2 CORINTIOS 13:10 - Chatino Tataltepec

¹⁰ Lo'o jua'a̱ nscua na' quityi re, masi tyijyu' tsa ndi'i̱ na' cuentya ji'i̱ cu'ma̱, cha' ná caca tyaala na' lo'o cu'ma̱ nu lo'o cua ndyalaa na' ca quichi̱ tyi ma̱. Chañi cha' cua nda ycui' nu Xu'na na chacuayá' 'na, pana ndi'ya̱ ndyu'u cha' bi': cua'ni na' cha' caja ñi'ya̱ tyanu tachaa la cha' bi' ne' cresiya ji'i̱ ma̱; ná ntsu'u chacuayá' 'na cha' cua'ni ñu'u̱ lyiji na' ji'i̱ cu'ma̱.

2 CORINTIOS 13:10 ပူးပေါင်းရင်းမြစ်များ

1 CORINTIOS 4:21

Cua jlo ti' na' cha' tso'o la caca ji'i̱ ma̱ si tso'o ti tyu'u tyiquee na' ña'a̱ na' ji'i̱ ma̱ lo'o tyalaa na' ca slo ma̱; tso'o la si tso'o ti chcui' na' lo'o cu'ma̱ li'. Ná tso'o ca ti' ma̱ si ta na' cha' cusu̱u̱ lo'o ma̱ li'.

1 CORINTIOS 5:4

Bi' cha' lacua tyu'u ti'i̱ ma̱ tsa tlyu ti ma̱ chacuayá' ji'i̱ Jesús nu Xu'na na, cha' cua'ni cuayá' ma̱ ji'i̱ yu bi' yala ti. Sca ti cha' ntsu'u tyiquee na' lo'o ma̱, lo'o jua'a̱ cua nda ycui' Jesucristo chacuayá' cha' cua'ni ma̱ jua'a̱.

2 CORINTIOS 10:2

Nu juani tya'na nchcui' na' lo'o ma̱, cha' ná cua'ni lye ma̱ lo'o na', cha' jua'a̱ ná cua'ni tyaala na' lo'o ma̱ chaca quiya' lo'o tyalaa na' ca su ndi'i̱ ma̱. Taca cua'ni tyaala na' lo'o ñati̱ tu'ni, ñati̱ nu cua nñilo'o ji'i̱ ma̱ cha' cuxi tsa cña ndyu'ni ya.

2 CORINTIOS 10:4

si'i na nxu̱u̱ tya'a na lo'o ngu' cuxi ñi'ya̱ nu nxu̱u̱ tya'a sca ñati̱ chalyuu. Ycui' Ndyosi ni, nchca tsa ji'i̱ Ni, bi' laca nu stu'ba ti ndu'ni cña lo'o na cha' taca tyiji̱loo na ji'i̱ lcaa cha' cuxi nu nxu̱u̱ lo'o na.

2 CORINTIOS 10:8

Cua nchcui' tsa na' lo'o ma̱ cha' cua nda ycui' nu Xu'na na chacuayá' ji'i̱ ya, nu lo'o ndya'a̱ ya slo cu'ma̱; lo'o jua'a̱ ná nchca tyuju'u ti' na' masi nchcui' na' jua'a̱ lo'o ma̱. Cua lo'o chacuayá' ji'i̱ ycui' Ndyosi ndya'a̱ ya, cha' taca tyatí̱ la ti' tyiquee ma̱ cha' ji'i̱ Ni; si'i na cua'ni ñu'u̱ lyiji ya ji'i̱ ma̱.

2 CORINTIOS 13:2

Bi' laca cha' nu nchcui' na' lo'o lcaa cu'ma̱ ngu' Corinto nu cua ngusñi cha' ji'i̱ Jesucristo, lo'o jua'a̱ nchcui' na' lo'o cu'ma̱ ngu' taju ji'i̱ Jesús ca ndacua nu ngua'ni cha' cuxi tya tsubi' la. Nu lo'o ñaa na' nu ndyaca tyucuaa quiya' ni, cua laca nda na' cha' re lo'o cu'ma̱ li', pana juani lo'o ndi'i̱ na' tyijyu', tya chaca quiya' chcui' na' cha' bi' lo'o ma̱, cha' ni sca ñati̱ nu ndu'ni cha' cuxi ná nga'a̱ cha' clyaá ngu' lo'o ca̱a̱ na' chaca quiya'; cua'ni cuayá' na' ji'i̱ lcaa ngu' bi'.

2 CORINTIOS 13:8

Ná ntsu'u cha' cua'ni tyaala ya lo'o ma̱ si ña'a̱ ti tya ndyanu tso'o cha' ne' cresiya ji'i̱ ma̱, nu cha' ji'i̱ Jesús nu cua ngusñi ma̱; pana si ndyu'ni ñu'u̱ ca ma̱ ji'i̱ nu cha' ji'i̱ Jesús bi', li' cua'ni tyaala ya lo'o ma̱.

2 CORINTIOS 2:3

cha' jua'a̱ ngua cha' nu nguscua na' lo quityi bi' tya tsubi' la. Ná nti' na' tsa'a na' slo cu'ma̱ nquicha'; ná tyiquee' cua'ni ma̱ cha' ca xñi'i̱ ti' na', ngua ti' na'. Pana tso'o la si tso'o ti caca tyiquee na', cha' jua'a̱ si tso'o ntsu'u tyiquee na', lo'o cu'ma̱ tso'o ti caca tyiquee ma̱ li', ngua ti' na'.

2 CORINTIOS 6:6

Pana ndi'ya̱ ca cuayá' ti' ngu' cha' cña ji'i̱ ycui' Ndyosi laca nu ndya'a̱ ya lo'o: na cua ngua lubii cresiya ji'i̱ ya cuentya ji'i̱ ycui' Ni; liñi tsa nchca cuayá' ti' ya cha' ji'i̱ Ni; ndalo tsa tyiquee ya ña'a̱ ya ji'i̱ ngu', cha' ndyanu Xtyi'i ycui' Ndyosi ne' cresiya ji'i̱ ya, lo'o jua'a̱ chañi cha' ntsu'u tsa tyiquee ya ña'a̱ ya ji'i̱ tya'a ñati̱ ya;

TITO 1:13

Chañi cha' nu nchcui' jyo'o bi'; bi' cha' lye chcui' nu'u̱ lo'o ngu' bi', cha' tso'o ti xñi ngu' lcaa cha' ji'i̱ Jesús nu nchcui' na lo'o ngu',