2 CORINTIOS 12:6 - Chatino Tataltepec

⁶ Ni si'i na tonto laca na' cha' nchcui' tsa na' ji'i̱ ycui' ca ti na' jua'a̱, cha' liñi laca nu nda na' lo'o ma̱ juani. Pana nga'aa nti' na' chcui' na' quiña'a̱ la cha' lo'o ma̱ juani, cha' ná nti' na' cha' cua'ni chi̱ ngu' loo na' si bilya ña'a̱ ngu' ñi'ya̱ ndyu'ni na', si bilya cuna ngu' cha' nu nda na'; tsa ña'a̱ cuayá' nu ndyuloo ti ngu' 'na, jua'a̱ ti taca cua'ni chi̱ ngu' loo na' nti' na'.

2 CORINTIOS 12:6 ပူးပေါင်းရင်းမြစ်များ

ROMANOS 9:1

Ñati̱ nu ntsu'u cha' ji'i̱ lo'o Cristo laca na', bi' cha' xcui' cha' liñi ta na' lo'o cu'ma̱; si'i cha' cuiñi nchcui' na'. Xtyi'i ycui' Ndyosi ngua'ni cha' ngua'ya cha' hique na', bi' cha' liñi tsa cha' nu ta na' lo'o ma̱ juani.

1 CORINTIOS 3:5

¿Tilaca laca nu Apolos bi' lacua? ¿Tilaca laca na' lacua? ¿Ha si'i cña ji'i̱ ycui' Ndyosi ndyu'ni ca ta'a ya? ¿Ha si'i xqui'ya cha' nda ya cha' lo'o ma̱, bi' cha' ngusñi ma̱ cha' ji'i̱ Cristo li'? Cua laca cña ndyu'ni scaa ya, la cui' cña ñi'ya̱ nu cua nda ycui' nu Xu'na na cha' cua'ni ya.

2 CORINTIOS 1:18

Cua jlo ti' ycui' Ndyosi cha' ná nchcui' ya tucua cha' lo'o cu'ma̱, ñi'ya̱ si nacui̱ ya cha' jua'a̱ laca, lo'o li' nacui̱ ya cha' si'i jua'a̱. Ná ndu'ni ya jua'a̱,

2 CORINTIOS 11:16

Chaca quiya' chcui' na' lo'o ma̱, cha' ná nga'a̱ cha' chcui' ma̱ cha' nu tonto ti laca na'. Masi jua'a̱ nti' ma̱, cha' tonto laca na', pana ta ma̱ xi chacuayá' 'na chcui' na' xi ji'i̱ lcaa cha' nu cua ngua 'na.

2 CORINTIOS 11:31

Ycui' Ndyosi Sti Jesucristo nu Xu'na na ni, tyucui tyempo nga'a̱ cha' cua'ni tlyu na ji'i̱ Ni: la cui' Ni jlo ti' Ni cha' si'i cha' cuiñi laca nu nda na' lo'o cu'ma̱.

2 CORINTIOS 12:11

Cu'ma̱ ngua'ni ma̱ lo'o na' cha' nchcui' na' cha' tonto re, pana cu'ma̱ laca nu nga'a̱ cha' chcui' tso'o ma̱ 'na nquicha'. Masi ná sca cha' ndyaca 'na tsiya' ti, si'i na xti la cña nchca 'na lo'o quiña'a̱ la cña nchca ji'i̱ nu ngu' cuiñi bi', masi tyaca'a tsa ndyu'ni ma̱ ji'i̱ ngu'; si'i jua'a̱ ndyu'u cha'.

2 CORINTIOS 12:7

Lo'o li' nda ycui' Ndyosi chacuayá' cha' caja xi cha' chcube' na', cha' ná lye tsa caca tyucuaa ti' na' lo'o ñati̱ xqui'ya cha' tlyu ca nde cua̱ nu cua na'a̱ na' laja xcalá̱; nda Ni sca lo quicha 'na nu ti'í tsa ndyu'ni lo'o na'. Lo'o jua'a̱ laca bi' ñi'ya̱ laca lo'o ntsu'u na ya' nu xña'a̱ nchcube' ji'na, cha' ti'í tsa ndyu'ni quicha bi' lo'o na', cha' ná caca tyucuaa ti' na' lo'o xa' ñati̱.

2 CORINTIOS 5:13

Ná ndu'ni cha' masi ñacui̱ ngu' bi' cha' tonto tsa ya; jua'a̱ laca ya tu'ni, xqui'ya cha' ndyu'ni ya cña ji'i̱ ycui' Ndyosi. Masi jua'a̱ laca ya nti' ngu' bi', pana tyucui tyiquee ya taca xtyucua ya ji'i̱ cu'ma̱ li'.

2 CORINTIOS 7:14

Lo'o tya ndi'i̱ yu ca slo na', cua ni na' ji'i̱ yu cha' tso'o tsa ngusñi ma̱ cha' ji'i̱ Jesús, lo'o jua'a̱ chañi tsa cha' bi'. La cui' jua'a̱ lcaa quiya' lo'o nchcui' ya, chañi tsa laca cha' ji'i̱ Jesús nu nchcui' ya lo'o ma̱; lo'o jua'a̱ chañi ngua cha' nu ni na' ji'i̱ Tito, cha' tso'o ti nti' ycui' ya ña'a̱ ya ji'i̱ ma̱.