2 CORINTIOS 12:10 - Chatino Tataltepec10 Tso'o nti' na' lacua, masi ná ntsu'u juersa 'na tsiya' ti, masi quiña'a̱ tsa cha' ti'í nchcui' ngu' jna', masi ti'i tsa na', masi lya' tsa ti' ngu' 'na, masi tucui tsa laca cña su ndya'a̱ na' cuentya ji'i̱ Cristo; la cui' tyempo lo'o ná nchca 'na tsiya' ti, la cui' hora bi' tso'o tsa ndyiji juersa 'na xqui'ya Cristo. အခန်းကိုကြည့်ပါ။ |
2 CORINTIOS 12:10
29 ပူးပေါင်းရင်းမြစ်များ
Pana ndi'ya̱ nacui̱ Ni 'na li': “Tsa bi' ti cha' nga'a̱ cha' tyi'u ti' nu'u̱, cha' xcui' cha' tso'o ndu'ni na' lo'o nu'u̱ jua'a̱ ti. Lye la caca cua'ni na' cña xqui'ya nu'u̱, nu lo'o ná quiña'a̱ tsa juersa ntsu'u ji'i̱ ycui' ca nu'u̱”, nacui̱ Ni jna'. Bi' cha' juani tso'o tsa nti' na' masi ná ndyiji juersa 'na, cha' li' taca tyanu juersa ji'i̱ ycui' Cristo ne' cresiya 'na.
Chañi tsa cha' ndye juersa ji'i̱ Cristo nu lo'o ndyujuii ngu' ji'i̱, lo'o ngujui'i̱ ca'a̱ ngu' ji'i̱ lo crusi; pana tlyu tsa cña ngua'ni ycui' Ndyosi cuentya ji'i̱ yu, bi' cha' laca cha' ña'a̱ ti tya lu'ú yu juani. Ñi'ya̱ nti' Cristo, cha' ná nguxlyú cha' hichu̱' ñati̱ nu ndyujuii ji'i̱, la cui' jua'a̱ cuare, si'i na lye tsa nclyo ya cña ji'i̱ cu'ma̱ nquicha'; pana juani caca cuayá' ti' ma̱ cha' ña'a̱ ti tya lu'ú ya xi, cha' la cui' chacuayá' ji'i̱ ycui' Ndyosi ndya'a̱ lo'o ya lijya̱ ya, la cui' tya'a chacuayá' nu ntsu'u ji'i̱ Cristo.
Nu cha' nu nda ya lo'o ngu' ni, si'i cha' ji'i̱ ycui' ca ya nchcui' ya. Ndi'ya̱ laca cha' nu nchcui' ya lo'o ngu': Jesucristo laca Xu'na tyucui ña'a̱ nde cua̱, lo'o la cui' Ni laca Ni loo ji'i̱ tyucui ña'a̱ nde chalyuu. Bi' cha' ñacui̱ ya cha' xqui'ya Jesús nu Xu'na na ndyu'ni ya cña cuentya ji'i̱ ma̱.
bi' cha' laca ndya'a̱ ya ca slo ma̱ chacuayá' ji'i̱ ycui' Cristo. Ndi'ya̱ laca lo'o nchcui' ya lo'o ma̱, ñi'ya̱ laca si ycui' Ndyosi nchcuane Ni ji'i̱ ma̱ cha' cua'a̱ jyaca̱ ma̱ ji'i̱ cha' nu nchcui' Cristo. Nchcui' ya lo'o cu'ma̱ chacuayá' ji'i̱ Cristo lacua, cha' cua'ni ma̱ cha' caca stu'ba cha' ji'i̱ ma̱ lo'o ycui' Ndyosi.
Tso'o nti' na' masi cua ngujui xi cha' ti'í 'na cuentya ji'i̱ cu'ma̱; tso'o nti' na' cha' cuentya ji'i̱ ca ta'a taju ñati̱ nu ngusñi cha' ji'i̱ Cristo lcaa quichi̱, bi' cha' ndyacua cha' ti'í bi' 'na. Nchcube' tsa Cristo nde chalyuu xqui'ya na, cha' laca na ñati̱ ji'i̱ ycui' yu; jua'a̱ ndyacua cha' ti'í 'na, cha' cua lijya̱ caca stu'ba la cha' ji'na lo'o ycui' Cristo lo'o cha' ti'í nu ndyaca ji'na nde chalyuu cha' ngusñi na cha' ji'i̱ Cristo.
Tso'o tsa li'. Tso'o tsa ntsu'u tyiquee ya xqui'ya cu'ma̱, bi' cha' nda ya cha' ji'i̱ ma̱ lo'o lcaa taju ngu' tya'a ntsu'u cha' ji'na lo'o ycui' Ndyosi. Nacui̱ ya ji'i̱ ngu' cha' tso'o tsa ndyu'ni ma̱, cha' tlyu tsa tyiquee ma̱ xqui'ya ycui' Ndyosi, masi ndyiji tsa cha' ti'í ji'i̱ ma̱, masi lye tsa ndyu'ni lya' ti' ngu' ji'i̱ ma̱. Tso'o tsa cha' ndalo tyiquee ma̱ ji'i̱ ngu', masi cuxi tsa ndyu'ni ngu' bi' lo'o ma̱ jua'a̱.
ကြော်ငြာတွေ