2 CORINTIOS 11:6 - Chatino Tataltepec

⁶ Masi ná nchca 'na chcui' liñi na' lo'o ñati̱, nti' ma̱, pana ndye cha' ngua tsa'a̱ tso'o na' cha' ji'i̱ Jesús bi'; lo'o jua'a̱ jlo ti' ma̱ cha' chañi tsa cha' nu nchcui' na' re, cha' tyu̱u̱ quiya' cua na'a̱ ma̱ 'na, lcaa ca cha' nu cua ngua 'na.

2 CORINTIOS 11:6 ပူးပေါင်းရင်းမြစ်များ

1 CORINTIOS 1:17

Si'i cha' tyucuatya na' ji'i̱ ñati̱ nda ycui' Ndyosi cña 'na lijya̱a̱; cua ngulo Ni cña 'na cha' tsa'a̱ chcui̱' cha' tso'o nu ntsu'u ji'i̱ Jesús lo'o ñati̱. Si'i na lijya̱ na' lo'o quiña'a̱ tsa cha' nu culo hique ti na', ñi'ya̱ nchcui' ñati̱ chalyuu nu nchca tsa ji'i̱; si jua'a̱, ná ca cuaya' ti' ñati̱ ñi'ya̱ ngua cha' tlyu nu ngua'ni Cristo lo'o ngujuii yu lo crusi.

1 CORINTIOS 1:21

Ngua'ni Ni cha' ná caja ñi'ya̱ tyuloo ñati̱ chalyuu ji'i̱ Ni cha' hique ti ngu'; jua'a̱ tso'o la, ngua ti' ycui' Ndyosi. Pana ndu'ni lyaá Ni ji'i̱ ñati̱ nu xñi cha' ji'i̱ Ni; la cui' cha' nu ndacha' na ji'i̱ ngu', masi cha' tonto nchcui' na, nacui̱ ngu' li'.

1 CORINTIOS 12:8

Ndi'ya̱ laca cña nu taca cua'ni na xqui'ya Xtyi'i ycui' Ndyosi: ntsu'u ngu' nu ndacha' liñi ñi'ya̱ nu ngua ji'i̱ Jesús; lo'o jua'a̱ ntsu'u ngu' nu tso'o tsa nclyu'u tyucui̱i̱ cha' xñi na cha' ji'i̱ ycui' Ndyosi;

1 CORINTIOS 2:13

Nu lo'o cacha' na cha' tso'o nu ji'i̱ ycui' Ndyosi bi' ji'i̱ ñati̱ ji'i̱ ycui' Ni, nu ngu' nu ntsu'u Xtyi'i ycui' Ni ne' cresiya ji'i̱, li' clyana na sca cha' nu chcui' na, sca cha' nu ta Xtyi'i ycui' Ni lo'o na; ná clyana na quiña'a̱ tsa cha' chcui' na ñi'ya̱ nu ndu'ni ñati̱ nu nchca tsa ji'i̱ ycui' ca ngu'.

2 CORINTIOS 10:10

Nacui̱ ngu': Tonu tsa cha' nu nda nu Pablo bi', tyaala tsa ndu'ni yu lo'o na, nu lo'o ndi'i̱ yu tyijyu'. Nda yu cha' nu lijya̱ ca slo na, nacui̱ ngu' ji'i̱ ma̱, pana ná nchca culo tso'o yu cña ji'na nu lo'o ndi'i̱ yu slo na; ná nduna na tsiya' ti cha' nu nda yu li', nacui̱ ngu' bi' li'.

2 CORINTIOS 12:12

Cua ndalo tsa na' laja lcaa cha' cuxi nu ngua 'na, cha' ndyu'ni na' cña nu cua nda nu Xu'na na 'na, cha' ndu̱ na' nchcui' na' lo'o cu'ma̱. Cua jlo ti' ma̱ cha' ycui' Ndyosi laca nu cua nda cña bi' 'na nu lo'o cua na'a̱ ma̱ cha' tlyu nu cua ngua'ni Ni ca slo ma̱ xqui'ya na', cha' jua'a̱ cube la ti' ma̱ ji'i̱ ycui' Ndyosi. Ná nchca cua'ni ñati̱ chalyuu cña bi' jua'a̱ ti.

2 CORINTIOS 4:2

Cua nguxtyanu ya ji'i̱ lcaa cha' cuxi nu ndyu'ni ngu' cuaana ti, lcaa cha' nu ntyuju'u tsa ti' ngu' cua'ni ngu' ji'i̱. Si'i na nñilo'o ya ji'i̱ ngu', la cui' jua'a̱ ná nchcutsa'a̱ ya cha' ji'i̱ ycui' Ndyosi lo'o xi xa' la cha', nu lo'o nchcui' ya cha' bi' lo'o ngu'; tso'o ti nclyu'u ya tyucui cha' ji'i̱ Jesús ji'i̱ ngu'. Lo'o jua'a̱ chañi tsa laca cha' bi', cha' jua'a̱ caca cuayá' ti' lcaa ñati̱ cha' tyucui tyiquee ya ndu'ni ya cña ji'i̱ ycui' Ndyosi; jua'a̱ nti' ycui' Ni ña'a̱ Ni ji'i̱ ya.

2 CORINTIOS 5:11

Xqui'ya cha' ndube tsa ti' ya cha' ña'a̱ ycui' Ndyosi ji'i̱ ya, bi' cha' nchcui' tsa ya cha' ji'i̱ Jesús lo'o xa' ñati̱. Tso'o tsa nslo ycui' Ndyosi ji'i̱ ya, ñi'ya̱ ndu'ni sa scaa ya. Lo'o jua'a̱ cu'ma̱, nti' ya cha' liñi tsa ndyuloo ma̱ ji'i̱ ya,

2 CORINTIOS 6:6

Pana ndi'ya̱ ca cuayá' ti' ngu' cha' cña ji'i̱ ycui' Ndyosi laca nu ndya'a̱ ya lo'o: na cua ngua lubii cresiya ji'i̱ ya cuentya ji'i̱ ycui' Ni; liñi tsa nchca cuayá' ti' ya cha' ji'i̱ Ni; ndalo tsa tyiquee ya ña'a̱ ya ji'i̱ ngu', cha' ndyanu Xtyi'i ycui' Ndyosi ne' cresiya ji'i̱ ya, lo'o jua'a̱ chañi cha' ntsu'u tsa tyiquee ya ña'a̱ ya ji'i̱ tya'a ñati̱ ya;

2 CORINTIOS 7:2

Cua'ni cho'o tyiquee ma̱ ña'a̱ ma̱ ji'i̱ ya lacua. Ni sca quiya' ná ngua'ni ya cha' cuxi lo'o cu'ma̱, ni scaa cu'ma̱ ná ngua'ni ñu'u̱ ya chalyuu ji'i̱ ma̱; ná ntsu'u mala su nñilo'o ya ji'i̱ ma̱, ni sca tya'a ma̱.

EFESIOS 3:4

Lo'o chcui' ma̱ lo quityi re, li' caca cuayá' ti' ma̱ cha' nu nda na' lo'o ma̱ cuentya ji'i̱ cña nu nti' Cristo cua'ni nde chalyuu;