2 CORINTIOS 12:16 - Chatino Tataltepec

¹⁶ Ná quiña'a̱ tsa cñi nguliji ma̱ lo na' li'; pana ña'a̱ ti tya ntsu'u xi ngu' tya'a ma̱ nu nchcui' cha' cua nguñilo'o na' ji'i̱ ma̱ cha' cua'ni na' ngana ji'i̱ ma̱.

2 CORINTIOS 12:16 ပူးပေါင်းရင်းမြစ်များ

2 CORINTIOS 1:12

Tso'o tsa nti' ya cha' xcui' ngua'ni tyucui tyiquee ya lo'o ma̱, xcui' nda ya cha' liñi lo'o ma̱, ñi'ya̱ nu ngua'ni ya lo'o xa' ñati̱; jua'a̱ nti' ya. Ngua ji'i̱ ya cua'ni ya jua'a̱ lo'o ma̱ xqui'ya cha' lye tsa ngua'ni tya'na ti' ycui' Ndyosi ji'na laja ti; si'i cha' nda'ya cha' hique ti ya, bi' cha' ndu'ni ya jua'a̱.

2 CORINTIOS 11:20

Na ndalo tsa tyiquee ma̱ ji'i̱ lcaa ngu' tonto bi', masi lye tsa nclyo ngu' cña ji'i̱ ma̱, masi ndyu'ni ngu' ngana ji'i̱ ma̱, masi ndatsaa tsa ngu' ji'i̱ ma̱ cha' cua'ni ma̱ cha' cuxi, masi ndu'ni tyucuaa tsa ti' ngu' lo'o ma̱, masi lu'ba ti ntyiji'i̱ ngu' saca' ma̱; cua ndalo tsa tyiquee ma̱ ji'i̱ ngu' bi'.

2 CORINTIOS 12:13

Tsa bi' ti cha', ná ngüijña na' ji'i̱ cu'ma̱ cha' xtyucua ma̱ 'na, bi' cha' nti' ma̱ cha' chi̱i̱ nti' na' ña'a̱ na' ji'i̱ cu'ma̱; tso'o la ndu'ni na' lo'o ngu' xa' quichi̱, nti' ma̱. Tyu'u xi cha' clyu ti' ji'i̱ ma̱ lo'o na' lacua, cha' ná ndijña na' cha' bi' ji'i̱ cu'ma̱.

2 CORINTIOS 4:2

Cua nguxtyanu ya ji'i̱ lcaa cha' cuxi nu ndyu'ni ngu' cuaana ti, lcaa cha' nu ntyuju'u tsa ti' ngu' cua'ni ngu' ji'i̱. Si'i na nñilo'o ya ji'i̱ ngu', la cui' jua'a̱ ná nchcutsa'a̱ ya cha' ji'i̱ ycui' Ndyosi lo'o xi xa' la cha', nu lo'o nchcui' ya cha' bi' lo'o ngu'; tso'o ti nclyu'u ya tyucui cha' ji'i̱ Jesús ji'i̱ ngu'. Lo'o jua'a̱ chañi tsa laca cha' bi', cha' jua'a̱ caca cuayá' ti' lcaa ñati̱ cha' tyucui tyiquee ya ndu'ni ya cña ji'i̱ ycui' Ndyosi; jua'a̱ nti' ycui' Ni ña'a̱ Ni ji'i̱ ya.

2 CORINTIOS 6:8

Ntsu'u quiya' nu ndu'ni chi̱ ngu' loo ya; xa' la tyempo, li' nchcui' ngu' cha' ti'í ji'i̱ ya. Nchcui' ngu' cha' tso'o ji'i̱ ya, lo'o jua'a̱ nchcui' ngu' cha' cuxi ji'i̱ ya. Nchcui' ngu' cha' nu cuiñi tsa ya; xa' la tyempo, li' nchcui' ngu' cha' liñi tsa cha' nu nchcui' ya.

2 CORINTIOS 7:2

Cua'ni cho'o tyiquee ma̱ ña'a̱ ma̱ ji'i̱ ya lacua. Ni sca quiya' ná ngua'ni ya cha' cuxi lo'o cu'ma̱, ni scaa cu'ma̱ ná ngua'ni ñu'u̱ ya chalyuu ji'i̱ ma̱; ná ntsu'u mala su nñilo'o ya ji'i̱ ma̱, ni sca tya'a ma̱.

1 TESALONICENSES 2:3

Si'i cha' cuiñi ngulu'u ya ji'i̱ ma̱ nu ngua li', si'i na cuxi tyiquee ya ña'a̱ ya ji'i̱ ma̱, ni si'i na nñilo'o ya ji'i̱ ma̱.

1 TESALONICENSES 2:5

Si'i na tso'o tsa ndyu'ni ya lo'o ma̱ cha' cua'ni ya ngana ji'i̱ ma̱, ni si'i na tso'o tsa nchcui' ya lo'o ma̱ cha' caja cha' tso'o nu ntsu'u ji'i̱ ma̱ ji'i̱ ya. Jlo ti' ycui' Ndyosi cha' xcui' cha' liñi nchcui' ya; lo'o jua'a̱ cu'ma̱, cua ndyuna ma̱ cha' bi'.

1 PEDRO 2:3

Cua ndyo'o cuayá' ma̱ xi styi' bi', bi' cha' ngua cuayá' ti' ma̱ cha' tso'o tsa ntsu'u tyiquee nu Xu'na na ña'a̱ Ni ji'na.