINTIOS 13:3 ပူးပေါင်းရင်းမြစ်များ

SAN MATEO 10:20

cha' si'i cha' ji'i̱ ti ma̱ nu chcui' ma̱ li'; cha' ji'i̱ Xtyi'i ycui' Ndyosi Sti na, bi' caca cha' nu chcui' ma̱ lo'o ngu'.

SAN LUCAS 21:15

La cui' hora bi' cua'ni na' cha' ca'ya cha' hique ma̱ cha' ca jlo ti' ma̱ ñi'ya̱ nu chcui' ma̱ lo'o ngu' bi', cha' ná caja cha' nu xtyacui tya'a cusu̱u̱ ma̱ lo'o ma̱, cha' ná caja ñi'ya̱ nu chcui' loo ngu' ji'i̱ ma̱.

1 CORINTIOS 7:40

Pana nti' na' cha' tso'o la tyu'u tyiquee ma̱ si ná caja clyo'o ma̱, si tyanu ma̱ ycui' ti ma̱. Jua'a̱ nclyacua ti' na', cha' Xtyi'i ycui' Ndyosi nacui̱ 'na cha' chcui' na' jua'a̱, nti' na'.

2 CORINTIOS 10:1

Pablo laca na' nu nchcui' na' lo'o cu'ma̱ juani; tyu'u cha' clyu ti' ji'i̱ ma̱, masi chcui' liñi na' lo'o ma̱. Nacui̱ ngu' cha' ntsi̱i̱ na' lo'o nchcui' na' lo'o ma̱ nu lo'o ndi'i̱ na' slo ma̱, pana tyaala tsa ndu'ni na' lo'o ma̱ nu lo'o nga'a̱ na' tyijyu'; jua'a̱ cha' nda ngu'. Tyi'u ti' ma̱ lacua, cha' xcui' tso'o ti nti' Cristo lo'o ña'a̱ Ni ji'na.

2 CORINTIOS 10:4

si'i na nxu̱u̱ tya'a na lo'o ngu' cuxi ñi'ya̱ nu nxu̱u̱ tya'a sca ñati̱ chalyuu. Ycui' Ndyosi ni, nchca tsa ji'i̱ Ni, bi' laca nu stu'ba ti ndu'ni cña lo'o na cha' taca tyiji̱loo na ji'i̱ lcaa cha' cuxi nu nxu̱u̱ lo'o na.

2 CORINTIOS 12:12

Cua ndalo tsa na' laja lcaa cha' cuxi nu ngua 'na, cha' ndyu'ni na' cña nu cua nda nu Xu'na na 'na, cha' ndu̱ na' nchcui' na' lo'o cu'ma̱. Cua jlo ti' ma̱ cha' ycui' Ndyosi laca nu cua nda cña bi' 'na nu lo'o cua na'a̱ ma̱ cha' tlyu nu cua ngua'ni Ni ca slo ma̱ xqui'ya na', cha' jua'a̱ cube la ti' ma̱ ji'i̱ ycui' Ndyosi. Ná nchca cua'ni ñati̱ chalyuu cña bi' jua'a̱ ti.

2 CORINTIOS 2:10

Lo'o na', cui'ya na' cha' clyu ti' ji'i̱ yu bi', si cua ngua'ni clyu ti' cu'ma̱ ji'i̱ yu. Lo'o cu'ma̱ cua ngua'ni yu cha' cuxi bi', pana na' ngüi'ya̱ cha' clyu ti' ji'i̱ yu bi' cuentya ji'i̱ ma̱, masi tyijyu' ndi'i̱ na', masi sca ti Cristo ndu̱ lo'o na'. Bi' cha' jua'a̱ culacua tso'o ti' ma̱ lacua,

2 CORINTIOS 2:6

Cuayá' tsa cha' nu ngua'ni cu'ma̱ lo'o yu bi', cha' cati̱ xqui'ya yu bi', nu lo'o ndyu'u ti'i̱ ma̱ tsa tlyu ti nu ngua li'.

2 CORINTIOS 9:8

Taca xtyucua ycui' Ndyosi ji'i̱ ma̱ lo'o quiña'a̱ tsa cha', lo'o li' tyu'u scua ji'i̱ ma̱ lcaa cha' nu lyiji ji'i̱ ma̱; lo'o jua'a̱ tya caja la ñi'ya̱ xtyucua ma̱ ji'i̱ xa' ñati̱ lo'o cua ña'a̱ ca cña tso'o.