2 CORINTIOS 12:12 - Chatino Tataltepec

¹² Cua ndalo tsa na' laja lcaa cha' cuxi nu ngua 'na, cha' ndyu'ni na' cña nu cua nda nu Xu'na na 'na, cha' ndu̱ na' nchcui' na' lo'o cu'ma̱. Cua jlo ti' ma̱ cha' ycui' Ndyosi laca nu cua nda cña bi' 'na nu lo'o cua na'a̱ ma̱ cha' tlyu nu cua ngua'ni Ni ca slo ma̱ xqui'ya na', cha' jua'a̱ cube la ti' ma̱ ji'i̱ ycui' Ndyosi. Ná nchca cua'ni ñati̱ chalyuu cña bi' jua'a̱ ti.

2 CORINTIOS 12:12 ပူးပေါင်းရင်းမြစ်များ

SAN JUAN 4:48

―¿Ni jacua' jlya ti' ma̱ ji'i̱ ycui' Ndyosi? ―nacui̱ Jesús ji'i̱ nu cusu' bi' li'―. ¿Ha ná jlya ti' ma̱ cha' caca cua'ni Ni cña si ná lo'o cua'ni na' sca cña tonu cha' ña'a̱ cui'ya ma̱ xi ji'i̱?

1 CORINTIOS 14:18

Tso'o tsa nti' na' ña'a̱a̱ ji'i̱ ycui' Ndyosi cha' nchca 'na nchcui' na' cha'cña ji'i̱ xa' la ñati̱; nchca la jna', xti la cha' nchca ji'i̱ cu'ma̱, nti' na'.

2 CORINTIOS 11:4

Ngujui cha' jna' cha' ndi'ya̱ ndu'ni ma̱: tso'o tsa nchcui' ma̱ lo'o cua ña'a̱ ca ñati̱ nu lijya̱ ca slo ma̱, masi xa' ña'a̱ cha' nu nda ngu' cuentya ji'i̱ Jesús, masi ná stu'ba cha' nu nda ngu' bi' lo'o cha' nu cua nda ya lo'o ma̱ tya clyo la. La cui' jua'a̱ nduna ma̱ chaca cha', pana si'i cha' tso'o ji'i̱ Jesús nu ndu'ni lyaá ji'na ji'i̱ nu cuxi nu cua nchcui' ya lo'o ma̱ laca bi'. Bi' cha' laca cha' chaca xtyi'i ndyu'ú ne' cresiya ji'i̱ ma̱ juani, nga'aa si'i Xtyi'i ycui' Ndyosi laca bi'.

2 CORINTIOS 11:6

Masi ná nchca 'na chcui' liñi na' lo'o ñati̱, nti' ma̱, pana ndye cha' ngua tsa'a̱ tso'o na' cha' ji'i̱ Jesús bi'; lo'o jua'a̱ jlo ti' ma̱ cha' chañi tsa cha' nu nchcui' na' re, cha' tyu̱u̱ quiya' cua na'a̱ ma̱ 'na, lcaa ca cha' nu cua ngua 'na.

2 CORINTIOS 4:2

Cua nguxtyanu ya ji'i̱ lcaa cha' cuxi nu ndyu'ni ngu' cuaana ti, lcaa cha' nu ntyuju'u tsa ti' ngu' cua'ni ngu' ji'i̱. Si'i na nñilo'o ya ji'i̱ ngu', la cui' jua'a̱ ná nchcutsa'a̱ ya cha' ji'i̱ ycui' Ndyosi lo'o xi xa' la cha', nu lo'o nchcui' ya cha' bi' lo'o ngu'; tso'o ti nclyu'u ya tyucui cha' ji'i̱ Jesús ji'i̱ ngu'. Lo'o jua'a̱ chañi tsa laca cha' bi', cha' jua'a̱ caca cuayá' ti' lcaa ñati̱ cha' tyucui tyiquee ya ndu'ni ya cña ji'i̱ ycui' Ndyosi; jua'a̱ nti' ycui' Ni ña'a̱ Ni ji'i̱ ya.