2 CORINTIOS 13:2 - Chatino Tataltepec

² Bi' laca cha' nu nchcui' na' lo'o lcaa cu'ma̱ ngu' Corinto nu cua ngusñi cha' ji'i̱ Jesucristo, lo'o jua'a̱ nchcui' na' lo'o cu'ma̱ ngu' taju ji'i̱ Jesús ca ndacua nu ngua'ni cha' cuxi tya tsubi' la. Nu lo'o ñaa na' nu ndyaca tyucuaa quiya' ni, cua laca nda na' cha' re lo'o cu'ma̱ li', pana juani lo'o ndi'i̱ na' tyijyu', tya chaca quiya' chcui' na' cha' bi' lo'o ma̱, cha' ni sca ñati̱ nu ndu'ni cha' cuxi ná nga'a̱ cha' clyaá ngu' lo'o ca̱a̱ na' chaca quiya'; cua'ni cuayá' na' ji'i̱ lcaa ngu' bi'.

2 CORINTIOS 13:2 ပူးပေါင်းရင်းမြစ်များ

1 CORINTIOS 5:5

Li' xtyanu ma̱ ji'i̱ yu bi' ya' nu xña'a̱. Masi quiñu'u̱ ycui' yu li', quiñu'u̱ cha' ji'i̱ yu su ndi'i̱ yu chalyuu, pana ca lo'o tye chalyuu, ca li' cua'ni lyaá ycui' nu Xu'na na ji'i̱ yu, qui'ya Ni cresiya ji'i̱ yu.

2 CORINTIOS 1:23

Ná nguta'a̱ na' quichi̱ tyi ma̱ tu'ni, cha' ná nti' na' cha' caca ñasi̱' na' ji'i̱ cu'ma̱. Chañi cha' xqui'ya cha' bi' ti, bi' cha' ná ndya'a̱ na' ca slo ma̱ li'. Cua jlo ti' ycui' Ndyosi cha' bi'. Qui'ya ycui' Ndyosi cresiya 'na si ná chañi cha' nu nchcui' na' re.

2 CORINTIOS 12:14

Cua tya̱a̱ ti na' ca su ndi'i̱ ma̱ chaca quiya'. Cua tya'a ti sna quiya' cha' ca̱a̱ na' slo ma̱ juani, lo'o ña'a̱ ti ná lijya̱ na' cha' culo na' sca cña tlyu ji'i̱ cu'ma̱. Sca ti nti' na' cha' caca ma̱ ñati̱ ji'i̱ ycui' Ndyosi, ná nti' na' cha' jña na' cñi ji'i̱ ma̱. Ñi'ya̱ nti' na ni, si ntsu'u sñi' na, ycui' ti na ta na caya' lo na laca nu lyiji ji'i̱ sñi' na; si'i sñi' na nu ta caya' lo ycui' na.

2 CORINTIOS 13:10

Lo'o jua'a̱ nscua na' quityi re, masi tyijyu' tsa ndi'i̱ na' cuentya ji'i̱ cu'ma̱, cha' ná caca tyaala na' lo'o cu'ma̱ nu lo'o cua ndyalaa na' ca quichi̱ tyi ma̱. Chañi cha' cua nda ycui' nu Xu'na na chacuayá' 'na, pana ndi'ya̱ ndyu'u cha' bi': cua'ni na' cha' caja ñi'ya̱ tyanu tachaa la cha' bi' ne' cresiya ji'i̱ ma̱; ná ntsu'u chacuayá' 'na cha' cua'ni ñu'u̱ lyiji na' ji'i̱ cu'ma̱.